ਕਾਂਗਰਸ ਲਈ ਰਣਨੀਤੀ ਤਿਆਰ ਕਰ ਰਹੀ ਹੈ ਸੋਨੀਆਂ ਗਾਂਧੀ
ਬੀਜੇਪੀ ਤੇ ਮੋਦੀ ਨੂੰ ਸੱਤਾ ਤੋਂ ਦੂਰ ਰੱਖਣ ਲਈ ਕਰ ਰਹੀ ਹੈ ਕੰਮ
ਨਵੀਂ ਦਿੱਲੀ: ਸੋਨੀਆਂ ਗਾਂਧੀ ਸ਼ਨੀਵਾਰ ਨੂੰ ਕਾਂਗਰਸ ਲੀਡਰਸ਼ਿਪ ਨਾਲ ਸਰਕਾਰ ਬਣਾਉਣ ਦੀ ਸੰਭਾਵਨਾ ਬਾਰੇ ਪਾਰਟੀ ਦੀ ਰਣਨੀਤੀ ਤਿਆਰ ਕਰਨ ਲਈ ਸਰਗਰਮ ਹੋ ਚੁੱਕੀ ਹੈ। ਸੂਤਰਾਂ ਨੇ ਦਸਿਆ ਕਿ ਸੋਨੀਆਂ ਗਾਂਧੀ ਪਾਰਟੀ ਪ੍ਰਧਾਨ ਰਾਹੁਲ ਗਾਂਧੀ ਅਤੇ ਸਾਬਕਾ ਪ੍ਰਧਾਨ ਮਨਮੋਹਨ ਸਿੰਘ ਦੀ ਲੀਡਰਸ਼ਿਪ ਵਿਚ ਕਾਂਗਰਸ ਆਗੂਆਂ ਨੇ ਅਹਿਮਦ ਪਟੇਲ, ਏ ਕੇ ਐਂਟਨੀ ਅਤੇ ਹੋਰਾਂ ਨਾਲ ਇਸ ਬਾਬਤ ਵਿਚਾਰ ਚਰਚਾ ਕੀਤੀ।
ਦਸਿਆ ਜਾ ਰਿਹਾ ਹੈ ਕਿ ਕਾਂਗਰਸ ਦੇ ਇਹਨਾਂ ਸਾਰਿਆਂ ਆਗੂਆਂ ਨੇ ਸੰਭਾਵਤ ਤਿਕੋਣੇ ਸੰਸਦ ਦੀ ਸਥਿਤੀ ਵਿਚ ਪਾਰਟੀ ਦੀ ਰਣਨੀਤੀ ਤਿਆਰ ਕੀਤੀ। ਕਾਂਗਰਸ ਸਰਕਾਰ ਦਾ ਗਠਨ ਕਰਨ ਲਈ ਸਾਰੀਆਂ ਸੰਭਾਵਨਾਵਾਂ ਤਲਾਸ਼ ਰਹੀ ਹੈ। ਕਾਂਗਰਸ ਨੇ ਅਗਲੀ ਸਰਕਾਰ ਬਣਾਉਣ ਦੇ ਅਪਣੇ ਦਾਅਵੇ ਤੇ ਸਰਗਰਮੀਆਂ ਵਧਾ ਦਿੱਤੀਆਂ ਹਨ। ਸੂਤਰਾਂ ਨੇ ਦਸਿਆ ਕਿ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਵੋਟਾਂ ਦੀ ਗਿਣਤੀ ਤੋਂ ਪਹਿਲਾਂ 22 ਮਈ ਨੂੰ ਸੀਨੀਅਰ ਪਾਰਟੀ ਆਗੂਆਂ ਦੀ ਇਕ ਬੈਠਕ ਬੁਲਾਈ ਹੈ।
ਪਾਰਟੀ ਦੇ ਸੀਨੀਅਰ ਆਗੂਆਂ ਨੇ ਯੂਪੀਏ 3 ਬਣਾਉਣ ਦੀ ਇਕ ਕੋਸ਼ਿਸ਼ ਤਹਿਤ ਗੈਰ ਰਾਜਗ ਪਾਰਟੀਆਂ ਦੇ ਨਾਲ ਸਲਾਹ ਮਸ਼ਵਰਾ ਕੀਤਾ ਤਾਂਕਿ ਇਹਨਾਂ ਸਾਰਿਆਂ ਨੂੰ ਇਕ ਸੰਯੁਕਤ ਗਠਜੋੜ ਵਿਚ ਨਾਲ ਲਿਆਂਦਾ ਜਾ ਸਕੇ। ਸੋਨੀਆਂ ਗਾਂਧੀ ਨੇ ਐਤਵਾਰ ਨੂੰ ਸੀਨੀਅਰ ਆਗੂਆਂ ਨਾਲ ਬੈਠਕ ਕੀਤੀ। ਕਾਂਗਰਸ ਨੂੰ ਉਮੀਦ ਹੈ ਕਿ ਐਨਡੀਏ ਦੇ ਸਾਰੇ ਬਹੁਮਤ ਹਾਸਲ ਕਰਨ ਵਿਚ ਅਸਫ਼ਲ ਰਹਿਣ ਕਰਕੇ ਉਹ ਭਾਜਪਾ ਅਤੇ ਨਰਿੰਦਰ ਮੋਦੀ ਨੂੰ ਸੱਤਾ ਤੋਂ ਦੂਰ ਰੱਖ ਸਕੇਗੀ।
ਰਾਹੁਲ ਗਾਂਧੀ ਨੇ ਕਿਹਾ ਕਿ ਉਹਨਾਂ ਦੀ ਪਾਰਟੀ ਸੋਨੀਆਂ ਗਾਂਧੀ ਤੇ ਮਨਮੋਹਨ ਸਿੰਘ ਦੇ ਅਨੁਭਵ ਦਾ ਇਸਤੇਮਾਲ ਕਰੇਗਾ। ਉਹਨਾਂ ਨੇ ਪੀਟੀਆਈ ਨੂੰ ਕਿਹਾ ਸੀ ਕਿ ਸੋਨੀਆ ਗਾਂਧੀ ਗੈਰ ਐਨਡੀਏ ਪਾਰਟੀਆਂ ਨੂੰ ਅਗਲੀ ਸਰਕਾਰ ਦੇ ਗਠਨ ਲਈ ਨਾਲ ਲਿਆਉਣ ਵਿਚ ਇਕ ਮਹੱਤਵਪੂਰਨ ਭੂਮਿਕਾ ਨਿਭਾਵੇਗੀ। ਉਹਨਾਂ ਦੀ ਐਤਵਾਰ ਦੀ ਬੈਠਕ ਬਹੁਤ ਮਹੱਤਵ ਰੱਖਦੀ ਹੈ ਕਿਉਂਕਿ ਸੋਨੀਆਂ ਗਾਂਧੀ ਹੁਣ ਤਕ ਸਿਹਤ ਖਰਾਬ ਹੋਣ ਕਰਕੇ ਗਤੀਵਿਧੀਆਂ ਤੋਂ ਦੂਰ ਰਹੀ ਹੈ।
ਕਾਂਗਰਸ ਇਕ ਗਠਜੋੜ ਬਣਾਉਣ ਲਈ ਹੋਰ ਪਾਰਟੀਆਂ ਨਾਲ ਸੰਪਰਕ ਵਿਚ ਹਨ ਤਾਂਕਿ ਉਹ ਅਗਲੀ ਸਰਕਾਰ ਬਣਾਉਣ ਦੀ ਲੀਡਰਸ਼ਿਪ ਕਰ ਸਕੇ। ਇਸ ਤੋਂ ਪਹਿਲਾਂ ਰਾਹੁਲ ਗਾਂਧੀ ਨੇ ਟੀਡੀਪੀ ਆਗੂ ਐਨ ਚੰਦਰਬਾਬੂ ਨਾਇਡੂ ਨਾਲ ਮੁਲਾਕਾਤ ਕੀਤੀ ਜਦਕਿ ਪਾਰਟੀ ਦੇ ਹੋਰਨਾਂ ਆਗੂਆਂ, ਦਲਾਂ ਨਾਲ ਉਹ ਗਲਬਾਤ ਕਰ ਰਹੇ ਹਨ।
ਉਹਨਾਂ ਨੇ ਪਟੇਲ, ਐਂਟਨੀ ਅਤੇ ਅਸ਼ੋਕ ਗਹਲੋਤ, ਕਮਲਨਾਥ ਅਤੇ ਪੀ ਚਿਦੰਬਰਮ ਵਰਗੇ ਆਗੂਆਂ ਨੂੰ ਹੋਰ ਦਲਾਂ ਨਾਲ ਗੱਲਬਾਤ ਕਰਨ ਨੂੰ ਕਿਹਾ। ਉਹ ਦਿੱਲੀ ਵਿਚ ਹਨ ਅਤੇ ਰਣਨੀਤੀ ਤਿਆਰ ਕਰ ਰਹੇ ਹਨ।