Results of Balakot Strike Would Have Been Better if We Had Rafale: BS Dhanoa

ਨਵੀਂ ਦਿੱਲੀ : ਹਵਾਈ ਫ਼ੌਜ ਦੇ ਮੁਖੀ ਬਰਿੰਦਰ ਸਿੰਘ ਧਨੋਆ ਨੇ ਕਿਹਾ ਕਿ ਬਾਲਾਕੋਟ ਹਵਾਈ ਹਮਲਿਆਂ ਵਿਚ ਤਕਨੀਕ ਭਾਰਤ ਦੇ ਹੱਕ ਵਿਚ ਸੀ ਅਤੇ ਜੇ ਸਮੇਂ 'ਤੇ ਰਾਫ਼ੇਲ ਲੜਾਕੂ ਜਹਾਜ਼ ਮਿਲ ਜਾਂਦੇ ਤਾਂ ਨਤੀਜੇ ਦੇਸ਼ ਦੇ ਹੋਰ ਵੀ ਪੱਖ ਵਿਚ ਹੋਣੇ ਸਨ। ਉਹ ਭਵਿੱਖ ਦੀ ਏਅਰੋਸਪੇਸ ਤਾਕਤ ਅਤੇ ਤਕਨੀਕ ਦੇ ਅਸਰ ਬਾਰੇ ਸੈਮੀਨਾਰ ਨੂੰ ਸੰਬੋਧਨ ਕਰ ਰਹੇ ਸਨ। ਉਨ੍ਹਾਂ ਕਿਹਾ, 'ਬਾਲਾਕੋਟ ਮੁਹਿੰਮ ਵਿਚ ਸਾਡੇ ਕੋਲ ਤਕਨੀਕ ਸੀ ਅਤੇ ਅਸੀਂ ਬੜੀ ਸਟੀਕਤਾ ਨਾਲ ਹਥਿਆਰਾਂ ਦੀ ਵਰਤੋਂ ਕਰ ਸਕੇ।

ਬਾਅਦ ਵਿਚ ਅਸੀਂ ਬਿਹਤਰ ਹੋਏ ਹਾਂ ਕਿਉਂਕਿ ਅਸੀਂ ਅਪਣੇ ਮਿਗ 21, ਬਿਸਾਨ ਅਤੇ ਮਿਰਾਜ 2000 ਜਹਾਜ਼ਾ ਨੂੰ ਉੱਨਤ ਬਣਾਇਆ ਸੀ।' ਉਨ੍ਹਾਂ ਕਿਹਾ ਕਿ ਜੇ ਸਮੇਂ ਸਿਰ ਰਾਫ਼ੇਲ ਜਹਾਜ਼ ਨੂੰ ਫ਼ੌਜ ਵਿਚ ਸ਼ਾਮਲ ਕਰ ਲਿਆ ਹੁੰਦਾ ਤਾਂ ਨਤੀਜੇ ਹੋਰ ਜ਼ਿਆਦਾ ਸਾਡੇ ਹੱਕ ਵਿਚ ਹੋਰ ਹੋਣੇ ਸਨ। ਉਨ੍ਹਾਂ ਕਿਹਾ, 'ਰਾਫ਼ੇਲ ਅਤੇ ਐਸ 400 ਜ਼ਮੀਨ ਤੋਂ ਹਵਾ ਵਿਚ ਮਾਰ ਕਰਨ ਵਾਲੀ ਮਿਜ਼ਾਈਲ ਪ੍ਰਣਾਲੀ ਨੂੰ ਸ਼ਾਮਲ ਕੀਤੇ ਜਾਣ ਦੇ ਪ੍ਰਸਤਾਵ ਤਹਿਤ ਅਗਲੇ ਦੋ ਤੋਂ ਚਾਰ ਸਾਲਾਂ ਵਿਚ ਫਿਰ ਤਕਨੀਕੀ ਸੰਤੁਲਨ ਸਾਡੇ ਹੱਕ ਵਿਚ ਆ ਜਾਵੇਗਾ ਜਿਵੇਂ 2002 ਵਿਚ ਆਪਰੇਸ਼ਨ ਪਰਾਕ੍ਰਮ ਦੌਰਾਨ ਹੋਇਆ ਸੀ।' 

ਹਵਾਈ ਫ਼ੌਜ ਦੇ ਮਰਹੂਮ ਮਾਰਸ਼ਲ ਅਰਜੁਨ ਸਿੰਘ ਦੀ ਜਨਮ ਸ਼ਤਾਬਦੀ ਮੌਕੇ ਇਹ ਸੰਮੇਲਨ ਕਰਵਾਇਆ ਗਿਆ ਸੀ। ਉਨ੍ਹਾਂ ਕਿਹਾ ਕਿ ਇਹ ਪ੍ਰੋਗਰਾਮ ਭਾਰਤੀ ਹਵਾਈ ਫ਼ੌਜ ਦੇ ਮਾਰਸ਼ਲ ਅਰਜੁਨ ਸਿੰਘ ਨੂੰ ਸ਼ਰਧਾਂਜਲੀ ਹੈ। (ਏਜੰਸੀ)