IT ਸੈੱਲ ਤੇ ਉਸਦਾ ਫਰਜ਼ੀ ਰੰਗ, ਦੇਖੋ ਕਿਵੇਂ ਐਡੀਟੇਡ ਤਸਵੀਰ ਬਣਾ ਕੇ ਕੀਤਾ ਦੇਸ਼ ਦੇ ਪਹਿਲਵਾਨਾਂ ਨੂੰ ਬਦਨਾਮ

Fact Check Morphed image viral to defame protesting wrestlers

RSFC (Team Mohali)- ਜੰਤਰ ਮੰਤਰ 'ਤੇ ਧਰਨਾ ਦੇ ਰਹੇ ਪਹਿਲਵਾਨਾਂ ਨੂੰ ਕੱਲ 28 ਮਈ 2023 ਨੂੰ ਪੁਲਿਸ ਦੁਆਰਾ ਗ੍ਰਿਫਤਾਰ ਕਰਲਿਆ ਗਿਆ ਅਤੇ ਉਨ੍ਹਾਂ ਦੇ ਟੇਂਟ ਅਤੇ ਸਮਾਨ ਜੰਤਰ ਮੰਤਰ ਤੋਂ ਹਟਾ ਦਿੱਤੇ ਗਏ। ਹੁਣ ਸੋਸ਼ਲ ਮੀਡੀਆ 'ਤੇ ਇਸ ਮਾਮਲੇ ਨੂੰ ਲੈ ਕੇ ਕਈ ਵੀਡੀਓ ਤਸਵੀਰਾਂ ਵਾਇਰਲ ਹੋਈਆਂ ਜਿਨ੍ਹਾਂ ਵਿਚ ਪਹਿਲਵਾਨਾਂ ਨਾਲ ਪੁਲਿਸ ਦਾ ਕਥਿਤ ਮਾੜਾ ਸਲੂਕ ਵੇਖਿਆ ਜਾ ਸਕਦਾ ਸੀ। ਇਸੇ ਤਰ੍ਹਾਂ ਪਹਿਲਵਾਨਾਂ ਨੂੰ ਬਦਨਾਮ ਕਰਨ ਲਈ IT ਸੈੱਲ ਦੁਆਰਾ ਵੀ ਕੋਸ਼ਿਸ਼ ਕੀਤੀ ਗਈ। ਇਸ ਸੈੱਲ ਨੇ ਪਹਿਲਵਾਨਾਂ ਦੀ ਇੱਕ ਤਸਵੀਰ ਵਾਇਰਲ ਕਰਦਿਆਂ ਦਾਅਵਾ ਕੀਤਾ ਕਿ ਪਹਿਲਵਾਨ ਸਿਰਫ ਟੀਵੀ ਮੀਡੀਆ ਸਾਹਮਣੇ ਦੁਖੀ ਹੋਣ ਦਾ ਬਹਾਨਾ ਕਰ ਰਹੇ ਹਨ ਜਦਕਿ ਉਹ ਅੰਦਰ ਖਾਤੇ ਖੁਸ਼ ਹਨ। ਆਈਟੀ ਸੈੱਲ ਨੇ ਇੱਕ ਤਸਵੀਰ ਵਾਇਰਲ ਕੀਤੀ ਜਿਸਦੇ ਵਿਚ ਪਹਿਲਵਾਨਾਂ ਨੂੰ ਪੁਲਿਸ ਦੀ ਗ੍ਰਿਫਤ 'ਚ ਬਸ ਅੰਦਰ ਬੈਠ ਕੇ ਹਸਦਿਆਂ ਦੀ ਸੈਲਫੀ ਖਿੱਚਦੇ ਵੇਖਿਆ ਜਾ ਸਕਦਾ ਹੈ।

ਇਸ ਤਸਵੀਰ ਨੂੰ ਸੋਸ਼ਲ ਮੀਡੀਆ 'ਤੇ ਕਈ ਰਾਈਟ ਵਿੰਗ ਸਮਰਥਕ ਅਕਾਊਂਟਸ ਵੱਲੋਂ ਸਾਂਝਾ ਕੀਤਾ ਗਿਆ ਅਤੇ ਪਹਿਲਵਾਨਾਂ 'ਤੇ ਨਿਸ਼ਾਨੇ ਸਾਧੇ ਗਏ। 

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਹੀ ਤਸਵੀਰ ਇੱਕ ਐਡੀਟੇਡ ਟੂਲ ਦੀ ਮਦਦ ਨਾਲ ਬਣਾਈ ਗਈ ਹੈ। ਐਡੀਟੇਡ ਤਸਵੀਰ ਬਣਾ ਕੇ ਪਹਿਲਵਾਨਾਂ 'ਤੇ ਨਿਸ਼ਾਨੇ ਸਾਧੇ ਜਾ ਰਹੇ ਹਨ।

"ਹੁਣ ਦੇਖੋ ਕਿਵੇਂ ਬਣਾਈ ਗਈ ਇਹ ਤਸਵੀਰ"

ਇਸ ਤਸਵੀਰ ਦੇ ਵਾਇਰਲ ਹੁੰਦੇ ਸਾਰ ਪਹਿਲਵਾਨ ਬਜਰੰਗ ਪੂਨੀਆ ਨੇ ਅਸਲ ਤਸਵੀਰ ਸਾਂਝੀ ਕਰ ਆਈਟੀ ਸੈੱਲ ਦੇ ਫਰਜ਼ੀ ਨਕਾਬ ਨੂੰ ਸਾਂਝਾ ਕੀਤਾ। ਦੱਸ ਦਈਏ ਕਿ ਅਸਲ ਤਸਵੀਰ ਵਿਚ ਪੁਲਿਸ ਦੀ ਗ੍ਰਿਫਤ 'ਚ ਬੈਠੇ ਪਹਿਲਵਾਨ ਖੁਸ਼ ਨਹੀਂ ਸਨ। 

ਅਸਲ ਤਸਵੀਰ ਅਤੇ ਵਾਇਰਲ ਤਸਵੀਰ ਦੇ ਕੋਲਾਜ ਨੰ ਵੇਖਿਆ ਜਾ ਸਕਦਾ ਹੈ।

ਹੁਣ ਅਸੀਂ ਤੁਹਾਂਨੂੰ ਦੱਸਾਂਗੇ ਕਿ ਕਿਵੇਂ ਇਹ ਫਰਜ਼ੀ ਤਸਵੀਰ ਬਣਾਈ ਗਈ। ਰੋਜ਼ਾਨਾ ਸਪੋਕਸਮੈਨ ਨੇ ਅਜਿਹੇ ਹੀ AI App ਨੂੰ ਡਾਊਨਲੋਡ ਕੀਤਾ ਅਤੇ ਅਸਲ ਤਸਵੀਰ ਨੂੰ ਓਹਦੇ 'ਚ ਅਪਲੋਡ ਕਰ ਫਰਜ਼ੀ ਮੁਸਕਾਨ ਪਹਿਲਵਾਨਾਂ ਦੇ ਚਿਹਰੇ 'ਤੇ ਜੋੜਿਆ। ਦੱਸ ਦਈਏ ਕਿ ਸਮਾਨ ਐੱਪ ਦੀ ਮਦਦ ਨਾਲ ਹੀ ਵਾਇਰਲ ਤਸਵੀਰ ਬਣਾਈ ਗਈ ਹੈ।

ਹੁਣ ਤੁਸੀਂ ਦੇਖੋਂਗੇ ਕਿ ਕਿਵੇਂ ਅਸਲ ਤਸਵੀਰ ਨੂੰ ਐਡਿਟ ਕੀਤਾ ਗਿਆ ਸੀ।