ਵਾਸ਼ਿੰਗਟਨ : 4 ਅਕਤੂਬਰ ਨੂੰ ਵਿਸ਼ਵ ਬੈਂਕ ਨੇ ਕਈ ਭਾਰਤੀ ਕੰਪਨੀਆਂ ਅਤੇ ਲੋਕਾਂ ਦੇ ਦੁਨੀਆਂ ਭਰ ‘ਚ ਅਪਣੇ ਵੱਖ-ਵੱਖ ਪ੍ਰਜੈਕਟਾਂ ‘ਤੇ ਰੋਕ ਲਗਾ ਦਿਤੀ ਹੈ। ਵਿਸ਼ਵ ਬੈਂਕ ਨੇ ਇਕ ਰਿਪੋਟ ‘ਚ ਇਹ ਜਾਣਕਾਰੀ ਦਿਤੀ। ਵਿਸ਼ਵ ਬੈਂਕ ਨੇ ਬੁੱਧਵਾਰ ਨੂੰ ਸਲਾਨਾ ਰਿਪੋਟ ਵਿਚ ਕਿਹਾ ਕਿ ਉਸ ਨੇ ਧੋਖਾਧੜੀ ਦੇ ਕਾਰਨ ਓਲਿਵ ਹੈਲਥ ਕੇਅਰ ਅਤੇ ਜੈ ਮੋਦੀ 'ਤੇ ਪਾਬੰਦੀ ਲਗਾਈ ਹੈ। ਇਹ ਦੋਵੇਂ ਬੰਗਲਾ ਦੇਸ਼ ਵਿਚ ਵਿਸ਼ਵ ਬੈਂਕ ਦੇ ਇਕ ਪ੍ਰੋਜੈਕਟ ਉਤੇ ਕੰਮ ਕਰ ਰਹੇ ਸਨ। ਓਲਿਵ ਹੈਲਥ ਕੇਅਰ ਨੂੰ 10 ਸਾਲ ਛੇ ਮਹੀਨੇ ਲਈ ਅਤੇ ਜੈ ਮੋਦੀ ਨੂੰ ਸੱਤ ਸਾਲ ਛੇ ਮਹੀਨੇ ਲਈ ਪਾਬੰਦੀ ਲਗਾਈ ਗਈ ਹੈ।