ਨਵੀਂ ਦਿੱਲੀ- ਟੀਆਰਪੀ ਘੁਟਾਲੇ ਵਿੱਚ ਗ੍ਰਿਫਤਾਰ ਕੀਤੇ ਗਏ ਪਾਰਥੋ ਦਾਸਗੁਪਤਾ ਨੇ ਮੁੰਬਈ ਪੁਲਿਸ ਨੂੰ ਇੱਕ ਲਿਖਤ ਬਿਆਨ ਵਿੱਚ ਦਾਅਵਾ ਕੀਤਾ ਕਿ ਅਰਨਬ ਗੋਸਵਾਮੀ ਨੇ ਉਸ ਨੂੰ ਆਪਣੇ ਚੈਨਲ ਦੇ ਹੱਕ ਵਿੱਚ ਟੀਆਰਪੀ ਰੇਟਿੰਗ ਲਈ ਤਿੰਨ ਸਾਲਾਂ ਵਿੱਚ ਚਾਰ ਲੱਖ ਰੁਪਏ ਦਿੱਤੇ ਸਨ ਅਤੇ ਉਸ ਨੂੰ ਛੁੱਟੀਆਂ ਬਿਤਾਉਣ ਲਈ 12,000 ਅਮਰੀਕੀ ਡਾਲਰ ਦਿੱਤੇ ਸਨ।ਇਹ ਗੱਲ ਟੀਆਰਪੀ ਘੁਟਾਲੇ ਵਿੱਚ ਪੇਸ਼ ਇੱਕ ਚਾਰਜਸ਼ੀਟ ਵਿੱਚ ਸਾਹਮਣੇ ਆਈ ਹੈ। 

ਪੁਲਿਸ ਚਾਰਜਸ਼ੀਟ ਦੇ ਅਨੁਸਾਰ, ਪਾਰਥੋ ਦਾਸਗੁਪਤਾ ਨੇ ਇੱਕ ਲਿਖਤੀ ਬਿਆਨ ਵਿੱਚ ਕਿਹਾ ਹੈ ਕਿ ਉਸਨੂੰ ਰਿਪਬਲਿਕ ਟੀਵੀ ਦੇ ਮੁੱਖ ਸੰਪਾਦਕ ਅਰਨਬ ਗੋਸਵਾਮੀ ਨੇ ਨਿਊਜ਼ ਚੈਨਲ ਦੇ ਪੱਖ ਵਿੱਚ ਰੇਟਿੰਗ ਵਿਚ ਹੇਰਾਫੇਰੀ ਕਰਨ ਦੇ ਬਦਲੇ ਤਿੰਨ ਸਾਲਾਂ ਵਿੱਚ ਛੁੱਟੀਆਂ ਬਿਤਾਉਣ ਲਈ 12,000 ਅਮਰੀਕੀ ਡਾਲਰ ਦਿੱਤੇ ਸਨ ਅਤੇ ਕੁੱਲ 40 ਲੱਖ ਰੁਪਏ ਦਿੱਤੇ ਸਨ। ਖ਼ਬਰਾਂ ਮੁਤਾਬਿਕ 3600 ਪੰਨਿਆਂ ਦੀ ਇਹ ਵਾਧੂ ਚਾਰਜਸ਼ੀਟ ਦਾਸਗੁਪਤਾ, ਬਰਾਡਕਾਸਟ ਆਡੀਅੰਸ ਰਿਸਰਚ ਕੌਂਸਲ (ਬੀਏਆਰਸੀ) ਰੋਮਿਲ ਰਾਮਗੜ੍ਹੀਆ ਅਤੇ ਰਿਪਬਲਿਕ ਮੀਡੀਆ ਨੈਟਵਰਕ ਦੇ ਸੀਈਓ ਵਿਕਾਸ ਖਾਨਚੰਦਨੀ ਦੇ ਖਿਲਾਫ ਦਾਇਰ ਕੀਤੀ ਗਈ ਹੈ।

Partho Dasgupta and arnab

ਇਸ ਤੋਂ ਪਹਿਲਾਂ ਨਵੰਬਰ 2020 ਵਿਚ, ਪੁਲਿਸ ਦੁਆਰਾ ਚਾਰਜਸ਼ੀਟ ਦਾਇਰ ਕੀਤੀ ਗਈ ਸੀ, ਜਿਸ ਵਿਚ 12 ਲੋਕਾਂ ਦੇ ਨਾਮ ਸ਼ਾਮਿਲ ਸਨ। ਇਸ ਚਾਰਜਸ਼ੀਟ ਵਿੱਚ BARC ਫੋਰੈਂਸਿਕ ਆਡਿਟ ਰਿਪੋਰਟ, ਦਾਸਗੁਪਤਾ ਅਤੇ ਗੋਸਵਾਮੀ ਦਰਮਿਆਨ ਕਥਿਤ ਤੌਰ ’ਤੇ ਵਟਸਐਪ ਗੱਲਬਾਤ ਅਤੇ 59 ਵਿਅਕਤੀਆਂ ਦੇ ਬਿਆਨ ਸ਼ਾਮਲ ਹਨ। ਇਸ ਵਿਚ ਕੌਂਸਲ ਦੇ ਸਾਬਕਾ ਕਰਮਚਾਰੀ ਅਤੇ ਕੇਬਲ ਆਪਰੇਟਰ ਦੇ ਬਿਆਨ ਵੀ ਸ਼ਾਮਿਲ ਹਨ। 

ਦਾਸਗੁਪਤਾ ਦਾ ਬਿਆਨ 
ਦਾਸਗੁਪਤਾ ਨੇ ਆਪਣਾ ਬਿਆਨ ਜਾਰੀ ਕੀਤਾ ਹੈ," ਮੈਂ ਅਰਨਬ ਗੋਸਵਾਮੀ 2004 ਤੋੋਂ ਜਾਣਦਾ ਹਾਂ। ਅਸੀਂ Times Now 'ਚ ਇਕੱਠੇ ਕੰਮ ਕਰਦੇ ਸੀ।  ਮੈਂ ਸਾਲ 2013 ਵਿਚ ਬੀਏਆਰਸੀ ਦੇ ਸੀਈਓ ਦਾ ਅਹੁਦਾ ਸੰਭਾਲਿਆ ਸੀ। ਅਰਨਬ ਗੋਸਵਾਮੀ ਨੇ ਸਾਲ 2017 ਵਿਚ ਰਿਪਬਲਿਕ ਟੀਵੀ ਦੀ ਸ਼ੁਰੂਆਤ ਕੀਤੀ ਸੀ। ਇਸ ਤੋਂ ਪਹਿਲਾਂ ਵੀ ਉਹ ਰਿਪਬਲਿਕ ਟੀਵੀ ਲਾਂਚ ਕਰਨ ਦੀਆਂ ਯੋਜਨਾਵਾਂ ਉੱਤੇ ਵਿਚਾਰ ਮੇਰੇ ਨਾਲ ਗੱਲਬਾਤ ਕਰਦੇ ਸਨ। 

ਉਹ ਅਸਿੱਧੇ ਤੌਰ ਤੇ ਕਿਹਾ ਕਰਦੇ ਸੀ ਕਿ ਮੈਂ ਉਸ ਦੇ ਚੈਨਲ ਨੂੰ ਚੰਗੇ ਰੇਟਿੰਗ ਦੇਣ ਵਿੱਚ ਸਹਾਇਤਾ ਕਰਾਂ। ਗੋਸਵਾਮੀ ਚੰਗੀ ਤਰ੍ਹਾਂ ਜਾਣਦਾ ਸੀ ਕਿ ਮੈਂ ਜਾਣਦਾ ਹਾਂ ਕਿ ਟੀਆਰਪੀ ਪ੍ਰਣਾਲੀ ਕਿਵੇਂ ਕੰਮ ਕਰਦੀ ਹੈ, ਉਸਨੇ ਮੈਨੂੰ ਇਸ ਵਿੱਚ ਲਾਲਚ ਦਿੱਤਾ ਕਿ ਭਵਿੱਖ ਵਿੱਚ ਉਹ ਮੇਰੀ ਮਦਦ ਕਰੇਗਾ। ”