Robert Vadra and Bhupinder Hooda

ਨਵੀਂ ਦਿੱਲੀ : ਹਰਿਆਣਾ ਦੇ ਗੁਡ਼ਗਾਂਓ ਜ਼ਮੀਨ ਸੌਦੇ ਵਿਚ ਕਥਿਤ ਬੇਕਾਇਦਗੀ ਦੇ ਮਾਮਲੇ ਵਿਚ ਰਾਬਰਟ ਵਾਡਰਾ ਅਤੇ ਹਰਿਆਣਾ ਦੇ ਸਾਬਕਾ ਮੁੱਖ ਮੰਤਰੀ ਭੂਪਿੰਦਰ ਸਿੰਘ ਹੁੱਡਾ ਵਿਰੁਧ ਐਫ਼ਆਈਆਰ ਦਰਜ ਕੀਤੇ ਜਾਣ ਦੇ ਸਬੰਧ ਵਿਚ ਮੋਦੀ ਸਰਕਾਰ 'ਤੇ ਹਮਲਾ ਬੋਲਦੇ ਹੋਏ ਕਾਂਗਰਸ ਨੇ ਐਤਵਾਰ ਨੂੰ ਕਿਹਾ ਕਿ ਇਹ ਰਾਫੇਲ ਸਮਝੌਤੇ ਅਤੇ ਨੋਟਬੰਦੀ ਵਰਗੇ ਮੁੱਦਿਆਂ ਤੋਂ ਧਿਆਨ ਹਟਾਉਣ ਦੀ ਕੋਸ਼ਿਸ਼ ਹੈ। ਕਾਂਗਰਸ ਨੇਤਾ ਰਣਦੀਪ ਸੁਰਜੇਵਾਲਾ ਨੇ ਇਕ ਬਿਆਨ ਵਿਚ ਕਿਹਾ, ਜਿਵੇਂ ਕਿ ਚਾਰ ਰਾਜਾਂ ਵਿਚ ਵਿਧਾਨਸਭਾ ਚੋਣ ਅਤੇ ਅਗਲੇ ਸਾਲ ਲੋਕਸਭਾ ਚੋਣ ਨਜ਼ਦੀਕ ਆ ਰਹੇ ਹਨ ਤਾਂ

ਮੋਦੀ ਸਰਕਾਰ - ਭਾਜਪਾ ਦੀ ਫਰਜ਼ੀ ਨਿਊਜ਼ ਫੈਕਟਰੀ ਅਤੇ ਗੰਦੀ ਚਾਲ ਵਿਭਾਗ ਇੱਕ ਖਤਰਨਾਕ ਢੰਗ ਨਾਲ ਅੱਗੇ ਵਧਾ ਰਹੀ ਹੈ। ਉਨ੍ਹਾਂ ਨੇ ਸਰਕਾਰ 'ਤੇ ਰਾਜਨੀਤਿਕ ਵਿਰੋਧੀਆਂ ਵਿਰੁਧ ਗਲਤ ਅਤੇ ਫਰਜ਼ੀ ਮਾਮਲਿਆਂ ਦੇ ਜ਼ਰੀਏ ਨਵੇਂ ‘ਤਿਆਰ ਕੀਤਾ ਝੂਠ’ ਪੇਸ਼ ਕਰਨ ਦੇ ਇਲਜ਼ਾਮ ਲਗਾਏ। ਸੁਰਜੇਵਾਲਾ ਨੇ ਕਿਹਾ ਕਿ ਇਹ ਰਾਫੇਲ ਸਮਝੌਤੇ ਅਤੇ ਨੋਟਬੰਟੀ ‘ਘਪਲੇ’, ਡੀਜ਼ਲ ਅਤੇ ਪਟਰੌਲ ਦੀਆਂ ਕੀਮਤਾਂ ਵਿਚ ਵਾਧਾ ਕਰ ਕੇ 12 ਲੱਖ ਕਰੋਡ਼ ਦੀ ਲੁੱਟ, ਰੂਪਏ ਦੀ ਡਿੱਗਦੀ ਕੀਮਤ ਅਤੇ ਅਸਫ਼ਲ ਆਰਥਿਕਤਾ ਤੋਂ ਧਿਆਨ ਜਟਾਉਣ ਲਈ ਅਜਿਹਾ ਕੀਤਾ ਜਾ ਰਿਹਾ ਹੈ। 

ਸੁਰਜੇਵਾਲਾ ਨੇ ਕਿਹਾ ਕਿ ਸਚਾਈ ਦਿਖਾਉਂਦੇ ਹਨ ਕਿ ਵਾਡਰਾ ਦੀ ਸਕਾਈਲਾਇਟ ਹਾਸਪਿਟੈਲਿਟੀ ਪ੍ਰਾਇਵੇਟ ਲਿਮਟਿਡ ਨੇ 28 ਜਨਵਰੀ 2008 ਨੂੰ 3.5 ਏਕਡ਼ ਜ਼ਮੀਨ ਗੁਡ਼ਗਾਂਵ ਦੇ ਸਿਖੋਹਪੁਰ ਪਿੰਡ ਦੇ ਨੋਟੀਫਾਈਡ ਵਪਾਰਕ ਖੇਤਰ ਵਿਚ ਰਜਿਸਟਰਡ ਸੈਲ ਡੀਡ ਦੇ ਜ਼ਰੀਏ 7.95 ਕਰੋਡ਼ ਰੂਪਏ ਦੀ ਲਾਗਤ ਨਾਲ ਖਰੀਦੀ ਸੀ। ਇਸ ਵਿਚ ਸਟਾਂਪ ਡਿਊਟੀ ਵੀ ਸ਼ਾਮਿਲ ਹੈ। ਉਨ੍ਹਾਂ ਨੇ ਕਿਹਾ ਕਿ‘ਲਾਇਸੈਂਸ ਦੇਣ ਦੇ ਮੌਜੂਦਾ ਸਰਕਾਰੀ ਨੀਤੀ ਦਾ ਸਮਾਨ 2.5 ਏਕਡ਼ ਜ਼ਮੀਨ ਲਈ ਵਪਾਰਕ ਲਾਇਸੈਂਸ 15 ਦਸੰਬਰ 2008 ਨੂੰ ਦਿਤਾ ਗਿਆ ਸੀ।

ਵਪਾਰਕ ਕਲੋਨੀ ਲਾਇਸੈਂਸ ਡਿਊਟੀ 7.43 ਕਰੋਡ਼ ਰੂਪਏ ਅਤੇ 73 ਲੱਖ ਨਵੀਨੀਕਰਣ ਡਿਊਟੀ ਵੀ ਅਦਾ ਕੀਤੀ ਗਈ ਸੀ। ਇਸ ਪ੍ਰਕਾਰ ਕੁੱਲ ਅਦਾ ਕੀਤੀ ਗਈ ਰਾਸ਼ੀ 16.11 ਕਰੋਡ਼ ਰੂਪਏ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਲਗਭੱਗ ਪੰਜ ਸਾਲ ਬਾਅਦ 18 ਸਤੰਬਰ 2012 ਨੂੰ ਸਕਾਈਲਾਇਟ ਨੇ ਡੀਐਲਐਫ ਨੂੰ ਇਹ ਜ਼ਮੀਨ 58 ਕਰੋਡ਼ ਰੂਪਏ ਵਿਚ ਵੇਚ ਦਿਤੀ। ਉਨ੍ਹਾਂ ਨੇ ਕਿਹਾ ਕਿ ਇਸ ਰਕਮ 'ਤੇ ਵੀ ਸਕਾਈਲਾਇਟ / ਵਾਡਰਾ ਨੇ ਅੱਠ ਕਰੋਡ਼ ਰੂਪਏ ਦਾ ਜ਼ਿਆਦਾ ਕਰ ਅਦਾ ਕੀਤਾ ਸੀ।