Reliance

ਨਵੀਂ ਦਿੱਲੀ : ਟੈਲਿਕਾਮ ਸੈਕਟਰ ਦੀ ਤਰ੍ਹਾਂ ਹੀ ਰਿਲਾਇੰਸ ਜੀਓ ਹੁਣ ਦੇਸ਼ ਦੇ ਫੀਚਰ ਫੋਨ ਮਾਰਕੀਟ ਵਿਚ ਵੀ ਵੱਡੀ ਉਥਲ - ਪੁਥਲ ਮਚਾਉਣ ਦੀ ਤਿਆਰੀ ਵਿਚ ਹੈ। ਰਿਲਾਇੰਸ ਦੇ ਦੂਰਸੰਚਾਰ ਉਦਯੋਗ ਵਿਚ ਕਦਮ ਰੱਖਣ ਤੋਂ ਬਾਅਦ ਪ੍ਰਾਈਵੇਟ ਕੰਪਨੀਆਂ ਦੀ ਗਿਣਤੀ 8 ਤੋਂ ਘੱਟ ਕੇ 3 ਉਤੇ ਆ ਗਈ ਹੈ। ਉਥੇ ਹੀ, ਹੁਣ ਕੰਪਨੀ ਕਿਸੇ ਵੀ ਪੁਰਾਣੇ ਫੀਚਰਫੋਨ ਨੂੰ 501 ਰੁਪਏ ਵਿਚ ਅਪਣੇ 4ਜੀ VoLTE ਅਧਾਰਿਤ ਜੀਓਫ਼ੋਨ ਬਦਲਣ ਦਾ ਆਫ਼ਰ ਦੇ ਰਹੀ ਹੈ।  

ਇੰਡਸਟ੍ਰੀ ਮਾਹਰ ਦਾ ਕਹਿਣਾ ਹੈ ਕਿ ਰਿਲਾਇੰਸ ਇੰਡਸਟ੍ਰੀਜ਼ ਦੇ 21 ਜੁਲਾਈ ਤੋਂ ਲਾਗੂ ਹੋਣ ਵਾਲੇ ਇਸ ਆਫ਼ਰ ਨਾਲ ਜੀਓ ਦੇ ਮਾਰਕੀਟ ਸ਼ੇਅਰ ਵਿਚ ਵਾਧਾ ਹੋਵੇਗਾ। ਕੰਪਨੀ ਦੇ ਇਸ ਕਦਮ ਨਾਲ ਜੀਓ ਹੈਂਡਸੈਟ ਮਾਰਕੀਟ ਵਿਚ ਵੀ ਚੰਗੀ - ਖਾਸੀ ਹਿੱਸੇਦਾਰੀ ਹਾਸਲ ਕਰ ਸਕਦੀ ਹੈ। ਰਿਲਾਇੰਸ ਨੂੰ ਉਮੀਦ ਹੈ ਕਿ ਉਸ ਦੇ ਇਸ ਆਫ਼ਰ ਨਾਲ ਫ਼ੀਚਰਫ਼ੋਨ ਉਤੇ ਫੋਕਸ ਕਰਨ ਵਾਲੀ ਛੋਟੀ ਕੰਪਨੀਆਂ ਮੈਦਾਨ ਛੱਡ ਦੇਣਗੀਆਂ। ਉਥੇ ਹੀ, ਵੱਡੀ ਕੰਪਨੀਆਂ ਨੁਕਸਾਨ ਘੱਟ ਕਰਨ ਲਈ ਪ੍ਰੋਡਕਸ਼ਨ ਘਟਾ ਦੇਣਗੀਆਂ।

ਇੰਟਰਨੈਸ਼ਨਲ ਡੇਟਾ ਕਾਰਪੋਰੇਸ਼ਨ (ਆਈਡੀਸੀ) ਇੰਡੀਆ ਦੇ ਸੀਨੀਅਰ ਮਾਰਕੀਟ ਐਨਾਲਿਸਟ ਜਸਪਾਲ ਸਿੰਘ ਨੇ ਦੱਸਿਆ ਕਿ ਕੰਪਨੀ  ਦੇ ਇਸ ਆਫ਼ਰ ਵਿਚ ਕਾਫ਼ੀ ਹੱਦ ਤੱਕ 2ਜੀ ਮਾਰਕੀਟ ਨੂੰ ਪ੍ਰਭਾਵਿਤ ਕਰਨ ਦੀ ਸਮਰਥਾ ਹੈ। ਇਸ ਤੋਂ ਫੀਚਰ ਫੋਨ ਬਾਜ਼ਾਰ ਵਿਚ ਤੇਜ਼ੀ ਨਾਲ ਕੰਸਾਲਿਡੇਸ਼ਨ ਹੋ ਸਕਦਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਛੋਟੇ ਵੈਂਡਰ ਇਸ ਸ਼੍ਰੇਣੀ ਤੋਂ ਹੱਟਣ ਲਈ ਮਜਬੂਰ ਹੋ ਜਾਣਗੇ, ਜਦਕਿ ਵੱਡੇ ਖਿਡਾਰੀ ਸ਼ਾਰਟ - ਟਰਮ ਵਿਚ ਪ੍ਰੋਡਕਸ਼ਨ ਵਾਲਿਊਮ ਘੱਟ ਕਰ ਸਕਦੇ ਹਨ। ਇਸ ਤੋਂ ਬਾਅਦ ਉਹ ਉਨ੍ਹਾਂ ਖੇਤਰਾਂ ਉਤੇ ਧਿਆਨ ਕੇਂਦਰਿਤ ਕਰਣਗੇ, ਜਿਥੇ ਹੁਣੇ ਵੀ 2ਜੀ ਹੈਂਡਸੈਟ ਦੀ ਮੰਗ ਬਣੀ ਹੋਈ ਹੈ।

ਫੀਚਰਫੋਨ ਸੈਗਮੈਂਟ ਵਿਚ ਸੈਮਸੰਗ,  ਆਈਟੈਲ, ਨੋਕੀਆ, ਮਾਇਕ੍ਰੋਮੈਕਸ, ਲਾਵਾ, ਕਾਰਬਨ, ਇੰਟੈਕਸ ਅਤੇ ਜੀਓ ਵਰਗੀਆਂ ਭਾਰਤੀ ਕੰਪਨੀਆਂ ਮੌਜੂਦ ਹਨ।  ਉਥੇ ਹੀ, 1 ਲੱਖ ਯੂਨਿਟ ਦੇ ਕਰੀਬ ਫੀਚਰਫੋਨ ਦੀ ਵਿਕਰੀ ਕਰਨ ਵਾਲੀ ਰਾਕਟੈਲ, ਜੀਫਾਈਵ, ਆਈਕਾਲ, ਕਿਊਟੈਲ,  ਮਿਡੋ, ਸਨੈਕਸਿਅਨ, ਐਮਟੀਆਰ ਵਰਗੀ ਛੋਟੀ ਕੰਪਨੀਆਂ ਨੂੰ ਕੰਮ-ਧੰਦਾ ਬੰਦ ਕਰਨ ਉਤੇ ਮਜਬੂਰ ਹੋਣਾ ਪੈ ਸਕਦਾ ਹੈ ਕਿਉਂਕਿ ਉਹ ਜੀਓ ਦੀ ਮਨੀ ਪਾਵਰ ਦਾ ਮੁਕਾਬਲਾ ਨਹੀਂ ਕਰ ਪਾਵੇਗੀ।