ਆਸ਼ਰਮ ਵਿਚ ਨਬਾਲਿਗ ਨਾਲ ਬਲਾਤਕਾਰ ਦੇ ਦੋਸ਼ੀ ਬਾਪੂ ਆਸਾਰਾਮ ਨੇ ਅਪਣੀ ਸਜਾ ਲਈ ਮੀਡੀਆ ਟ੍ਰਾਇਲ ਨੂੰ ਕਸੂਰਵਾਰ ਠਹਿਰਾਇਆ ਹੈ । ਬੀਤੇ ਸੋਮਵਾਰ ਨੂੰ ਆਸਾਰਾਮ ਨੇ ਅਪਣੀ ਉਮਰਕੈਦ ਦੀ ਸਜਾ ਦੇ ਖਿਲਾਫ ਅਪੀਲ ਦਰਜ ਕਰ ਉਸਨੂੰ ਖਾਰਿਜ ਕਰਨ ਦੀ ਮੰਗ ਕੀਤੀ ਹੈ । 

ਆਸਾਰਾਮ  ਦੇ ਵਕੀਲ ਨਿਸ਼ਾਂਤ ਬੋਰਾ ਨੇ ਕਿਹਾ,"ਅਸੀਂ ਰਾਜਸਥਾਨ ਹਾਈਕੋਰਟ ਵਿਚ ਸਪੈਸ਼ਲ ਅਦਾਲਤ ਦੇ ਪੋਕਸੋ ਦੀ ਧਾਰਾ ਦੇ ਤਹਿਤ ਸੁਣਾਈ ਗਈ ਸਜਾ ਦੇ ਖਿਲਾਫ ਅਪੀਲ ਕੀਤੀ ਹੈ, ਜਿਸ ਵਿਚ ਆਸਾਰਾਮ ਨੂੰ ਦੋਸ਼ੀ ਕਰਾਰ ਦਿੰਦੇ ਹੋਏ ਮੌਤ ਤੱਕ ਜੇਲ੍ਹ ਦੇ ਅੰਦਰ ਰੱਖਣ ਦਾ ਆਦੇਸ਼ ਦਿਤਾ ਗਿਆ ਸੀ । 

 ਧਿਆਨ ਯੋਗ ਹੈ ਕਿ ਸਪੈਸ਼ਲ ਕੋਰਟ (ਪੋਕਸੋ ਐਕਟ) ਨੇ 25 ਅਪ੍ਰੈਲ ਨੂੰ ਆਸਾਰਾਮ ਨੂੰ ਮੌਤ ਤਕ ਉਮਰਕੈਦ ਦੀ ਸਜਾ ਸੁਣਾਈ ਹੈ । ਆਸਾਰਾਮ ਉੱਤੇ ਸਾਲ 2013 ਵਿਚ ਜੋਧਪੁਰ ਦੇ ਕੋਲ ਇੱਕ ਪਿੰਡ ਵਿਚ ਨਬਾਲਿਗ ਨਾਲ ਬਲਾਤਕਾਰ ਕਰਨ ਦਾ ਘਿਨੌਣਾ ਇਲਜ਼ਾਮ ਹੈ । ਅਦਾਲਤ ਨੇ ਇਸ ਕੇਸ ਵਿਚ ਦੋ ਹੋਰ ਨੂੰ ਵੀ ਦੋਸ਼ੀ ਠਹਿਰਾਉਂਦੇ ਹੋਏ 20-20 ਸਾਲ ਦੀ ਸਜਾ ਅਤੇ ਇਕ-ਇਕ ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਸੀ ।