ਬੀਓਆਈ ਦਾ ਵੱਡਾ ਐਲਾਨ, ਹੋਮ ਲੋਨ 'ਤੇ ਨਹੀਂ ਦੇਣੀ ਪਵੇਗੀ ਪ੍ਰੋਸੈਸਿੰਗ ਫ਼ੀਸ
ਕਰਜ਼ੇ ਦੀਆਂ ਦਰਾਂ ਵਿਚ ਵੀ ਛੋਟ
ਨਵੀਂ ਦਿੱਲੀ: ਪਬਲਿਕ ਸੈਕਟਰ ਬੈਂਕ ਆਫ ਇੰਡੀਆ ਨੇ ਪ੍ਰਚੂਨ ਉਤਪਾਦਾਂ 'ਤੇ ਤਿਉਹਾਰੀ ਪੇਸ਼ਕਸ਼ ਦਾ ਐਲਾਨ ਕੀਤਾ ਹੈ। ਗਾਹਕਾਂ ਨੂੰ ਆਕਰਸ਼ਤ ਕਰਨ ਲਈ ਬੈਂਕ ਛੋਟ ਵਾਲੀਆਂ ਦਰਾਂ 'ਤੇ ਹੋਮ ਲੋਨ ਦੀ ਪੇਸ਼ਕਸ਼ ਕਰ ਰਿਹਾ ਹੈ। ਨਾਲ ਹੀ ਬੈਂਕ ਨੇ ਲੋਨ ਪ੍ਰੋਸੈਸਿੰਗ ਜਾਂ ਪ੍ਰੋਸੈਸਿੰਗ ਚਾਰਜਜ ਨਾ ਲੈਣ ਦਾ ਫੈਸਲਾ ਕੀਤਾ ਹੈ। ਬੀਓਆਈ ਦੇ ਜਨਰਲ ਮੈਨੇਜਰ ਸਲੀਲ ਕੁਮਾਰ ਸਵੈਨ ਨੇ ਕਿਹਾ ਹੈ ਕਿ ਬੈਂਕ ਨੇ ਪ੍ਰੋਸੈਸਿੰਗ ਫੀਸ ਮੁਆਫ ਕਰ ਦਿੱਤੀ ਹੈ।
ਬੈਂਕ ਰਿਆਇਤੀ ਦਰਾਂ 'ਤੇ ਘਰੇਲੂ ਕਰਜ਼ੇ ਵੀ ਪ੍ਰਦਾਨ ਕਰ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ 30 ਲੱਖ ਰੁਪਏ ਤੱਕ ਦੇ ਰਿਹਾਇਸ਼ੀ ਕਰਜ਼ਿਆਂ ਉੱਤੇ 8.35 ਫ਼ੀ ਸਦੀ ਵਿਆਜ ਵਸੂਲਿਆ ਜਾਵੇਗਾ। ਇਸ ਦੇ ਨਾਲ ਹੀ 30 ਲੱਖ ਰੁਪਏ ਤੋਂ ਵੱਧ ਦੇ ਕਰਜ਼ੇ ਨੂੰ ਰੈਪੋ ਰੇਟ ਨਾਲ ਜੋੜਿਆ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਇਸ ਤੋਂ ਇਲਾਵਾ ਬੈਂਕ ਮੁਕਾਬਲੇ ਵਾਲੀਆਂ ਰੇਟਾਂ ‘ਤੇ ਐਜੂਕੇਸ਼ਨ ਲੋਨ ਵੀ ਮੁਹੱਈਆ ਕਰਵਾ ਰਿਹਾ ਹੈ। ਬੈਂਕ ਨੇ ਇੱਕ ਐਸਐਮਈ ਵੈਲਕਮ ਦੀ ਪੇਸ਼ਕਸ਼ ਵੀ ਸ਼ੁਰੂ ਕੀਤੀ ਹੈ।
ਸਵੈਨ ਨੇ ਕਿਹਾ ਕਿ ਜਮਾਨਤ ਦੀ ਕੀਮਤ ਦੇ ਹਿਸਾਬ ਨਾਲ ਪੰਜ ਕਰੋੜ ਰੁਪਏ ਤੱਕ ਦਾ ਕਰਜ਼ਾ ਛੂਟ ਦਰਾਂ 'ਤੇ ਦਿੱਤਾ ਜਾਵੇਗਾ। ਪਿਛਲੇ ਮਹੀਨੇ ਦੇ ਸ਼ੁਰੂ ਵਿਚ ਸਟੇਟ ਬੈਂਕ ਆਫ਼ ਇੰਡੀਆ ਨੇ ਸਸਤੀਆਂ ਦਰਾਂ 'ਤੇ ਰਿਹਾਇਸ਼ੀ ਅਤੇ ਆਟੋ ਲੋਨ ਦੇਣ ਦਾ ਐਲਾਨ ਕੀਤਾ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।