ਜਗਰਾਉਂ : ਅੱਜ ਦੇ ਸਮੇਂ ਦੇਸ਼ ਦੀ ਸੱਤਾ 'ਤੇ ਕਾਬਜ਼ ਲੋਕਾਂ ਵਲੋਂ ਨਿੱਤ ਨਵੀਂ ਸਵੇ ਹਿੰਦੂ ਰਾਸ਼ਟਰ, ਇਕ ਭਾਸ਼ਾ, ਇਕ ਸੱਭਿਆਚਾਰ ਦੇ ਨਾਅਰਿਆਂ ਦਾ ਉਚਾਰਣ ਕੀਤਾ ਜਾਣਾ ਦੇਸ਼ ਦੀ ਅਖੰਡਤਾ 'ਤੇ ਸਿੱਧਾ ਹਮਲਾ ਹੈ। ਖਾਸ ਕਰ ਕੇ ਸਿੱਖਾਂ ਦੀ ਹੋਂਦ ਨੂੰ ਅਣਡਿੱਠ ਕਰਨਾ ਦੇਸ਼ ਦੇ ਪਤਨ ਦਾ ਕਾਰਨ ਬਣੇਗਾ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਪ੍ਰਧਾਨ ਅਤੇ ਐਸ.ਜੀ.ਪੀ.ਸੀ. ਮੈਂਬਰ ਭਾਈ ਗੁਰਚਰਨ ਸਿੰਘ ਗਰੇਵਾਲ ਨੇ ਆਰਐਸਐਸ ਮੁਖੀ ਭਾਗਵਤ ਦੇ ਹਿੰਦੂ ਰਾਸ਼ਟਰ ਦੇ ਆਏ ਬਿਆਨ ਦੇ ਸੰਦਰਭ 'ਚ ਕੀਤਾ।

ਭਾਈ ਗਰੇਵਾਲ ਨੇ ਕਿਹਾ ਕਿ ਅਫ਼ਸੋਸ ਹੈ ਕਿ ਭਾਗਵਤ ਇਤਿਹਾਸ ਤੋਂ ਚੰਗੀ ਤਰ੍ਹਾਂ ਵਾਕਫ਼ ਹੋਣ ਦੇ ਬਾਵਜੂਦ ਸਿੱਖਾਂ ਦੀ ਅੱਡਰੀ ਹੋਂਦ ਨੂੰ ਕਿਉਂ ਅਣਡਿੱਠ ਕਰ ਰਹੇ ਹਨ। ਸਿੱਖਾਂ ਦਾ ਹਿੰਦੂਸਤਾਨ ਦੀ ਗੁਲਾਮੀ ਨੂੰ ਕੱਟਣਾ ਅਤੇ ਖਾਸ ਕਰ ਕੇ ਜ਼ਾਬਰ ਜੁਲਮ ਨਾਲ ਲੋਹਾ ਲੈਣ 'ਤੇ ਹਿੰਦੂ ਧਰਮ ਦੇ ਵਜ਼ੂਦ ਲਈ ਲੜੀ ਲੜਾਈ ਇਤਿਹਾਸ ਦੇ ਪੰਨਿਆਂ ਦਾ ਅਨਿੱਖੜਕਾ ਅੰਗ ਹੈ, ਜਿਸ ਨੂੰ ਮਿਟਾਇਆ ਵੀ ਨਹੀਂ ਜਾ ਸਕਦਾ। ਗੁਰੂ ਨਾਨਕ ਦੇਵ ਜੀ ਵਲੋਂ 'ਨਾ ਹਮ ਹਿੰਦੂ ਨਾ ਮੁਸਲਮਾਨ' ਦਾ ਨਾਅਰਾ ਸਿੱਖ ਦੀ ਅੱਡਰੀ ਕੌਮੀਅਤ ਦਾ ਸੂਚਕ ਹੈ।

ਇਸ ਸਮੇਂ ਸੱਤਾ ਦੇ ਨਸ਼ੇ 'ਚ ਕੀਤੀ ਜਾ ਰਹੀ ਸ਼ਰਾਰਤ ਆਉਣ ਵਾਲੇ ਸਮੇਂ ਲਈ ਮੁਸੀਬਤ ਬਣੇਗੀ। ਇਹ ਗੱਲ ਵੀ ਸਪੱਸ਼ਟ ਹੈ ਕਿ ਕਿਸੇ ਦੇ ਹਿੰਦੂ ਰਾਸ਼ਟਰ ਕਹਿਣ ਨਾਲ ਇਹ ਬਣਨ ਵਾਲਾ ਨਹੀਂ। ਦੇਸ਼ 'ਚ ਵਸਦੀ ਹਰ ਕੌਮ ਅਪਣਾ ਵਜੂਦ ਸਾਂਭਲਕੇ ਬਣੀ ਹੋਈ ਹੈ। ਇਸ ਕਰ ਕੇ ਵਾਰ-ਵਾਰ ਅਜਿਹਾ ਵਰਤਾਹ ਦੇਸ਼ ਨੂੰ ਖਤਰੇ 'ਚ ਪਾਉਣ ਦਾ ਬਾਨਣੂ ਬਨ੍ਹੇਗਾ।