Onion

ਭੋਪਾਲ- ਦੇਸ਼ ਭਰ 'ਚ ਪਿਆਜ਼ ਦੀਆਂ ਕੀਮਤਾਂ ਨੂੰ ਲੈ ਕੇ ਹੰਗਾਮਾ ਮੱਚਿਆ ਹੋਇਆ ਹੈ। ਇਸ ਦੌਰਾਨ ਪਿਆਜ਼ ਚੋਰੀ ਦਾ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਦਰਅਸਲ, 25 ਲੱਖ ਰੁਪਏ ਦਾ ਪੂਰਾ ਟਰੱਕ ਜੋ ਕਿ ਨਾਸਿਕ ਤੋਂ ਗੋਰਖਪੁਰ ਲਈ ਰਵਾਨਾ ਹੋਇਆ ਸੀ, ਗਾਇਬ ਹੋ ਗਿਆ।

ਇਸ ਤੋਂ ਬਾਅਦ, ਨਾਸਿਕ ਦੇ ਇੱਕ ਵਪਾਰੀ ਨੇ ਮੱਧ ਪ੍ਰਦੇਸ਼ ਦੇ ਸ਼ਿਵਪੁਰੀ ਵਿਚ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ ਹੈ। ਨਾਸਿਕ ਤੋਂ ਲਾਪਤਾ ਹੋਇਆ ਟਰੱਕ ਸ਼ਿਵਪੁਰੀ ਵਿਚ ਮਿਲ ਗਿਆ ਹੈ ਪਰ ਇਸ ਵਿਚ ਪਿਆ 25 ਲੱਖ ਰੁਪਏ ਦਾ ਪਿਆਜ਼ ਗਾਇਬ ਹੋ ਗਿਆ ਹੈ।

ਸਬੰਧਤ ਵਪਾਰੀ ਨੂੰ ਇਸ ਮਾਮਲੇ ਵਿਚ ਸ਼ਿਵਪੁਰੀ ਸੁਪਰਡੈਂਟ ਪੁਲਿਸ ਨੂੰ ਸ਼ਿਕਾਇਤ ਮਿਲੀ ਹੈ। ਕਾਰੋਬਾਰੀ ਨੇ ਸ਼ਿਵਪੁਰੀ ਦੇ ਰਹਿਣ ਵਾਲੇ ਜਾਵੇਦ ਨਾਮ ਦੇ ਟਰੱਕ ਮਾਲਕ ਦੇ ਖਿਲਾਫ਼ ਪਿਆਜ਼ ਚੋਰੀ ਕਰਨ ਦਾ ਮਾਮਲਾ ਦਰਜ ਕਰਵਾਉਣ ਦੀ ਮੰਗ ਕੀਤੀ ਹੈ।

 ਨਾਸਿਕ ਤੋਂ ਸ਼ਿਵਪੁਰੀ ਆਏ ਕਾਰੋਬਾਰੀ ਪ੍ਰੇਮਚੰਦ ਸ਼ੁਕਲਾ ਨੇ ਦੱਸਿਆ ਕਿ ਉਹਨਾਂ ਨੇ ਜਾਵੇਦ ਨਾਮ ਦੇ ਟ੍ਰਾਂਸਪੋਰਟ ਨੂੰ ਨਾਸਿਕਤੋਂ ਗੋਰਖਪੁਰ ਦੇ ਲੀ ਉਸ ਦੇ ਟਰੱਕ ਨੰਬਰ ਐਮਪੀ 09 ਐਚਐਚ8318 ਵਿਚ ਲਗਭਗ 25 ਲੱਖ ਦੇ ਪਿਆਜ਼ ਗੋਰਖਪੁਰ ਲਈ ਰਵਾਨਾ ਕੀਤੇ ਸਨ ਪਰ ਮਾਲ ਰਸਤੇ ਵਿਚ ਹੀ ਗਾਇਬ ਕਰ ਦਿੱਤਾ ਗਿਆ ਸੀ। ਟਰੱਕ ਤਾਂ ਸ਼ਿਵਪੁਰੀ ਵਿਚ ਮਿਲ ਗਿਆ ਪਰ ਪਿਆਜ਼ ਗਾਇਬ ਸਨ।