ਅਜਿਹਾ ਹੋਇਆ ਤਾਂ ਬਿਨਾਂ ਯੂਜ਼ਰ ਦੀ ਆਗਿਆ ਦੇ ਉਸ ਨੂੰ ਅਪਣੇ ਵਟਸਐਪ ਗਰੁੱਪ 'ਚ ਨਹੀਂ ਜੋੜ ਸਕੇਗਾ ਐਡਮਿਨ
ਉਂਜ ਤਾਂ ਵਟਸਐਪ ਗਰੁੱਪ ਵਿਚ ਹਰ ਯੂਜ਼ਰ ਜੁੜਿਆ ਹੁੰਦਾ ਹੈ ਪਰ ਕਈ ਵਾਰ ਕੁੱਝ ਗਰੁੱਪ ਅਜਿਹੇ ਹੁੰਦੇ ਹਨ ਜਿਨ੍ਹਾਂ ਦਾ ਉਹ ਹਿੱਸਾ ਨਹੀਂ ਬਨਣਾ ਚਾਹੁੰਦਾ। ਉਸ ਗਰੁੱਪ ਨੂੰ ...
ਨਵੀਂ ਦਿੱਲੀ (ਭਾਸ਼ਾ) :- ਉਂਜ ਤਾਂ ਵਟਸਐਪ ਗਰੁੱਪ ਵਿਚ ਹਰ ਯੂਜ਼ਰ ਜੁੜਿਆ ਹੁੰਦਾ ਹੈ ਪਰ ਕਈ ਵਾਰ ਕੁੱਝ ਗਰੁੱਪ ਅਜਿਹੇ ਹੁੰਦੇ ਹਨ ਜਿਨ੍ਹਾਂ ਦਾ ਉਹ ਹਿੱਸਾ ਨਹੀਂ ਬਨਣਾ ਚਾਹੁੰਦਾ। ਉਸ ਗਰੁੱਪ ਨੂੰ ਬਣਾਉਣ ਵਾਲਾ ਐਡਮਿਨ ਬਿਨਾਂ ਕਹੇ ਹੀ ਯੂਜ਼ਰ ਨੂੰ ਅਪਣੇ ਗਰੁੱਪ ਵਿਚ ਸ਼ਾਮਲ ਕਰ ਲੈਂਦਾ ਹੈ ਅਤੇ ਕਈ ਵਾਰ ਗਰੁੱਪ ਤੋਂ ਬਾਹਰ ਹੋਣ ਤੋਂ ਬਾਅਦ ਯੂਜ਼ਰ ਨੂੰ ਫਿਰ ਜੋੜ ਲਿਆ ਜਾਂਦਾ ਹੈ। ਜੇਕਰ ਤੁਸੀਂ ਵੀ ਅਜਿਹੀ ਹੀ ਪਰੇਸ਼ਾਨੀ ਨਾਲ ਜੂਝ ਰਹੇ ਹੋ ਤਾਂ ਸਰਕਾਰ ਤੁਹਾਡੀ ਮਦਦ ਲਈ ਅੱਗੇ ਆਈ ਹੈ।
ਖ਼ਬਰਾਂ ਦੇ ਅਨੁਸਾਰ ਸਰਕਾਰ ਨੇ ਵਟਸਐਪ ਨੂੰ ਅਪੀਲ ਕੀਤੀ ਹੈ ਕਿ ਉਹ ਐਪ ਵਿਚ ਅਜਿਹਾ ਫੀਚਰ ਜੋੜਨ ਜੋ ਕਿਸੇ ਵੀ ਗਰੁਪ ਵਿਚ ਜੋੜੇ ਜਾਣ ਤੋਂ ਪਹਿਲਾਂ ਯੂਜ਼ਰ ਦੀ ਆਗਿਆ ਲੈ ਸਕੇ। ਸਰਕਾਰ ਨੇ ਇਹ ਅਪੀਲ ਉਦੋਂ ਕੀਤੀ ਹੈ ਜਦੋਂ ਲਗਾਤਾਰ ਇਸ ਗੱਲ ਦੀਆਂ ਸ਼ਿਕਾਇਤਾਂ ਮਿਲ ਰਹੀਆਂ ਸਨ ਕਿ ਲੋਕਾਂ ਨੂੰ ਬਿਨਾਂ ਉਨ੍ਹਾਂ ਦੀ ਆਗਿਆ ਦੇ ਉਨ੍ਹਾਂ ਨੂੰ ਅਣਜਾਣੇ ਗਰੁੱਪ ਵਿਚ ਬਾਰ-ਬਾਰ ਜੋੜਿਆ ਜਾ ਰਿਹਾ ਹੈ।
ਇਕ ਅੰਗਰੇਜ਼ੀ ਅਖਬਾਰ ਨੇ ਸਰਕਾਰੀ ਅਧਿਕਾਰੀ ਦੇ ਹਵਾਲੇ ਦੀ ਖ਼ਬਰ ਵਿਚ ਕਿਹਾ ਹੈ ਕਿ ਇਲੈਕਟਰੋਨਿਕਸ ਅਤੇ ਆਈਟੀ ਮੰਤਰਾਲਾ ਨੂੰ ਕੁੱਝ ਏਜੰਸੀਆਂ ਨੇ ਇਸ ਸਬੰਧ ਵਿਚ ਪ੍ਰੇਜਨਟੇਸ਼ਨ ਦਿਤਾ ਹੈ ਅਤੇ ਇਸ ਤੋਂ ਬਾਅਦ ਮੰਤਰਾਲਾ ਨੇ ਇਹ ਮੁੱਦਾ ਵਟਸਐਪ ਦੇ ਸਾਹਮਣੇ ਚੁੱਕਿਆ ਹੈ।
ਖਬਰ ਦੇ ਅਨੁਸਾਰ ਮੰਤਰਾਲਾ ਨੇ ਵਟਸਐਪ ਨੂੰ ਲਿਖੇ ਪੱਤਰ ਵਿਚ ਕਿਹਾ ਹੈ ਕਿ ਜਿਹੜੇ ਵੀ ਯੂਜ਼ਰ ਨੂੰ ਗਰੁੱਪ ਵਿਚ ਜੋੜਿਆ ਜਾ ਰਿਹਾ ਹੈ ਉਸ ਦਾ ਨੰਬਰ ਐਡਮਿਨ ਦੇ ਕੋਲ ਹੋਣਾ ਚਾਹੀਦਾ ਹੈ ਅਤੇ ਐਡਮਿਨ ਇਕ ਯੂਜ਼ਰ ਨੂੰ ਦੋ ਵਾਰ ਤੋਂ ਜ਼ਿਆਦਾ ਕਿਸੇ ਗਰੁੱਪ ਵਿਚ ਨਹੀਂ ਜੋੜ ਪਾਵੇਗਾ। ਹਾਲਾਂਕਿ ਇਹ ਜਾਣਕਾਰੀ ਨਹੀਂ ਮਿਲ ਸਕੀ ਹੈ ਕਿ ਇਸ ਅਪੀਲੀ ਨੂੰ ਲੈ ਕੇ ਵਟਸਐਪ ਦੇ ਵੱਲੋਂ ਕੀ ਪ੍ਰਤੀਕਿਰਿਆ ਦਿਤੀ ਗਈ ਹੈ।