ਨੋਇਡਾ : ਨਸ਼ੇ ਵਿਚ ਟੱਲੀ ਦੋ ਕੁੜੀਆਂ ਨੇ ਮੰਗਲਵਾਰ ਰਾਤ ਨੋਇਡਾ, ਸੈਕਟਰ 12 ਵਿਚ ਹੰਗਾਮਾ ਕੀਤਾ। ਇਨ੍ਹਾਂ ਦੋਵੇਂ ਕੁੜੀਆਂ ਨੇ ਗਾਲ੍ਹਾਂ ਕੱਢਦੇ ਹੋਏ ਸੜਕ 'ਤੇ ਹੀ ਇੱਕ ਨੌਜਵਾਨ ਦੀ ਕੁੱਟਮਾਰ ਕੀਤੀ। ਇਸ ਮਾਮਲੇ ਵਿਚ ਪੀੜਤ ਨੌਜਵਾਨ ਨੇ ਸੈਕਟਰ 24 ਥਾਣੇ ਵਿਚ ਦੋਵੇਂ ਕੁੜੀਆਂ ਖ਼ਿਲਾਫ਼ ਰਿਪੋਰਟ ਦਰਜ ਕਰਵਾਈ ਹੈ। ਨੌਜਵਾਨ ਦਾ ਕਹਿਣਾ ਹੈ ਕਿ ਲੜਕੀਆਂ ਸਕੂਟੀ 'ਤੇ ਗਲਤ ਸਾਈਡ ਆ ਰਹੀਆਂ ਸਨ। ਉਨ੍ਹਾਂ ਦੀ ਸਕੂਟੀ ਉਸ ਦੀ ਬਾਈਕ ਨਾਲ ਟਕਰਾ ਗਈ।

ਇਸ 'ਤੇ ਨੌਜਵਾਨ ਨੇ ਇਤਰਾਜ਼ ਜਤਾਇਆ ਤਾਂ ਦੋਵਾਂ ਨੇ ਬਦਸਲੂਕੀ ਕਰਨ ਦਾ ਦੋਸ਼ ਲਾ ਕੇ ਹੰਗਾਮਾ ਕਰਨਾ ਸ਼ੁਰੂ ਕਰ ਦਿੱਤਾ। ਪੀੜਤ ਨੌਜਵਾਨ ਸੈਕਟਰ 22 ਨਿਵਾਸੀ ਪ੍ਰਸ਼ਾਂਤ ਕੁਮਾਰ ਨੋਇਡਾ ਦੀ ਇੱਕ ਕੰਪਨੀ ਵਿਚ ਨੌਕਰੀ ਹਨ। ਮੰਗਲਵਾਰ ਰਾਤ ਕਰੀਬ ਸਾਢੇ ਦਸ ਵਜੇ ਉਹ ਸਕੂਟੀ ਤੋਂ ਸੈਕਟਰ 22 ਜਾ ਰਹੇ ਸੀ। ਉਸੇ ਦੌਰਾਨ ਸੈਕਟਰ 12 ਸਥਿਤ ਸਰਕਾਰੀ ਇੰਟਰ ਕਾਲਜ ਦੇ ਕੋਲ ਦੋ ਕੁੜੀਆਂ ਰੌਂਗ ਸਾਈਡ ਤੋਂ ਆਉਂਦੇ ਹੋਏ ਟਕਰਾ ਗਈ। ਦੋਵਾਂ ਧਿਰਾਂ ਵਿਚ ਝਗੜਾ ਹੋ ਗਿਆ।ਕੁੜੀਆਂ ਦੇ ਸਾਹਮਣੇ ਵਿਰੋਧ ਜਤਾਉਣ ਦੀ ਕਿਸੇ ਨੇ ਹਿੰਮਤ ਨਹੀਂ ਦਿਖਾਈ।

ਨੌਜਵਾਨ ਨੇ ਮਾਮਲੇ ਦੀ ਸੂਚਨਾ 100 ਨੰਬਰ ਤੇ ਪੁਲਿਸ ਨੂੰ ਦਿੱਤੀ। ਪੁਲਿਸ ਨੇ ਲੜਕੀਆਂ ਨੂੰ ਸਮਝਾ ਕੇ ਸ਼ਾਂਤ ਕਰਾਉਣ ਦੀ ਕੋਸ਼ਿਸ਼ ਕੀਤੀ, ਪ੍ਰੰਤੂ ਲੜਕੀਆਂ ਪੁਲਿਸ ਦੇ ਸਾਹਮਣੇ  ਹੀ ਮਾਰਕੁੱਟ ਕਰਨ ਲੱਗੀਆਂ। ਮਾਮਲਾ ਲੜਕੀਆਂ ਨਾਲ ਜੁੜਿਆ ਹੋਣ ਕਾਰਨ ਪੁਲਿਸ ਨੇ ਨੌਜਵਾਨ ਨੂੰ ਹੀ ਹਿਰਾਸਤ ਵਿਚ ਲੈ ਲਿਆ। ਜਦ ਮਾਰਕੁੱਟ ਨਾਲ  ਜੁੜਿਆ ਵੀਡੀਓ ਵਾਇਰਲ ਹੋਣ ਲੱਗਾ ਤਦ ਪੁਲਿਸ ਨੇ ਨੌਜਵਾਨ ਨੂੰ ਛੱਡਿਆ। ਪੀੜਤ ਦੀ ਸ਼ਿਕਾਇਤ 'ਤੇ ਲੜਕੀਆਂ ਖ਼ਿਲਾਫ਼ ਸ਼ਿਕਾਇਤ ਦਰਜ ਕੀਤੀ।