Airplane Crash

ਨਿਊਯਾਰਕ : ਅਮਰੀਕਾ ਦੇ ਸੀ ਟੈਕ ਇੰਟਰਨੈਸ਼ਨਲ ਏਅਰਪੋਰਟ ਤੋਂ ਅਲਾਸਕਾ ਏਅਰਲਾਈਨਜ਼ ਦਾ ਇਕ ਕਰਮਚਾਰੀ ਜਹਾਜ਼ ਚੋਰੀ ਕਰਕੇ ਭੱਜ ਰਿਹਾ ਸੀ। ਸੂਚਨਾ ਮਿਲਦੇ ਹੀ ਮਿਲਟਰੀ ਜਹਾਜ਼ ਐਫ-15 ਨਾਲ ਇਸ ਦਾ ਪਿੱਛਾ ਕੀਤਾ ਗਿਆ। ਇਸ ਦੌਰਾਨ ਇਹ ਜਹਾਜ਼ ਕ੍ਰੈਸ਼ ਹੋ ਗਿਆ।

ਇਸ ਸਬੰਧੀ ਅਲਾਸਕਾ ਏਅਰਲਾਈਨਜ਼ ਨੇ ਕਿਹਾ ਕਿ ਇਕ ਹਵਾਈ ਜਹਾਜ਼ ਦਾ ਅਣਅਧਿਕਾਰਕ ਟੇਕ ਆਫ਼ ਹੋਇਆ ਸੀ। ਚਸ਼ਮਦੀਦਾਂ ਨੇ ਵਾਸ਼ਿੰਗਟਨ ਰਾਜ ਵਿਚ ਸਾਗਰ ਟੈਕ ਕੌਮਾਂਤਰੀ ਹਵਾਈ ਅੱਡੇ ਦੇ ਕੋਲ ਫ਼ੌਜੀ ਜਹਾਜ਼ਾਂ ਵਲੋਂ ਪਿਛਾ ਕਰਨ ਵਾਲੇ ਇਕ ਜੈੱਟ ਦੀ ਸੂਚਨਾ ਦਿਤੀ। ਹਾਲਾਂਕਿ ਏਅਰਲਾਈਨਜ਼ ਕਰਮਚਾਰੀ ਵਲੋਂ ਚੋਰੀ ਕੀਤਾ ਗਿਆ ਜਹਾਜ਼ ਵਾਸ਼ਿੰਗਟਨ ਰਾਜ ਵਿਚ ਹਾਦਸਾਗ੍ਰਸਤ ਹੋ ਗਿਆ ਹੈ। 

ਇਹ ਹਾਦਸਾ ਟੈਕੋਮਾ ਦੇ ਦੱਖਣ ਪੱਛਮ ਵਿਚ ਕੇਟਰਾਨ ਦੀਪ 'ਤੇ ਹੋਈ। ਸਿਆਟਲ ਟੈਕੋਮਾ ਕੌਮਾਂਤਰੀ ਹਵਾਈ ਅੱਡੇ ਦੇ 29 ਸਾਲ ਦੇ ਕਰਮਚਾਰੀ ਨੇ ਹੀ ਜਹਾਜ਼ ਚੋਰੀ ਕੀਤਾ ਸੀ। ਪੁਲਿਸ ਦਾ ਕਹਿਣਾ ਹੈ ਕਿ ਕਰਮਚਾਰੀ ਨੇ ਆਤਮ ਹੱÎਤਆ ਦੇ ਇਰਾਦੇ ਨਾਲ ਇਹ ਜਹਾਜ਼ ਚੋਰੀ ਕੀਤਾ ਸੀ। ਪੁਲਿਸੋ ਵਿਭਾਗ ਨੇ ਸਪੱਸ਼ਟ ਕੀਤਾ ਹੈ ਕਿ ਇਹ ਕੋਈ ਅਤਿਵਾਦੀ ਘਟਨਾ ਨਹੀਂ ਹੈ। ਖ਼ਬਰਾਂ ਮੁਤਾਬਕ ਏਅਰਲਾਈਨ ਦੇ ਇਕ ਕਰਮਚਾਰੀ ਨੇ ਸਿਆਟਲ ਟੈਕੋਮਾ ਇੰਟਰਨੈਸ਼ਨਲ ਏਅਰਪੋਰਟ 'ਤੇ ਸ਼ੁਕਰਵਾਰ ਦੀ ਰਾਤ ਨੂੰ ਬਿਨਾਂ ਇਜਾਜ਼ਤ ਜਹਾਜ਼ ਵਿਚ ਉਡਾਨ ਭਰੀ। ਉਸ ਦੇ ਬਿਨਾਂ ਦੱਸੇ ਉਡਾਨ ਭਰਨ ਨਾਲ ਹੜਕੰਪ ਮਚ ਗਿਆ।

ਅਧਿਕਾਰੀਆਂ ਮੁਤਾਬਕ ਇਹ ਜਹਾਜ਼ ਹਵਾਈ ਅੱਡੇ ਤੋਂ ਕਰੀਬ 30 ਮੀਲ ਦੂਰ ਜਾ ਕੇ ਦੁਰਘਟਨਾ ਗ੍ਰਸਤ ਹੋ ਗਿਆ। ਏਅਰਪੋਰਟ ਅਥਾਰਟੀ ਨੇ ਅਪਣੇ ਟਵੀਟ ਵਿਚ ਕਿਹਾ ਕਿ 'ਇਕ ਏਅਰਪੋਰਟ ਕਰਮਚਾਰੀ ਨੇ ਸੀ ਟੈਕ 'ਤੇ ਬਿਨਾਂ ਇਜਾਜ਼ਤ ਦੇ ਉਡਾਨ ਭਰੀ ਹੈ। ਇਹ ਜਹਾਜ਼ ਸਾਊਥ ਪੁਗੇਤ ਸਾਊਂਡ ਵਿਚ ਹਾਦਸਾਗ੍ਰਸਤ ਹੋ ਗਿਆ। ਸੀ ਟੈਕ ਏਅਰਪੋਰਟ ਤੋਂ ਫਿਰ ਤੋਂ ਜਹਾਜ਼ਾਂ ਦੀ ਆਵਾਜਾਈ ਸ਼ੁਰੂ ਹੋ ਗਈ ਹੈ, ਜੋ ਕੁੱਝ ਸਮੇਂ ਲਈ ਰੋਕ ਦਿਤੀ ਗਈ ਸੀ। 

ਅਧਿਕਾਰੀਆਂ ਨੇ ਦਸਿਆ ਕਿ ਪਾਇਲਟ ਦੀ ਪਛਾਣ ਅਤੇ ਉਸ ਦੀ ਸਥਿਤੀ ਬਾਰੇ ਵਿਚ ਅਜੇ ਤਕ ਕੁੱਝ ਵੀ ਪਤਾ ਨਹੀਂ ਚੱਲ ਸਕਿਆ ਹੈ। ਖ਼ਬਰਾਂ ਮੁਤਾਬਕ ਜਿਸ ਸਮੇਂ ਯਾਤਰੀ ਜਹਾਜ਼ ਨੂੰ ਉਡਾਇਆ ਗਿਆ, ਤੁਰਤ ਅਮਰੀਕੀ ਲੜਾਕੂ ਜਹਾਜ਼ ਬੁਲਾਇਆ ਗਿਆ।

ਹੋਰੀਜਨ ਦੀ ਸਾਂਝੀਦਾਰ ਅਲਾਸਕਾ ਏਅਰਲਾਈਨਜ਼ ਦੇ ਮੁਤਾਬਕ ਇਹ ਜਹਾਜ਼ ਹੋਰੀਜਨ ਏਅਰ ਕਿਊ 400 ਸੀ। ਕਿਊ 400 ਜਹਾਜ਼ ਵਿਚ ਕੁੱਲ 78 ਸੀਟਾਂ ਹੁੰਦੀਆਂ ਹਨ। ਵਾਸ਼ਿੰਗਟਨ ਵਿਚ ਏਅਰਪੋਰਟ ਦੇ ਕੋਲ ਇਸ ਜਹਾਜ਼ ਨੂੰ ਉਡਦੇ ਹੋਏ ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤਾ ਗਿਆ ਹੈ। ਏਅਰਪੋਰਟ ਦਾ ਕਹਿਣਾ ਹੈ ਕਿ ਸਿਆਟਲ ਤੋਂ ਟੈਕੋਮਾ ਦੇ ਵਿਚਕਾਰ ਹਵਾਈ ਜਹਾਜ਼ ਸੇਵਾ ਸ਼ੁਰੂ ਕਰ ਦਿਤੀ ਗਈ ਹੈ। ਭਾਵੇਂ ਕਿ ਇਸ ਘਟਨਾ ਨਾਲ ਹਵਾਈ ਅੱਡੇ 'ਤੇ ਦਹਿਸ਼ਤ ਦਾ ਮਾਹੌਲ ਬਣ ਗਿਆ ਸੀ ਪਰ ਹੁਣ ਸਭ ਕੁੱਝ ਆਮ ਵਾਂਗ ਹੋ ਗਿਆ ਹੈ।