ਉਤਰ ਪ੍ਰਦੇਸ਼ ਵਿਚ ਇਕ ਮਹਿਲਾ ਅਧਿਕਾਰੀ ਨੂੰ ਦਲਿਤ ਹੋਣ ਦੇ ਕਾਰਨ ਪਾਣੀ ਨਾ ਦੇਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਵਿਕਾਸ ਕਾਰਜਾਂ ਦੀ ਸਮੀਖਿਆ ਕਰਨ ਇਕ...
ਕੌਸ਼ਾਂਬੀ : ਉਤਰ ਪ੍ਰਦੇਸ਼ ਵਿਚ ਇਕ ਮਹਿਲਾ ਅਧਿਕਾਰੀ ਨੂੰ ਦਲਿਤ ਹੋਣ ਦੇ ਕਾਰਨ ਪਾਣੀ ਨਾ ਦੇਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਵਿਕਾਸ ਕਾਰਜਾਂ ਦੀ ਸਮੀਖਿਆ ਕਰਨ ਇਕ ਪਿੰਡ ਵਿਚ ਗਈ ਜ਼ਿਲ੍ਹੇ ਦੀ ਉਪ ਮੁੱਖ ਪਸ਼ੂ ਮੈਡੀਕਲ ਅਧਿਕਾਰੀ ਦੇ ਦਲਿਤ ਹੋਣ ਕਾਰਨ ਕਥਿਤ ਤੌਰ 'ਤੇ ਪਿੰਡ ਦੇ ਮੁਖੀ ਅਤੇ ਗ੍ਰਾਮ ਪੰਚਾਇਤ ਵਿਕਾਸ ਅਧਿਕਾਰੀ ਨੇ ਬਰਤਨ ਵਿਚ ਪਾਣੀ ਦੇਣ ਤੋਂ ਇਨਕਾਰ ਕਰ ਦਿਤਾ। ਘਟਨਾ ਤੋਂ ਨਰਾਜ਼ ਉਪ ਮੁੱਖ ਪਸ਼ੂ ਮੈਡੀਕਲ ਅਧਿਕਾਰੀ ਨੇ ਜ਼ਿਲ੍ਹਾ ਅਧਿਕਾਰੀ ਕੋਲ ਇਸ ਸਬੰਧ ਵਿਚ ਸ਼ਿਕਾਇਤ ਕੀਤੀ ਹੈ।
Policeਉਪ ਮੁੱਖ ਪਸ਼ੂ ਮੈਡੀਕਲ ਅਧਿਕਾਰੀ ਡਾਕਟਰ ਸੀਮਾ ਨੇ ਦਸਿਆ ਕਿ ਡੀਪੀਆਰਓ ਦੇ ਨਿਰਦੇਸ਼ 'ਤੇ ਉਹ ਮੰਗਲਵਾਰ ਨੂੰ ਮੰਝਨਪੁਰ ਵਿਕਾਸ ਖੇਤਰ ਦੇ ਅੰਬਾਵਾ ਪੂਰਬ ਪਿੰਡ ਵਿਚ ਗਈ ਸੀ। ਉਥੇ ਉਨ੍ਹਾਂ ਦੀ ਬੋਤਲ ਦਾ ਪਾਣੀ ਖ਼ਤਮ ਹੋ ਗਿਆ ਸੀ। ਇਸ 'ਤੇ ਉਨ੍ਹਾਂ ਨੇ ਗ੍ਰਾਮ ਪੰਚਾਇਤ ਵਿਕਾਸ ਅਧਿਕਾਰੀ ਅਤੇ ਗ੍ਰਾਮ ਮੁਖੀ ਤੋਂ ਪਾਣੀ ਮੰਗਿਆ। ਦੋਹਾਂ ਨੇ ਉਨ੍ਹਾਂ ਦੇ ਦਲਿਤ ਹੋਣ ਕਾਰਨ ਬਰਤਨ ਵਿਚ ਪਾਣੀ ਦੇਣ ਤੋਂ ਇਨਕਾਰ ਕਰ ਦਿਤਾ। ਜਦੋਂ ਉਨ੍ਹਾਂ ਨੇ ਪਿੰਡ ਵਾਲਿਆਂ ਤੋਂ ਪਾਣੀ ਮੰਗਿਆ ਤਾਂ ਪ੍ਰਧਾਨ ਅਤੇ ਵੀਡੀਓ ਨੇ ਉਨ੍ਹਾਂ ਨੂੰ ਵੀ ਇਸ਼ਾਰਾ ਕਰ ਕੇ ਪਾਣੀ ਦੇਣ ਤੋਂ ਮਨ੍ਹਾਂ ਕਰ ਦਿਤਾ।
Dalit Womensਅਧਿਕਾਰੀ ਨੇ ਦਸਿਆ ਕਿ ਪਾਣੀ ਮੰਗਣ 'ਤੇ ਇਕ ਖੇਤਰ ਪੰਚਾਇਤ ਨੇ ਇਥੋਂ ਤਕ ਆਖ ਦਿਤਾ ਕਿ ਬਰਤਨ ਵਿਚ ਪਾਣੀ ਦੇਣ ਨਾਲ ਬਰਤਨ ਅਸ਼ੁੱਧ ਹੋ ਜਾਵੇਗਾ। ਇਕ ਖ਼ਬਰ ਮੁਤਾਬਕ ਇਸ ਮਾਮਲੇ ਵਿਚ ਛੇ ਲੋਕਾਂ ਦੇ ਵਿਰੁਧ ਕੇਸ ਦਰਜ ਕੀਤਾ ਗਿਆ ਹੈ। ਦੋਸ਼ੀਆਂ ਵਿਚ ਤਿੰਨ ਗ੍ਰਾਮ ਪ੍ਰਧਾਨ, ਸਕੱਤਰ, ਵੀਡੀਓ ਅਤੇ ਕੋਟੇਦਾਰ ਸ਼ਾਮਲ ਹਨ। ਪੁਲਿਸ ਨੇ ਰਿਪੋਰਟ ਲਿਖਣ ਤੋਂ ਬਾਅਦ ਜਾਂਚ ਸ਼ੁਰੂ ਕਰ ਦਿਤੀ ਹੈ। ਇਸ ਸਬੰਧ ਵਿਚ ਜ਼ਿਲ੍ਹਾ ਅਧਿਕਾਰੀ ਮਨੀਸ਼ ਵਰਮਾ ਨੇ ਦਸਿਆ ਕਿ ਉਨ੍ਹਾਂ ਨੇ ਪੁਲਿਸ ਮੁਖੀ ਨੂੰ ਮਾਮਲੇ ਦੀ ਜਾਂਚ ਕਰਕੇ ਕਾਰਵਾਈ ਦਾ ਨਿਰਦੇਸ਼ ਦਿਤਾ ਹੈ।
Dalit Womensਖ਼ਬਰ ਮੁਤਾਬਕ ਡੀਐਮ ਦੇ ਨਿਰੇਸ਼ 'ਤੇ ਐਸਪੀ ਪ੍ਰਦੀਪ ਗੁਪਤਾ ਨੇ ਅੰਬਾਵਾ ਪੂਰਬ ਪਿੰਡ ਮੁਖੀ ਸ਼ਿਵਸੰਪਤ, ਸਕੱਤਰ ਰਵਿਦੰਤ ਮਿਸ਼ਰ, ਬੀਡੀਸੀ ਝੱਲਰ ਤਿਵਾੜ, ਕੋਟੇਦਾਰ ਰਾਜੇਸ਼ ਸਿੰਘ, ਭਈਲਾ ਮਕਦੂਮਪੁਰ ਪ੍ਰਧਾਨ ਪਤੀ ਪਵਨ ਯਾਦਵ ਅਤੇ ਸੰਈਬਸਾ ਪ੍ਰਧਾਨ ਅੰਸਾਰ ਅਲੀ ਦੇ ਵਿਰੁਧ ਅਨੁਸੂਚਿਤ ਜਾਤੀ-ਅਨੂਸੂਚਿਤ ਜਨਜਾਤੀ ਕਾਨੂੰਨ ਤਹਿਤ ਨਗਰ ਕੋਤਵਾਲੀ ਵਿਚ ਕੇਸ ਦਰਜ ਕਰਵਾ ਦਿਤਾ ਹੈ।
Dalit Womensਇਸ ਮਾਮਲੇ ਵਿਚ ਐਸਪੀ ਨੇ ਕਿਹਾ ਕਿ ਜਾਂਚ ਕਰਵਾਈ ਜਾ ਰਹੀ ਹੈ। ਦੋਸ਼ੀਆਂ ੇਦੇ ਵਿਰੁਧ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ। ਹਾਲਾਂਕਿ ਇਕ ਰਿਪੋਰਟ ਮੁਤਾਬਕ ਮਹਿਲਾ ਅਧਿਕਾਰੀ ਇਸ ਲਈ ਨਾਰਾਜ਼ ਹੋ ਗਈ ਕਿਉਂਕਿ ਉਨ੍ਹਾਂ ਨੂੰ ਪੀਣ ਲਈ ਮਿਨਰਲ ਵਾਟਰ ਨਹੀਂ ਦਿਤਾ ਗਿਆ। ਇਸ ਲਈ ਉਨ੍ਹਾਂ ਨੇ ਕਈ ਲੋਕਾਂ 'ਤੇ ਦਲਿਤ ਦਾ ਅਪਮਾਨ ਕਰਨ ਦਾ ਦੋਸ਼ ਲਗਾਇਆ ਹੈ।
