ਨਵੀਂ ਦਿੱਲੀ : (ਭਾਸ਼ਾ) ਸਰਕਾਰੀ ਤੇਲ ਕੰਪਨੀ ਹਿੰਦੁਸਤਾਨ ਪੈਟਰੋਲੀਅਮ ਕਾਰਪੋਰੇਸ਼ਨ ਲਿਮਟਿਡ(HPCL) ਅਪਣੇ ਗਾਹਕਾਂ ਲਈ ਇਕ ਤੋਂ ਬਾਅਦ ਇਕ ਖਾਸ ਆਫਰ ਲੈ ਕੇ ਆਈ ਹੈ। ਐਚਪੀ ਦੀ ਵੈਬਸਾਈਟ ਉਤੇ ਦਿਤੀ ਗਈ ਜਾਣਕਾਰੀ ਦੇ ਮੁਤਾਬਕ ਜੇਕਰ ਕੋਈ ਵੀ ਗਾਹਕ HP ਦੇ ਗੈਸ ਸਲੰਡਰ ਦਾ ਭੁਗਤਾਨ ਐਚਪੀ ਰਿਫਿਊਲ ਐਪ ਨਾਲ ਕਰਦੇ ਹਨ ਤਾਂ ਉਸ ਦੇ ਕੋਲ ਮੁਫਤ ਵਿਚ 1 ਲਿਟਰ ਪਟਰੌਲ ਪਵਾਉਣ ਦਾ ਮੌਕਾ ਹੈ। 

ਤੁਹਾਨੂੰ ਦੱਸ ਦਈਏ ਕਿ ਹਾਲ ਹੀ ਵਿਚ ਐਚਪੀਸੀਐਲ ਨੇ ਐਚਪੀ ਰਿਫਿਊਲ ਐਪ ਨੂੰ ਲਾਂਚ ਕੀਤਾ ਸੀ।  ਇਸ ਐਪ ਦੇ ਜ਼ਰੀਏ ਗਾਹਕ ਐਚਪੀ ਦਾ LPG ਗੈਸ ਸਲੰਡਰ ਨੂੰ ਬੁੱਕ ਕਰਨ ਦੇ ਨਾਲ ਇਸ ਦਾ ਆਨਲਾਈਨ ਪੇਮੈਂਟ ਵੀ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ ਐਚਪੀ ਦੇ ਪਟਰੌਲ ਪੰਪ ਉਤੇ ਫਿਊਲ ਭਰਵਾਉਣ ਦੇ ਭੁਗਤਾਨ ਐਪ ਦੇ ਜ਼ਰੀਏ ਕਰ ਸਕਦੇ ਹਨ।

ਨਾਲ ਹੀ ਕੰਪਨੀ HP ਦੇ ਪਟਰੌਲ ਪੰਪ ਉਤੇ 5 ਲਿਟਰ ਪਟਰੌਲ ਖਰੀਦਣ ਵਾਲਿਆਂ ਨੂੰ 1 ਲਿਟਰ ਪਟਰੌਲ ਮੁਫਤ ਦੇ ਰਹੀ ਹੈ ਪਰ ਇਸ ਦੇ ਲਈ ਗਾਹਕਾਂ ਨੂੰ ਐਚਪੀ ਰਿਫਿਊਲ ਐਪ ਤੋਂ ਪੇਮੈਂਟ ਕਰਨੀ ਹੋਵੇਗੀ। ਜੇਕਰ ਤੁਹਾਡੇ ਕੋਲ ਐਚਪੀ ਰਿਫਿਊਲ ਐਪ ਹੈ ਤਾਂ ਤੁਸੀਂ ਐਚਪੀ ਦੇ ਇਸ ਆਫਰ ਨੂੰ ਪਾਉਣ ਦੇ ਹੱਕਦਾਰ ਹੋ। ਇਹ ਆਫਰ 1 ਨਵੰਬਰ 2018 ਨੂੰ ਸ਼ੁਰੂ ਹੋਇਆ ਸੀ ਅਤੇ ਇਹ ਆਫਰ 31 ਦਸੰਬਰ 2018 ਦੀ ਰਾਤ 11.59 ਵਜੇ ਤੱਕ ਲਾਗੂ ਹੈ। ਜ਼ਿਆਦਾ ਜਾਣਕਾਰੀ ਲਈ ਤੁਸੀਂ ਐਚਪੀਸੀਐਲ ਦੀ ਵੈਬਸਾਈਟ 'ਤੇ ਜਾ ਸਕਦੇ ਹੋ।