Canadian Prime Minister Justin Trudeau

ਨਵੀਂ ਦਿੱਲੀ: ਭਾਰਤੀ ਰਾਜਦੂਤਾਂ ਦੇ ਇੱਕ ਸਮੂਹ ਨੇ ਇੱਕ ਖੁੱਲਾ ਪੱਤਰ ਲਿਖਿਆ ਹੈ ਜਿਸ ਵਿੱਚ ਕਿਸਾਨੀ ਲਹਿਰ ਬਾਰੇ ਕੈਨੇਡਾ ਦੇ ਰੁਖ ਨੂੰ ‘ਵੋਟ ਬੈਂਕ ਦੀ ਰਾਜਨੀਤੀ’ਦੱਸਿਆ ਗਿਆ ਹੈ। ਇਸ ਪੱਤਰ 'ਤੇ ਵਿਸ਼ਨੂੰ ਪ੍ਰਕਾਸ਼ ਸਮੇਤ 22 ਸਾਬਕਾ ਡਿਪਲੋਮੈਟਾਂ ਨੇ ਹਸਤਾਖਰ ਕੀਤੇ ਹਨ,ਜੋ ਕਿ ਕਨੇਡਾ ਵਿਚ ਹਾਈ ਕਮਿਸ਼ਨਰ ਸਨ। ਹਾਲ ਹੀ ਵਿੱਚ, ਭਾਰਤ ਵਿੱਚ ਕਿਸਾਨ ਅੰਦੋਲਨ ਪ੍ਰਤੀ ਕੈਨੇਡਾ ਦੇ ਪ੍ਰਤੀਕਰਮ ਬਾਰੇ ਭਾਰਤ ਵਿੱਚ ਅਲੋਚਨਾ ਹੋ ਰਹੀ ਹੈ।

ਚਿੱਠੀ ਵਿਚ ਕਿਹਾ ਗਿਆ ਹੈ ਕਿ ‘ਭਾਰਤ ਕਨੇਡਾ ਨਾਲ ਚੰਗੇ ਸੰਬੰਧ ਚਾਹੁੰਦਾ ਹੈ ਪਰ ਇਹ ਇਕ ਪਾਸੜ ਨਹੀਂ ਹੋ ਸਕਦਾ। ਭਾਰਤ ਦੀ ਪ੍ਰਭੂਸੱਤਾ ਅਤੇ ਰਾਸ਼ਟਰੀ ਹਿੱਤਾਂ ਦੇ ਵਿਰੁੱਧ ਚੱਲ ਰਹੇ ਕਦਮਾਂ ਨੂੰ ਨਜ਼ਰ ਅੰਦਾਜ਼ ਨਹੀਂ ਕੀਤਾ ਜਾ ਸਕਦਾ। ਕੈਨੇਡਾ ਦੇ ਲੋਕਾਂ ਨੂੰ ਇਸ ਬਾਰੇ ਫੈਸਲਾ ਲੈਣਾ ਪਏਗਾ।