ਮਹਾਰਾਸ਼ਟਰ ਦੇ ਬੁਲਢਾਣਾ ਵਿਚ ਸੈਂਟਰਲ ਬੈਂਕ ਆਫ਼ ਇੰਡੀਆ ਦੇ ਇਕ ਬ੍ਰਾਂਚ ਮੈਨੇਜਰ ਰਾਜੇਸ਼ ਹਿਵਾਸੇ 'ਤੇ ਦੋਸ਼ ਹੈ ਕਿ ਉਸ ਨੇ ਫ਼ਸਲ 'ਤੇ ਲੋਨ ...

ਨਵੀਂ ਦਿੱਲੀ : ਮਹਾਰਾਸ਼ਟਰ ਦੇ ਬੁਲਢਾਣਾ ਵਿਚ ਸੈਂਟਰਲ ਬੈਂਕ ਆਫ਼ ਇੰਡੀਆ ਦੇ ਇਕ ਬ੍ਰਾਂਚ ਮੈਨੇਜਰ ਰਾਜੇਸ਼ ਹਿਵਾਸੇ 'ਤੇ ਦੋਸ਼ ਹੈ ਕਿ ਉਸ ਨੇ ਫ਼ਸਲ 'ਤੇ ਲੋਨ ਦੇਣ ਲਈ ਇਕ ਕਿਸਾਨ ਦੀ ਪਤਨੀ ਦੇ ਨਾਲ ਸੈਕਸ ਦੀ ਮੰਗ ਕੀਤੀ। ਮੈਨੇਜਰ ਦੇ ਵਿਰੁਧ ਮਾਮਲਾ ਦਰਜ ਕਰ ਲਿਆ ਗਿਅ ਹੈ। ਫਿਲਹਾਲ ਉਹ ਫ਼ਰਾਰ ਹੈ। ਪੁਲਿਸ ਨੇ ਦਸਿਆ ਕਿ ਵੀਰਵਾਰ ਸਵੇਰੇ ਮਲਕਪੁਰ ਤਹਿਸੀਲ ਦੇ ਦਤਾਲਾ ਵਿਚ ਔਰਤ ਅਪਣੇ ਪਤੀ ਦੇ ਨਾਲ ਫ਼ਸਲ ਦੇ ਲਈ ਬੈਂਕ ਵਿਚ ਲੋਨ ਦੀ ਅਰਜ਼ੀ ਦੇਣ ਲਈ ਪਹੁੰਚੀ ਸੀ।

women farmers

ਬ੍ਰਾਂਚ ਮੈਨੇਜਰ ਰਾਜੇਸ਼ ਹਿਵਾਸੇ ਨੇ ਲੋਨ ਲਈ ਔਰਤ ਦਾ ਨਾਮ ਪਤਾ ਦੇਖਿਆ ਅਤੇ ਇਸ ਤੋਂ ਬਾਅਦ ਉਸ ਨੂੰ ਬੁਲਾ ਕੇ ਉਸ ਦੇ ਨਾਲ ਭੱਦੀ ਭਾਸ਼ਾ ਵਿਚ ਗੱਲਬਾਤ ਕਰਦੇ ਹੋਏ ਸੈਕਸ ਦੀ ਮੰਗ ਕੀਤੀ। ਇਸ ਤੋਂ ਬਾਅਦ ਹਿਵਾਸੇ ਨੇ ਇਕ ਚੌਕੀਦਾਰ ਨੂੰ ਮਹਿਲਾ ਦੇ ਘਰ ਭੇਜ ਕੇ ਇਸ ਦੇ ਲਈ ਦਬਾਅ ਪਾਉਣਾ ਚਾਹਿਆ। ਚੌਕੀਦਾਰ ਨੇ ਔਰਤ ਨੂੰ ਕਿਹਾ ਕਿ ਜੇਕਰ ਉਹ ਮੈਨੇਜਰ ਹਿਵਾਸੇ ਦੀ ਗੱਲ ਮੰਨ ਲੈਂਦੀ ਹੈ ਤਾਂ ਉਹ ਖੇਤੀ ਦਾ ਲੋਨ ਪਾਸ ਕਰ ਦੇਣਗੇ ਅਤੇ ਉਸ ਨਾਲ ਜੁੜੇ ਫ਼ਾਇਦੇ ਵੀ ਵਧਾ ਦੇਣਗੇ। 
ਔਰਤ ਨਾਲ ਇਸ ਨਾਲ ਜੁੜੀ ਫ਼ੋਨ ਕਾਲ ਨੂੰ ਰਿਕਾਰਡ ਕਰ ਕੇ ਉਸੇ ਦਿਨ ਪੁਲਿਸ ਨੂੰ ਇਸ ਦੀ ਸ਼ਿਕਾਇਤ ਕਰ ਦਿਤੀ।

women

ਮੈਨੇਜਰ ਅਤੇ ਚੌਕੀਦਾਰ ਦੇ ਵਿਰੁਧ ਆਈਪੀਸੀ ਦੀਆਂ ਧਾਰਾਵਾਂ ਤਹਿਤ ਸ਼ਿਕਾਇਤ ਦਰਜ ਕਰ ਲਈ ਗਈ ਹੈ। ਅਤਿਆਚਾਰ ਦੀ ਰੋਕਥਾਮ ਕਾਨੂੰਨ ਤਹਿਤ ਵੀ ਮਾਮਲਾ ਦਰਜ ਕੀਤਾ ਗਿਆ ਹੈ। ਪੁਲਿਸ ਨੇ ਕਿਹਾ ਕਿ ਦੋਵੇਂ ਦੋਸ਼ੀ ਫ਼ਰਾਰ ਹਨ ਅਤੇ ਉਨ੍ਹਾਂ ਨੂੰ ਫੜਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਜ਼ਿਕਰਯੋਗ ਹੈ ਕਿ ਪਹਿਲਾਂ ਵੀ ਇਸ ਤਰ੍ਹਾਂ ਦੇ ਮਾਮਲੇ ਸਾਹਮਣੇ ਆਉਂਦੇ ਰਹੇ ਹਨ,

farmer woman

ਜਿਸ ਵਿਚ ਕਿਸੇ ਸਰਕਾਰੀ ਜਾਂ ਪ੍ਰਾਈਵੇਟ ਅਧਿਕਾਰੀ ਨੇ ਕਿਸੇ ਕੰਮ ਨੂੰ ਕਰਵਾਉਣ ਲਈ ਕਿਸੇ ਔਰਤ ਤੋਂ ਇਸ ਤਰ੍ਹਾਂ ਦੀ ਮੰਗ ਕੀਤੀ ਹੋਵੇ। ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਆਮ ਹੋ ਗਈਆਂ ਹਨ, ਜਿਨ੍ਹਾਂ ਲਈ ਕਈ ਤਰ੍ਹਾਂ ਦੇ ਕਾਨੂੰਨ ਵੀ ਲਿਆਂਦੇ ਗਏ ਹਨ। ਇਸ ਤੋਂ ਇਲਾਵਾ ਕਈ ਵੱਡੇ-ਵੱਡੇ ਰਾਜਨੇਤਾਵਾਂ 'ਤੇ ਵੀ ਇਸ ਤਰ੍ਹਾਂ ਦੇ ਦੋਸ਼ ਲਗਦੇ ਰਹੇ ਹਨ।