ਨਵੀਂ ਦਿੱਲੀ (ਭਾਸ਼ਾ) : ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਦੀ ਭੈਣ ਪ੍ਰਿਅੰਕਾ ਗਾਂਧੀ ਨੂੰ ਲੈ ਕੇ ਖ਼ਬਰ ਆਈ ਹੈ ਕਿ ਉਹ ਇਕ ਕਿਤਾਬ ਲਿਖ ਰਹੀ ਹੈ। ਕਿਹਾ ਜਾ ਰਿਹਾ ਹੈ ਕਿ 'ਅੰਗੇਸਟ ਆਉਟਰੇਜ' ਨਾਮ ਦੀ ਇਸ ਕਿਤਾਬ ਲਈ ਪ੍ਰਕਾਸ਼ਕ ਨੇ ਪ੍ਰਿਅੰਕਾ ਨੂੰ ਇਕ ਕਰੋੜ ਰੁਪਏ ਬਤੋਰ ਅਡਵਾਂਸ ਦੇ ਤੌਰ ਉਤੇ ਦਿੱਤੇ ਹਨ। ਪ੍ਰਿਅੰਕਾ ਨੂੰ ਕਿਤਾਬ ਦੀ ਹੱਥ ਲਿਖਿਤ ਨੂੰ ਮਾਰਚ 2019 ਤੱਕ ਜਮਾਂ ਕਰਨ ਨੂੰ ਕਿਹਾ ਗਿਆ ਹੈ ਅਤੇ ਕਿਤਾਬ ਦਾ ਵਿਮੋਚਨ 2019 ਦੇ ਲੋਕ ਸਭਾ ਚੋਣ ਤੋਂ ਪਹਿਲਾਂ ਹੋਵੇਗਾ।

ਸੂਤਰਾਂ ਦੇ ਮੁਤਾਬਕ ਕਿਤਾਬ ਹਿੰਦੀ, ਅੰਗਰੇਜ਼ੀ ਸਹਿਤ ਭਾਰਤ ਦੀ ਖੇਤਰੀ ਭਾਸ਼ਾਵਾਂ ਵਿਚ ਵੀ ਪ੍ਰਕਾਸ਼ਿਤ ਹੋਵੇਗੀ। ਇਸ ਤੋਂ ਇਲਾਵਾ ਕਿਤਾਬ ਨੂੰ ਔਡੀਓ ਬੁੱਕ ਦੇ ਰੂਪ ਵਿਚ ਵੀ ਪੇਸ਼ ਕੀਤਾ ਜਾਵੇਗਾ।  300 ਪੰਨਿਆਂ ਵਾਲੀ ਇਸ ਕਿਤਾਬ ਵਿਚ ਪ੍ਰਿਅੰਕਾ ਰਾਜਨੀਤੀ ਉਤੇ ਆਪਣੇ ਵਿਚਾਰਾਂ ਦੇ ਬਾਰੇ ਵਿਚ ਲਿਖੇਗੀ। ਪ੍ਰਿਅੰਕਾ ਦਾ ਕਹਿਣਾ ਹੈ ਕਿ ਇਸ ਕਿਤਾਬ ਦੇ ਜ਼ਰੀਏ ਉਹ ਆਪਣੇ ਰਾਜਨੀਤਕ ਦ੍ਰਿਸ਼ਟਿਕੋਣ ਨੂੰ ਦੁਨੀਆ ਤੱਕ ਪਹੁੰਚਾਏਗੀ। 

ਹਾਲਾਂਕਿ ਪ੍ਰਿਅੰਕਾ ਦੇ ਵੱਲੋਂ ਇਸ ਬਾਰੇ ਵਿਚ ਹਲੇ ਕੁੱਝ ਨਹੀਂ ਕਿਹਾ ਗਿਆ ਹੈ। ਉਥੇ ਹੀ ਜਾਣਕਾਰਾਂ ਦਾ ਮੰਨਣਾ ਹੈ ਕਿ ਅਗਲੇ ਸਾਲ ਅਪ੍ਰੈਲ ਅਤੇ ਮਈ ਵਿਚ ਹੋਣ ਵਾਲੇ ਲੋਕ ਸਭਾ ਚੁਨਾਵਾਂ ਲਈ ਇਸ ਕਿਤਾਬ ਦਾ ਇਸਤੇਮਾਲ ਕਾਂਗਰਸ ਦੁਆਰਾ ਰਾਹੁਲ ਗਾਂਧੀ ਬਨਾਮ ਪੀ ਐਮ ਮੋਦੀ ਦੇ ਤੌਰ ਉਤੇ ਕੀਤਾ ਜਾ ਸਕਦਾ ਹੈ।