Leftist Students Create Uproar In JNU

ਨਵੀਂ ਦਿੱਲੀ: ਜਵਾਹਰਲਾਲ ਨੈਹਰੂ ਯੂਨੀਵਰਸਿਟੀ ਵਿਚ ਸੋਮਵਾਰ ਸ਼ਾਮ ਵਿਦਿਆਰਥੀਆਂ ਦੀ ਭੀੜ ਨੇ ਵਾਇਸ ਚਾਂਸਲਰ ਜਗਦੀਸ਼ ਕੁਮਾਰ ਨੂੰ ਘੇਰ ਲਿਆ। ਜਗਦੀਸ਼ ਕੁਮਾਰ ਨੇ ਆਰੋਪ ਲਗਾਇਆ ਕਿ ਉਸ ਦੇ ਘਰ ਵਿਚ ਤੋੜ ਫੋੜ ਕੀਤੀ ਗਈ ਅਤੇ ਪਤਨੀ ਨੂੰ ਬੰਧਕ ਬਣਾਇਆ ਗਿਆ। ਦਿੱਲੀ ਪੁਲਿਸ ਮੁਤਾਬਕ ਸੋਮਵਾਰ ਸ਼ਾਮ ਜਵਾਹਰ ਲਾਲ ਨੈਹਰੂ ਯੂਨੀਵਰਸਿਟੀ ਦੇ ਵੀਸੀ ਦੇ ਘਰ ਤਕ ਮਾਰਚ ਕੱਢਣ ਲਈ ਨਿਕਲੇ ਸਨ। ਵਿਦਿਆਰਥੀਆਂ ਨੇ ਉਸ ਦੇ ਘਰ ਵੜਨ ਦੀ ਕੋਸ਼ਿਸ਼ ਕੀਤੀ। ਉਹਨਾਂ ਨੂੰ ਸੁਰੱਖਿਆ ਕਰਮਚਾਰੀਆਂ ਨੇ ਰੋਕ ਲਿਆ।

ਹੁਣ ਤਕ ਜ਼ਿਆਦਾਤਰ ਵਿਦਿਆਰਥੀ ਅਪਣੇ ਹੋਸਟਲ ਵਿਚ ਵਾਪਸ ਚਲੇ ਗਏ ਹਨ। ਹਾਲਾਤ ਵੀ ਕਾਬੂ ਵਿਚ ਹਨ। ਜੇਐਨਯੂ ਦੇ ਕੁਲਪਤਿ ਨੇ ਟਵੀਟ ਕਰ ਜਾਣਕਾਰੀ ਦਿੱਤੀ ਕਿ ਅੱਜ ਸ਼ਾਮ ਵਿਦਿਆਰਥੀਆਂ ਨੇ ਜ਼ਬਰਦਸਤੀ ਮੇਰੇ ਜੇਐਨਯੂ ਦੇ ਸਥਾਨ ’ਤੇ ਤੋੜ ਫੋੜ ਕੀਤੀ ਅਤੇ ਉਹਨਾਂ ਦੀ ਪਤਨੀ ਨੂੰ ਕਈ ਘੰਟਿਆਂ ਤਕ ਘਰ ਅੰਦਰ ਦੇ ਕੈਦ ਕਰਕੇ ਰੱਖਿਆ ਜਦੋਂ ਕਿ ਮੈਂ ਬੈਠਕ ਵਿਚ ਸੀ। ਕੀ ਇਹ ਵਿਰੋਧ ਦਾ ਤਰੀਕਾ ਹੈ? ਘਰ ਵਿਚ ਇਕੱਲੀ ਔਰਤ ਨੂੰ ਡਰਾਉਣਾ?

ਜਵਾਹਰ ਲਾਲ ਨੈਹਰੂ ਯੂਨੀਵਰਸਿਟੀ ਵਿਚ ਸੋਮਵਾਰ ਸ਼ਾਮ ਖੱਬੇ ਪੱਖੀ ਵਿਦਿਆਰਥੀਆਂ ਦੇ ਕਥਿਤ ਹੰਗਾਮੇ ਤੋਂ ਬਾਅਦ ਹੁਣ ਜੇਐਨਯੂ ਵਿਦਿਆਰਥੀ ਸੰਘ ਨੇ ਅਪਣਾ ਸਪੱਸ਼ਟੀਕਰਨ ਦਿੱਤਾ ਹੈ। ਨਾਲ ਹੀ ਜੇਐਨਯੂ ਪ੍ਰਕਾਸ਼ਨ ਦੇ ਵਿਵਹਾਰ ਨੂੰ ਬਦਕਿਸਮਤੀ ਕਿਹਾ ਹੈ। ਵਿਦਿਆਰਥੀਆਂ ਨੇ ਕਿਹਾ ਹੈ ਕਿ ਮਾਰਚ ਨੂੰ ਹਿੰਸਕ ਦੱਸ ਕੇ ਵਿਦਿਆਰਥੀਆਂ ਨੂੰ ਬਦਨਾਮ ਕੀਤਾ ਜਾ ਰਿਹਾ ਹੈ। ਵਿਦਿਆਰਥੀ ਕੇਵਲ ਮਿਲ ਕੇ ਵਾਇਸ ਚਾਂਸਲਰ ਤੋਂ ਕੁਝ ਸਵਾਲ ਪੁਛਣਾ ਚਾਹੁੰਦੇ ਸਨ ਪਰ ਗਾਰਡਾਂ ਨੇ ਉਹਨਾਂ ਨਾਲ ਮਾਰ ਕੁੱਟ ਕੀਤੀ। ਵਿਦਿਆਰਥੀ ਪਿਛਲੇ 7 ਦਿਨਾਂ ਤੋਂ ਭੁੱਖ ਹੜਤਾਲ ’ਤੇ ਹਨ। ਜਦੋਂ ਇਸ ਬਾਬਤ ਵਿਦਿਆਰਥੀ ਵੀਸੀ ਨੂੰ ਮਿਲਣ ਆਏ ਤਾਂ ਉਹ ਉੱਥੇ ਨਹੀਂ ਮਿਲੇ।

ਵਿਦਿਆਰਥੀਆਂ ਦਾ ਕਹਿਣਾ ਹੈ ਕਿ ਜੇਐਨਯੂ ਵਿਦਿਆਰਥੀ ਸੰਘ ਪ੍ਰਧਾਨ ਐਨ ਸਾਈ ਬਾਲਾਜੀ ਘਟਨਾ ਵਾਲੇ ਸਥਾਨ ’ਤੇ ਬੇਹੋਸ਼ ਹੋ ਗਏ ਜਿਨ੍ਹਾਂ ਨੂੰ ਬਾਅਦ ਵਿਚ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ। ਹੁਣ ਵੀ ਉਹਨਾਂ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ। 11 ਵਿਦਿਆਰਥੀ ਪਿਛਲੇ 7 ਦਿਨਾਂ ਤੋਂ ਭੁੱਖ ਹੜਤਾਲ ’ਤੇ ਹਨ ਅਤੇ ਉਹਨਾਂ ਦੀ ਹਾਲਤ ਲਗਾਤਾਰ ਖਰਾਬ ਹੋ ਰਹੀ ਹੈ।

ਸਾਬਕਾ ਵਿਦਿਆਰਥੀ ਸੰਘ ਪ੍ਰਧਾਨ ਗੀਤਾ ਕੁਮਾਰੀ ਦੀ ਦਿਲ ਦੀ ਧੜਕਣ ਅਤੇ ਬਲੱਡ ਪ੍ਰੈਸ਼ਰ ਦੀ ਸ਼ਿਕਾਇਤ ਵੱਧ ਗਈ ਹੈ। ਸਾਬਕਾ ਸੰਯੁਕਤ ਸਚਿਵ ਸੁਭਾਂਸ਼ੁ ਨੂੰ ਪੀਲੀਆ ਹੋ ਗਿਆ ਹੈ ਅਤੇ ਕਈ ਹੋਰ ਵਿਦਿਆਰਥੀ ਵੀ ਬਿਮਾਰ ਹੋ ਗਏ ਹਨ। ਵਿਦਿਆਰਥੀ ਯੂਨੀਅਨ ਦੇ ਪ੍ਰਸ਼ਾਸ਼ਨ ਨੂੰ ਬੇਨਤੀ ਕੀਤੀ ਹੈ ਕਿ ਵਾਇਸ ਚਾਂਸਲਰ ਵਿਦਿਆਰਥੀਆਂ ਨੂੰ ਮਿਲਣ ਅਤੇ ਸੰਸਥਾ ਦੇ ਚਰਿੱਤਰ ਨੂੰ ਕਲੰਕਿਤ ਹੋਣ ਤੋਂ ਬਚਾਉਣ।