ਐਸ.ਆਈ.ਟੀ ਦੀ ਗੁਰੂਸਰ ਫੇਰੀ, ਕਾਬੂ ਪ੍ਰੇਮੀਆਂ ਨੇ ਅਪਣਾ ਜੁਰਮ ਕਬੂਲਿਆ
Published : Nov 13, 2018, 12:18 pm IST
Updated : Nov 13, 2018, 12:18 pm IST
SHARE ARTICLE
SIT's Gurusar Round, Dera Lovers Accepted Their Offenses
SIT's Gurusar Round, Dera Lovers Accepted Their Offenses

ਇਲਾਕੇ ਅੰਦਰ ਪਿਛਲੇ ਦਿਨੀਂ ਵਾਪਰੀਆਂ ਗੁਰੂ ਗ੍ਰੰਥ ਸਾਹਿਬ ਦੀਆਂ ਬੇਅਦਬੀਆਂ ਦੀਆਂ ਘਟਨਾਵਾਂ ਨੂੰ ਲੈ ਕੇ ਸੂਬਾ ਸਰਕਾਰ ਵਲੋਂ ਗਠਤ ਕੀਤੀ........

ਭਗਤਾ ਭਾਈ ਕਾ : ਇਲਾਕੇ ਅੰਦਰ ਪਿਛਲੇ ਦਿਨੀਂ ਵਾਪਰੀਆਂ ਗੁਰੂ ਗ੍ਰੰਥ ਸਾਹਿਬ ਦੀਆਂ ਬੇਅਦਬੀਆਂ ਦੀਆਂ ਘਟਨਾਵਾਂ ਨੂੰ ਲੈ ਕੇ ਸੂਬਾ ਸਰਕਾਰ ਵਲੋਂ ਗਠਤ ਕੀਤੀ ਐਸ.ਆਈ.ਟੀ ਵਲੋਂ ਬੀਤੇ ਦਿਨੀਂ ਕਾਬੂ ਕੀਤੇ ਗਏ ਡੇਰਾ ਪ੍ਰੇਮੀਆਂ ਨੂੰ ਬੇਅਦਬੀ ਵਾਲੀ ਥਾਂ ਪਿੰਡ ਗੁਰੂਸਰ ਵਿਖੇ ਭਾਰੀ ਸੁਰੱਖਿਆ ਅਧੀਨ ਲਿਆਂਦਾ ਗਿਆ। ਜਿਥੇ ਟੀਮ ਵਲੋਂ ਬੇਅਦਬੀ ਵਾਲੀਆਂ ਥਾਵਾਂ ਦਾ ਮੁਆਇਨਾ ਕੀਤਾ ਗਿਆ। ਟੀਮ ਦੀ ਪਿੰਡ 'ਚ ਆਉਣ ਦੀ ਭਿਣਕ ਪੈਣ ਸਾਰ ਪਿੰਡ ਵਾਸੀ ਭਾਰੀ ਗਿਣਤੀ ਵਿਚ ਘਟਨਾ ਸਥਾਨ 'ਤੇ ਇਕੱਠੇ ਹੋ ਗਏ।

ਇਸ ਮੌਕੇ ਭਾਰੀ ਪੁਲਿਸ ਫ਼ੋਰਸ ਬਲ ਦੀ ਤਾਇਨਤੀ ਅਤੇ ਸੁਰੱਖਿਆ ਨੂੰ ਮੱਦੇਨਜ਼ਰ ਰਖਦੇ ਹੋਏ ਟੀਮ ਵਲੋਂ ਚੱਪੇ-ਚੱਪੇ ਉਪਰ ਨਜ਼ਰ ਰੱਖੀ ਹੋਈ ਸੀ, ਇਥੋਂ ਤਕ ਕੀ ਮੀਡੀਆ ਤੋਂ ਵੀ ਜਾਂਚ ਟੀਮ ਨੇ ਜਿਥੇ ਖ਼ੁਦ ਦੂਰੀ ਬਣਾਈ ਰੱਖੀ, ਉਥੇ ਮੀਡੀਆ ਨੂੰ ਵੀ ਰੀਪੋਰਟਾਂ ਜਨਤਕ ਨਾ ਕਰਨ ਦੀ ਅਪੀਲ ਕੀਤੀ ਤਾਂ ਜੋ ਪੜਤਾਲ ਵਿਚ ਪੈਦਾ ਹੋ ਰਹੇ ਅੜਿੱਕੇ ਖ਼ਤਮ ਹੋ ਸਕਣ। ਉਧਰ ਟੀਮ ਵਲੋਂ ਕਾਬੂ ਕੀਤੇ ਗਏ ਡੇਰਾ ਪ੍ਰੇਮੀ ਜਤਿੰਬਰਵੀਰ ਉਰਫ਼ ਜਿੰਮੀ ਅਰੋੜਾ, ਸੁਖਮੰਦਰ ਸਿੰਘ ਸਮੇਤ ਹੋਰ ਲੋਕਾਂ ਵਲੋਂ ਘਟਨਾਵਾਂ ਵਾਲੀਆਂ ਥਾਂ ਦੀ ਨਿਸ਼ਾਨਦੇਹੀ ਕਰਦਿਆਂ ਪੁਲਿਸ ਦੀ ਹਾਜ਼ਰੀ ਵਿਚ ਆਮ ਲੋਕਾਂ ਸਾਹਮਣੇ ਅਪਣਾ ਗੁਨਾਹ ਵੀ ਕਬੂਲ ਕੀਤਾ ਗਿਆ।

ਇਸ ਮਸਲੇ ਵਿਚ ਜਾਂਚ ਟੀਮ ਦੇ ਅਧਿਕਾਰੀਆਂ ਵਲੋਂ ਪ੍ਰੇਮੀਆਂ ਦੇ ਜ਼ੁਰਮ ਕਬੂਲ ਕੀਤੇ ਜਾਣ ਦੀ ਵੀਡੀਉਗ੍ਰਾਫ਼ੀ ਵੀ ਕੀਤੀ ਗਈ। ਇਸ ਬਾਰੇ ਕੁੱਝ ਵੀ ਨਹੀਂ ਕਿਹਾ ਜਾ ਸਕਦਾ ਕਿ ਪ੍ਰੇਮੀਆਂ ਵਲੋਂ ਇਹ ਬਿਆਨ ਕਿਸੇ ਦਬਾਅ ਹੇਠ ਆ ਕੇ ਦਿਤਾ ਹੈ ਜਾਂ ਸੱਚਮੁੱਚ ਇਨ੍ਹਾਂ ਘਟਨਾਵਾਂ ਨੂੰ ਅੰਜਾਮ ਉਨ੍ਹਾਂ ਵਲੋਂ ਦਿਤਾ ਗਿਆ ਪਰ ਇਕ ਗੱਲ ਜ਼ਰੂਰ ਹੈ ਕਿ ਕਾਬੂ ਪ੍ਰੇਮੀਆਂ ਵਲੋਂ ਆਮ ਲੋਕਾਂ ਦੀ ਕਚਹਿਰੀ ਵਿਚ ਇਹ ਸੱਭ ਕੁੱਝ ਕਬੂਲ ਜ਼ਰੂਰ ਕਰ ਲੈਣ ਤੋਂ ਬਾਅਦ ਲੋਕਾਂ ਵਿਚਕਾਰ ਫੜੇ ਵਿਅਕਤੀ ਇਕ ਵਾਰ ਘ੍ਰਿਣਾ ਦੇ ਪਾਤਰ ਬਣੇ ਸੁਣਾਈ ਦਿਤੇ।

Location: India, Punjab

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

Mohali ਦੇ Pind 'ਚ ਹਾਲੇ ਗਲੀਆਂ ਤੇ ਛੱਪੜਾਂ ਦੇ ਮਸਲੇ ਹੱਲ ਨਹੀਂ ਹੋਏ, ਜਾਤ-ਪਾਤ ਦੇਖ ਕੇ ਹੁੰਦੇ ਸਾਰੇ ਕੰਮ !

29 Mar 2024 11:58 AM

'ਚੋਰ ਵੀ ਕਹਿੰਦਾ ਮੈਂ ਚੋਰੀ ਨਹੀਂ ਕੀਤੀ, ਜੇ Kejriwal ਬੇਕਸੂਰ ਨੇ ਤਾਂ ਸਬੂਤ ਪੇਸ਼ ਕਰਨ'

29 Mar 2024 11:53 AM

Punjab-Delhi 'ਚ ਤੋੜੇਗੀ BJP GOVT ! ਕੌਰ ਗਰੁੱਪ ਦੀ ਮੀਟਿੰਗ ਤੋਂ ਪਹਿਲਾ ਬੋਲਿਆ ਆਗੂ, ਕੋਈ ਸਾਡੇ ਕੋਲ ਆਉਂਦਾ ਹੈ...

29 Mar 2024 11:34 AM

Mukhtar Ansari ਦੀ ਹੋਈ ਮੌਤ, Jail 'ਚ ਪਿਆ ਦਿਲ ਦਾ ਦੌਰਾ, UP ਦੇ ਕਈ ਜ਼ਿਲ੍ਹਿਆਂ 'ਚ High Alert

29 Mar 2024 9:33 AM

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM
Advertisement