ਮਿੱਸੀ ਰੋਟੀ ਸਵਾਦਿਸ਼ਟ ਹੋਣ ਦੇ ਨਾਲ ਨਾਲ ਪੌਸ਼ਟਿਕ ਹੁੰਦਾ ਹੈ। ਮਿੱਸੀ ਰੋਟੀ ਲੰਚ ਜਾਂ ਡਿਨਰ ਵਿਚ ਕਦੇ ਵੀ ਬਣਾਓ ਤੁਹਾਨੂੰ ਬਹੁਤ ਪਸੰਦ ਆਵੇਗੀ।  

ਸਮੱਗਰੀ : ਕਣਕ ਦਾ ਆਟਾ 500 ਗ੍ਰਾਮ, ਵੇਸਨ 250 ਗ੍ਰਾਮ, ਪਿਆਜ਼ 150 ਗ੍ਰਾਮ, ਹਰੀ ਮਿਰਚ 8, ਲੂਣ ਲੋੜ ਅਨੁਸਾਰ, ਘਿਓ ਰੋਟੀ ਚੋਪੜਨ ਲਈ, ਲਾਲ ਮਿਰਚ 1 ਚਮਚ, ਅਜਵਾਇਨ - 1/4 ਛੋਟੀ ਚਮਚ, ਹਿੰਗ - 1 - 2 ਪਿੰਚ, ਹਲਦੀ - 1/4 ਛੋਟੀ ਚਮਚ, ਕਸੂਰੀ ਮੇਥੀ - 1 ਵੱਡਾ ਚਮਚ, ਤੇਲ -  2 ਛੋਟੀ ਚਮਚ

ਵਿਧੀ : ਪਿਆਜ਼ ਨੂੰ ਛਿੱਲ ਕੇ ਬਰੀਕ-ਬਰੀਕ ਕੱਟ ਲਓ। ਹਰੀ ਮਿਰਚ ਧੋ ਕੇ ਬਰੀਕ ਕੁਤਰ ਲਓ। ਕਣਕ ਅਤੇ ਵੇਸਨ ਨੂੰ ਖੁੱਲ੍ਹੇ ਭਾਂਡੇ ਵਿਚ ਛਾਣ ਲਓ। ਫਿਰ ਉਸ ਵਿਚ ਲੂਣ-ਪਿਆਜ਼ ਅਤੇ ਹਰੀ ਮਿਰਚ ਚੰਗੀ ਤਰ੍ਹਾਂ ਮਿਲਾ ਦਿਓ ਅਤੇ ਇਸ ਨੂੰ ਗੁੰਨ ਲਓ। ਗੁੰਨੇ ਹੋਏ ਆਟੇ ਦੇ ਛੋਟੇ ਪੇੜੇ ਬਣਾ ਕੇ ਚਕਲੇ-ਵੇਲਨ ਨਾਲ ਵੇਲ ਲਓ। ਫੇਰ ਤਵੇ ’ਤੇ ਸੇਕ ਲਓ ਅਤੇ ਪੱਕ ਜਾਣ ’ਤੇ ਉਸ ’ਤੇ ਘਿਓ ਲਗਾਓ ਜਾਂ ਮੱਖਣ, ਦਹੀਂ ਦੇ ਨਾਲ ਖਾਓ।