ਜਕਾਰਤਾ :  ਰੀਓ ਓਲੰਪਿਕ ਦੀ ਗੋਲਡ ਮੈਡਲ ਜੇਤੂ ਅਤੇ ਭਾਰਤੀ ਮਹਿਲਾ ਖਿਡਾਰੀ ਪੀ. ਵੀ. ਸਿੰਧੂ ਨੇ ਵੀਰਵਾਰ ਨੂੰ ਇੰਡੋਨੇਸ਼ਿਆ ਮਾਸਟਰਸ ਬੈਡਮਿੰਟਨ ਟੂਰਨਾਮੈਂਟ ਦੇ ਕੁਆਰਟਰ ਫਾਈਨਲ ਵਿਚ ਜਗ੍ਹਾ ਬਣਾ ਲਈ ਹੈ। ਮਹਿਲਾ ਏਕਲ ਵਰਗ ਦੇ ਪ੍ਰੀ-ਕੁਆਟਰ ਫਾਈਨਲ ਵਿਚ ਵਰਲਡ ਨੰਬਰ-3 ਸਿੰਧੂ ਨੇ ਮਕਾਮੀ ਖਿਡਾਰੀ ਗਰੇਗੋਰਿਆ ਮਾਰਿਸਕਾ ਨੂੰ ਹਰਾਇਆ।

ਸਿੰਧੂ ਨੇ 37 ਮਿੰਟ ਤੱਕ ਚਲੇ ਇਸ ਮੁਕਾਬਲੇ ਵਿਚ ਵਰਲਡ ਨੰਬਰ-14 ਗਰੇਗੋਰਿਆ ਨੂੰ ਸਿੱਧਾ ਖੇਡਾਂ ਵਿਚ 23-21, 21-7 ਨਾਲ ਹਰਾ ਕੇ ਆਖ਼ਰੀ-8 ਵਿਚ ਸਥਾਨ ਹਾਸਲ ਕਰ ਲਿਆ ਹੈ। ਪਹਿਲੀ ਗੇਮ ਵਿਚ ਸਿੰਧੂ ਨੂੰ ਪ੍ਰੇਸ਼ਾਨੀ ਆਈ ਪਰ ਦੂਜੇ ਵਿਚ ਉਸ ਨੇ ਅਪਣੀ ਵਿਰੋਧੀ ਖਿਡਾਰੀ ਨੂੰ ਕੋਈ ਮੌਕਾ ਨਹੀਂ ਦਿਤਾ।

ਕੁਆਰਟਰ ਫਾਈਨਲ ਵਿਚ ਸ਼ੁੱਕਰਵਾਰ ਨੂੰ ਸਿੰਧੂ ਦਾ ਸਾਹਮਣਾ ਸਪੇਨ ਦੀ ਕੈਰੋਲੀਨਾ ਮਾਰਿਨ ਅਤੇ ਦੱਖਣ ਕੋਰੀਆ ਦੀ ਗਾ ਇਉਨ ਕਿਮ ਦੇ ਵਿਚ ਹੋਣ ਵਾਲੇ ਮੈਚ ਦੀ ਜੇਤੂ ਖਿਡਾਰੀ ਨਾਲ ਹੋਵੇਗਾ।