ਇੰਸਟੈਂਟ ਮੈਸੇਜਿੰਗ ਐਪ ਵਟਸਐਪ ਆਏ ਦਿਨ ਯੂਜ਼ਰਸ ਲਈ ਨਵੇਂ-ਨਵੇਂ ਫੀਚਰ ਲੈ ਕੇ ਆਉਂਦਾ ਰਹਿੰਦਾ ਹੈ।
ਨਵੀਂ ਦਿੱਲੀ: ਇੰਸਟੈਂਟ ਮੈਸੇਜਿੰਗ ਐਪ ਵਟਸਐਪ ਆਏ ਦਿਨ ਯੂਜ਼ਰਸ ਲਈ ਨਵੇਂ-ਨਵੇਂ ਫੀਚਰ ਲੈ ਕੇ ਆਉਂਦਾ ਰਹਿੰਦਾ ਹੈ। ਕੰਪਨੀ ਇਸ ਸ਼ਾਨਦਾਰ ਮੈਸੇਜਿੰਗ ਐਪ ਲਈ ਲੰਬੇ ਸਮੇਂ ਤੋਂ ਨਵੇਂ ਫੀਚਰ ‘ਤੇ ਕੰਮ ਕਰ ਰਹੀ ਹੈ। ਦੱਸ ਦਈਏ ਕਿ ਨਵਾਂ ਫੀਚਰ ਮਲਟੀ ਡਿਵਾਇਸ ਸਪਾਟ ਫੀਚਰ ਹੈ, ਜਿਸ ਨੂੰ ਜਲਦ ਹੀ ਯੂਜ਼ਰਸ ਲਈ ਰੋਲਆਊਟ ਕੀਤਾ ਜਾ ਸਕਦਾ ਹੈ।
WhatsApp
ਇਸ ਤੋਂ ਬਾਅਦ ਯੂਜ਼ਰਸ ਇਕ ਹੀ ਨੰਬਰ ਤੋਂ ਕਈ ਫੋਨਾਂ ਵਿਚ ਵਟਸਐਪ ਚਲਾ ਸਕਣਗੇ। ਫਿਲਹਾਲ ਯੂਜ਼ਰਸ ਇਕ ਨੰਬਰ ਤੋਂ ਇਕ ਹੀ ਫੋਨ ਵਿਚ ਅਕਾਊਂਟ ਬਣਾ ਸਕਦੇ ਹਨ। ਵਟਸਐਪ ਦੇ ਨਵੇਂ ਅਪਡੇਟਸ ਅਤੇ ਤਾਜ਼ਾ ਫੀਚਰ ਦੀ ਜਾਣਕਾਰੀ ਦੇਣ ਵਾਲੀ ਸਾਈਟ WABetaInfo ਵੱਲੋਂ ਵੀ ਇਸ ਨਾਲ ਜੁੜੀ ਜਾਣਕਾਰੀ ਸ਼ੇਅਰ ਕੀਤੀ ਗਈ ਹੈ।
WhatsApp
ਰਿਪੋਰਟ ਵਿਚ ਸਾਹਮਣੇ ਆਇਆ ਹੈ ਕਿ ਇਸ ਦੀ ਮਦਦ ਨਾਲ ਯੂਜ਼ਰ ਚਾਰ ਡਿਵਾਇਸ ਨੂੰ ਇਕ ਹੀ ਅਕਾਊਂਟ ਨਾਲ ਲਿੰਕ ਕਰ ਸਕਣਗੇ। ਇਸ ਦੇ ਨਾਲ ਹੀ ਵਟਸਐਪ ਵਿਚ ਲਿੰਕਡ ਡਿਵਾਇਸ ਦੇ ਨਾਮ ਲਈ ਵੱਖਰਾ ਸੈਕਸ਼ਨ ਦਿੱਤਾ ਜਾਵੇਗਾ, ਜਿਸ ਦੇ ਜ਼ਰੀਏ ਪਤਾ ਚੱਲੇਗਾ ਕਿ ਕਿਹੜੇ-ਕਿਹੜੇ ਡਿਵਾਇਸ ਵਿਚ ਇਕ ਹੀ ਨੰਬਰ ਤੋਂ ਅਕਾਊਂਟ ਚਲਾਏ ਜਾ ਰਹੇ ਹਨ। ਇਸ ਦੇ ਨਾਲ ਹੀ ਸਟੈਂਪ ਦੇ ਨਾਲ ਇਹ ਦੇਖਿਆ ਜਾਵੇਗਾ ਕਿ ਉਸ ਡਿਵਾਇਸ ‘ਤੇ ਵਟਸਐਪ ਆਖਰੀ ਵਾਰ ਕਦੋਂ ਐਕਟਿਵ ਸੀ।
WhatsApp
ਇਹ ਨਵਾਂ ਸੈਕਸ਼ਨ ਐਪ ਦੇ ਮੀਨੂ ਵਿਚ ਆਵੇਗਾ। ਉੱਥੇ ਹੀ ਯੂਜ਼ਰਸ ਨੂੰ ਸੈਟਿੰਗ, ਨਿਊ ਗਰੁੱਪ, ਨਿਊ ਬ੍ਰੋਡਕਾਸਟ ਅਤੇ ਸਟਾਰਡ ਮੈਸੇਜ ਆਦਿ ਆਪਸ਼ਨ ਵੀ ਮਿਲਦੇ ਹਨ। ਇਸ ਤੋਂ ਇਲਾਵਾ ਕੰਪਨੀ ਐਡਵਾਂਸ ਸਰਚ ਆਪਸ਼ਨ ‘ਤੇ ਵੀ ਕੰਮ ਕਰ ਰਹੀ ਹੈ। ਰਿਪੋਰਟ ਮੁਤਾਬਕ WhatsApp 2.20.118 Android Beta ਵਿਚ ਐਡਵਾਂਸ ਸਰਚ ਮੋਡ ਦਾ ਆਪਸ਼ਨ ਦਿੱਤਾ ਗਿਆ ਹੈ।
WhatsApp
ਫਿਲਹਾਲ ਵਟਸਐਪ ਇਸ ਦੇ ਯੂਜ਼ਰ ਇੰਟਰਫੇਸ ‘ਤੇ ਕੰਮ ਕਰ ਰਿਹਾ ਹੈ, ਇਸ ਫੀਚਰ ਦੇ ਤਹਿਤ ਯੂਜ਼ਰਸ ਮੈਸੇਜ ਟਾਈਮ ਦੇ ਜ਼ਰੀਏ ਵਟਸਐਪ ‘ਤੇ ਸਰਚ ਕਰ ਸਕਦੇ ਹਨ। ਇੱਥੇ ਐਡਵਾਂਸ ਸਰਚ ਮੋਡ ਵਿਚ ਫੋਟੋਆਂ, ਵੀਡੀਓਜ਼, ਲਿੰਕ, ਗਿਫਸ, ਆਡੀਓ ਅਤੇ ਡਾਕੂਮੈਂਟ ਦਾ ਆਪਸ਼ਨ ਦੇਖਿਆ ਜਾ ਸਕਦਾ ਹੈ।
