ਡਾਕਟਰ ਨਾਲ ਮਾਰ ਕੁੱਟ 'ਚ ਹਾਈ ਕੋਰਟ ਨੇ ਦਿਤੀ ਸਜਾ, ਹਸਪਤਾਲ 'ਚ ਕਰਨੀ ਹੋਵੇਗੀ ਮਰੀਜਾਂ ਦੀ ਸੇਵਾ
ਝਾਰਖੰਡ ਹਾਈ ਕੋਰਟ ਨੇ ਇਕ ਅਨੋਖਾ ਫੈਸਲਾ ਸੁਣਾਇਆ ਹੈ। ਇਕ ਮਜਦੂਰ ਜਵਾਨ ਨੂੰ ਸਜਾ ਦੇ ਬਦਲੇ ਵਿਚ ਮਹਾਤਮਾ ਗਾਂਧੀ ਮੈਮੋਰੀਅਲ (ਐਮਜੀਐਮ) ਮੈਡੀਕਲ ਕਾਲਜ ਹਸਪਤਾਲ ਵਿਚ ...
ਜਮਸ਼ੇਦਪੁਰ :- ਝਾਰਖੰਡ ਹਾਈ ਕੋਰਟ ਨੇ ਇਕ ਅਨੋਖਾ ਫੈਸਲਾ ਸੁਣਾਇਆ ਹੈ। ਇਕ ਮਜਦੂਰ ਜਵਾਨ ਨੂੰ ਸਜਾ ਦੇ ਬਦਲੇ ਵਿਚ ਮਹਾਤਮਾ ਗਾਂਧੀ ਮੈਮੋਰੀਅਲ (ਐਮਜੀਐਮ) ਮੈਡੀਕਲ ਕਾਲਜ ਹਸਪਤਾਲ ਵਿਚ ਹਫ਼ਤੇ ਵਿਚ ਦੋ ਦਿਨ ਕੰਮ ਕਰਨ ਦਾ ਆਦੇਸ਼ ਦਿਤਾ ਗਿਆ ਹੈ। ਸ਼ਨੀਵਾਰ ਨੂੰ ਆਰੋਪਿਤ ਜਵਾਨ ਅਜੀਤ ਕੁਮਾਰ ਤ੍ਰਿਪਾਠੀ ਨੇ ਐਮਜੀਐਮ ਹਸਪਤਾਲ ਪਹੁੰਚ ਕੇ ਆਪਣਾ ਕਾਰਜ ਸ਼ੁਰੂ ਕਰ ਦਿਤਾ।
ਹਸਪਤਾਲ ਪਰਬੰਧਨ ਨੇ ਉਸ ਨੂੰ ਵਾਰਡ ਬੁਆਏ ਦਾ ਕੰਮ ਸੌਂਪਿਆ ਹੈ। ਸਵੇਰੇ 10 ਤੋਂ ਸ਼ਾਮ ਪੰਜ ਵਜੇ ਤੱਕ ਉਸ ਨੇ ਕੰਮ ਕੀਤਾ। ਅਜੀਤ ਕੁਮਾਰ ਤ੍ਰਿਪਾਠੀ 64 ਦਿਨਾਂ ਤੱਕ ਜੇਲ੍ਹ ਵਿਚ ਰਿਹਾ। 13 ਜੂਨ, 2018 ਨੂੰ ਉਸ ਦੇ ਵੱਡੇ ਭਰਾ (ਵਿਕਰਮ ਤੀਵਾਰੀ) ਨੂੰ ਮਾਰ ਕੁੱਟ ਵਿਚ ਚੋਟ ਆਈ ਸੀ। ਇਸ ਤੋਂ ਬਾਅਦ ਅਜੀਤ ਸਹਿਤ ਹੋਰ ਲੋਕ ਉਸ ਨੂੰ ਖਾਸ ਮਹਲ ਸਥਿਤ ਸਦਰ ਹਸਪਤਾਲ ਵਿਚ ਇਲਾਜ ਕਰਾਉਣ ਪੁੱਜੇ ਸਨ। ਇਸ ਦੌਰਾਨ ਡਾਕਟਰ ਨੇ ਪੁਲਿਸ ਕੇਸ ਹੋਣ ਦੇ ਕਾਰਨ ਪਹਿਲਾਂ ਪਰਚੀ ਬਣਾ ਕੇ ਲਿਆਉਣ ਦੀ ਗੱਲ ਕਹੀ। ਇਸ ਨੂੰ ਲੈ ਕੇ ਦੋਨਾਂ ਦੇ ਵਿਚ ਬਹਿਸ ਹੋਈ ਅਤੇ ਮਾਮਲਾ ਮਾਰ ਕੁੱਟ ਤੱਕ ਜਾ ਪਹੁੰਚਿਆ ਸੀ।
ਉਸ ਸਮੇਂ ਐਮਰਜੈਂਸੀ ਡਿਊਟੀ ਵਿਚ ਡਾ. ਵਿਨੈ ਸ਼ੰਕਰ ਤੈਨਾਤ ਸਨ। ਇਸ ਤੋਂ ਬਾਅਦ ਮੌਕੇ ਉੱਤੇ ਪੁਲਿਸ ਪਹੁੰਚੀ ਸੀ ਅਤੇ ਮੁਲਜ਼ਮ ਅਜੀਤ ਨੂੰ ਗ੍ਰਿਫ਼ਤਾਰ ਕਰ 14 ਜੂਨ ਨੂੰ ਜੇਲ੍ਹ ਭੇਜ ਦਿਤਾ ਗਿਆ ਸੀ। ਮਾਮਲੇ ਵਿਚ ਹਾਈ ਕੋਰਟ ਨੇ ਸੁਣਵਾਈ ਕਰਦੇ ਹੋਏ ਉਸ ਨੂੰ ਰਿਹਾਅ ਕੀਤਾ ਹੈ ਅਤੇ ਅਗਲੇ ਆਦੇਸ਼ ਤੱਕ ਹਫ਼ਤੇ ਵਿਚ ਦੋ ਦਿਨ ਹਸਪਤਾਲ ਵਿਚ ਕੰਮ ਕਰਨ ਦਾ ਆਦੇਸ਼ ਜਾਰੀ ਕੀਤਾ ਹੈ। ਇਸ ਦੀ ਰਿਪੋਰਟ ਪ੍ਰਤੀਮਾਹ ਹਾਈ ਕੋਰਟ ਨੂੰ ਦੇਣੀ ਹੈ। ਕੰਮ ਦੇ ਏਵਜ ਵਿਚ ਅਜੀਤ ਨੂੰ ਮਿਹਨਤਾਨਾ ਦਿਤਾ ਜਾਵੇਗਾ।