Farmer protest

ਲੁਧਿਆਣਾ , ( ਵਿਸ਼ਾਲ ਕਪੂਰ ) : ਸੰਘਰਸ਼ ਕਰ ਰਹੇ ਕਿਸਾਨਾਂ ਦੀ ਸੇਵਾ ਕਰਨਾ ਸਾਡਾ ਪਹਿਲਾ ਅਤੇ ਮੁੱਢਲਾ ਫ਼ਰਜ਼ ਹੈ, ਜੇਕਰ ਕਿਸਾਨ ਸਾਡੇ ਲਈ ਕੜਾਕੇ ਦੀ ਠੰਢ ਵਿਚ ਲੜ ਸਕਦੇ ਹਨ ਤਾਂ ਅਸੀਂ ਹੀ ਉਨ੍ਹਾਂ ਲਈ ਕਿਉਂ ਨਹੀਂ ਸੇਵਾ ਕਰ ਸਕਦੇ , ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਲੁਧਿਆਣੇ ਤੋਂ ਬੁਟੀਕ ਵਿਚ ਕੰਮ ਕਰਨ ਵਾਲੀਆਂ ਕੁੜੀਆਂ ਨੇ ਕੀਤਾ ।

ਸਪੋਕਸਮੈਨ ਨਾਲ ਵਿਸ਼ੇਸ਼ ਗੱਲਬਾਤ ਕਰਦਿਆਂ ਕੁੜੀਆਂ ਨੇ ਕਿਹਾ ਕਿ ਦਿੱਲੀ ਬਾਰਡਰ ‘ਤੇ ਸਾਡੇ ਬਜ਼ੁਰਗ ਕਿਸਾਨ ਕੜਾਕੇ ਦੀ ਠੰਢ ਵਿੱਚ ਸਰਕਾਰ ਖ਼ਿਲਾਫ਼ ਸੰਘਰਸ਼ ਕਰ ਰਹੇ ਹਨ , ਬੇਸ਼ੱਕ ਦੀ ਸਾਡੇ ਕੋਲ ਉਨ੍ਹਾਂ ਕੋਲ ਜਾ ਕੇ ਸੰਘਰਸ਼ ਕਰਨ ਦਾ ਮੌਕਾ ਨਹੀਂ ਪਰ ਜੋ ਅਸੀਂ ਕੰਮ ਕਰ ਰਹੀਆਂ ਹਾਂ ਉਸ ਵਿੱਚੋਂ ਦਸਵੰਧ ਕੱਢ ਕੇ ਅਸੀਂ ਕਿਸਾਨਾਂ ਦੀ ਸੇਵਾ ਕਰਨਾ ਆਪਣਾ ਫ਼ਰਜ਼ ਸਮਝਦੀਆਂ ਹਾਂ ।