ਕੈਨੇਡਾ ਵਿਚ ਰੋਪੜ ਦੇ ਬਜ਼ੁਰਗ ਨਾਲ ਹੱਥੋਪਾਈ, ਗਈ ਜਾਨ
ਵਿਦੇਸ਼ ਦੀ ਧਰਤੀ 'ਤੇ ਅਕਸਰ ਪੰਜਾਬੀਆਂ ਨਾਲ ਉਥੋਂ ਦੇ ਵਸਨੀਕਾਂ ਵੱਲੋਂ ਅਕਸਰ ਹੀ ਧੱਕੇਸ਼ਾਹੀ ਜਾਂ ਮਾਰਕੁੱਟ ਦੇ ਮਾਮਲੇ ਸਾਹਮਣੇ ਆਉਂਦੇ ਰਹਿੰਦੇ ਹਨ।
ਰੋਪੜ, ਪੰਜਾਬ, ਵਿਦੇਸ਼ ਦੀ ਧਰਤੀ 'ਤੇ ਅਕਸਰ ਪੰਜਾਬੀਆਂ ਨਾਲ ਉਥੋਂ ਦੇ ਵਸਨੀਕਾਂ ਵੱਲੋਂ ਅਕਸਰ ਹੀ ਧੱਕੇਸ਼ਾਹੀ ਜਾਂ ਮਾਰਕੁੱਟ ਦੇ ਮਾਮਲੇ ਸਾਹਮਣੇ ਆਉਂਦੇ ਰਹਿੰਦੇ ਹਨ। ਪੀਡਬਲਿਊਡੀ ਤੋਂ ਰਿਟਾਇਰਡ ਐਕਸ ਈ ਐਨ ਅਤੇ ਰੋਟਰੀ ਕਲੱਬ ਦੇ ਪ੍ਰਧਾਨ ਰਹੇ ਅਮਰਜੀਤ ਸਿੰਘ ਭਟਨਾਗਰ (73) ਦੀ ਕੈਨੇਡਾ ਦੇ ਬਰੈਂਪਟਨ (ਓਂਟਾਰੀਓ) ਵਿਚ 2 ਨਿਗਰੋਆਂ ਦੇ ਨਾਲ ਹੱਥੋਪਾਈ ਦੌਰਾਨ ਮੌਤ ਹੋ ਗਈ।
ਬਦਮਾਸ਼ਾਂ ਨੇ ਅਮਰਜੀਤ ਸਿੰਘ ਨੂੰ ਧੱਕੇ ਮਾਰੇ ਅਤੇ ਉਨ੍ਹਾਂ 'ਤੇ ਹੱਥ ਵੀ ਚੁੱਕਿਆ। ਇੱਕ ਧੱਕਾ ਜ਼ੋਰ ਨਾਲ ਵੱਜਣ ਕਾਰਨ ਅਮਰਜੀਤ ਸਿੰਘ ਜ਼ਮੀਨ 'ਤੇ ਗਿਰ ਗਏ ਅਤੇ ਉਨ੍ਹਾਂ ਦਾ ਸਿਰ ਸੜਕ ਉੱਤੇ ਬਹੁਤ ਬੁਰੀ ਤਰ੍ਹਾਂ ਨਾਲ ਟਕਰਾਇਆ ਅਤੇ ਉਹ ਬੇਹੋਸ਼ ਹੋ ਗਏ। ਗੰਭੀਰ ਰੂਪ ਵਿਚ ਜ਼ਖਮੀ ਅਮਰਜੀਤ ਸਿੰਘ ਨੂੰ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਜਿਥੇ ਉਹ 2 ਦਿਨ ਇਲਾਜ ਅਧੀਨ ਰਹੇ। ਪਰ ਇਲਾਜ ਹੋਣ ਦੇ ਬਾਵਜੂਦ ਵੀ ਡਾਕਟਰਾਂ ਨੇ 14 ਜੂਨ ਨੂੰ ਉਨ੍ਹਾਂ ਨੂੰ ਮ੍ਰਿਤ ਘੋਸ਼ਿਤ ਕਰ ਦਿੱਤਾ।