ਭਾਰਤ ਦੇ ਓਪਨਰ ਰੋਹਿਤ ਸ਼ਰਮਾ ਲਈ ਵੈਸਟਇੰਡੀਜ਼ ਦੇ ਖਿਲਾਫ਼ ਵਨਡੇ ਸੀਰੀਜ਼ ਬਹੁਤ ਸ਼ਾਨਦਾਰ ਰਹੀ ਅਤੇ ਉਨ੍ਹਾਂ ਨੇ ਇਸ ਦੌਰਾਨ...
ਨਵੀਂ ਦਿੱਲੀ (ਭਾਸ਼ਾ) : ਭਾਰਤ ਦੇ ਓਪਨਰ ਰੋਹਿਤ ਸ਼ਰਮਾ ਲਈ ਵੈਸਟਇੰਡੀਜ਼ ਦੇ ਖਿਲਾਫ਼ ਵਨਡੇ ਸੀਰੀਜ਼ ਬਹੁਤ ਸ਼ਾਨਦਾਰ ਰਹੀ ਅਤੇ ਉਨ੍ਹਾਂ ਨੇ ਇਸ ਦੌਰਾਨ ਜ਼ਬਰਦਸਤ ਪ੍ਰਦਰਸ਼ਨ ਕੀਤਾ ਅਤੇ ਵੱਧ ਕੇ ਦੌੜਾਂ ਬਣਾਈਆਂ। ਰੋਹਿਤ ਨੇ ਵੀਰਵਾਰ ਨੂੰ ਤਿਰੁਵਨੰਤਪੁਰਮ ਵਿਚ ਪੰਜਵੇਂ ਅਤੇ ਆਖ਼ਰੀ ਵਨਡੇ ਵਿਚ ਨਾਬਾਦ ਫਿਫਟੀ ਲਗਾ ਕੇ ਭਾਰਤ ਨੂੰ ਮੈਚ ਅਤੇ ਸੀਰੀਜ਼ ਜਿੱਤ ਦਿਵਾਉਣ ਵਿਚ ਅਹਿਮ ਭੂਮਿਕਾ ਨਿਭਾਈ।
Rohit Sharmaਇਸ ਪਾਰੀ ਦੇ ਦੌਰਾਨ ਉਨ੍ਹਾਂ ਨੇ 4 ਛੱਕੇ ਲਗਾਏ ਅਤੇ ਸਾਬਕਾ ਪਾਕਿਸਤਾਨੀ ਵਿਸਫੋਟਕ ਬੱਲੇਬਾਜ਼ ਸ਼ਾਹਿਦ ਅਫ਼ਰੀਦੀ ਦੇ ਵਰਲਡ ਰਿਕਾਰਡ ਨੂੰ ਵੀ ਤੋੜ ਦਿਤਾ ਹੈ। ਰੋਹਿਤ ਨੇ ਇਸ ਮੈਚ ਤੋਂ ਪਹਿਲਾਂ 192 ਮੈਚਾਂ ਦੀਆਂ 186 ਪਾਰੀਆਂ ਵਿਚ 198 ਛੱਕੇ ਜੜੇ ਸਨ। ਉਨ੍ਹਾਂ ਨੂੰ ਇੰਟਰਨੈਸ਼ਨਲ 200 ਛੱਕੇ ਲਗਾਉਣ ਵਾਲਾ ਦੂਜਾ ਭਾਰਤੀ ਬਣਨ ਲਈ 2 ਛੱਕੇ ਹੋਰ ਲਗਾਉਣ ਦੀ ਜ਼ਰੂਰਤ ਸੀ। ਰੋਹਿਤ ਨੇ ਪੰਜਵੇਂ ਵਨਡੇ ਵਿਚ ਜਿਵੇਂ ਹੀ ਦੂਜਾ ਛੱਕਾ ਲਗਾਇਆ
ਉਨ੍ਹਾਂ ਨੇ ਇੰਟਰਨੈਸ਼ਨਲ ਵਨਡੇ ਕ੍ਰਿਕੇਟ ਵਿਚ 200 ਛੱਕੇ ਲਗਾਉਣ ਦੀ ਉਪਲਬਧੀ ਹਾਸਲ ਕਰ ਲਈ। ਉਨ੍ਹਾਂ ਨੇ 193ਵੇਂ ਵਨਡੇ ਦੀ 187ਵੀਂ ਪਾਰੀ ਵਿਚ ਇਹ ਕਮਾਲ ਕਰਦੇ ਹੋਏ ਸ਼ਾਹਿਦ ਅਫ਼ਰੀਦੀ ਦੇ ਵਰਲਡ ਰਿਕਾਰਡ ਨੂੰ ਤੋੜ ਦਿਤਾ। ਅਫ਼ਰੀਦੀ ਨੇ 195 ਪਾਰੀਆਂ ਵਿਚ 200 ਛੱਕੇ ਲਗਾਏ ਸਨ। ਇਸ ਸੂਚੀ ਵਿਚ ਅਫ਼ਰੀਕਾ ਦੇ ਏਬੀ ਡੀਵਿਲੀਅਰਸ 214 ਪਾਰੀਆਂ ਦੇ ਨਾਲ ਤੀਜੇ ਅਤੇ ਨਿਊਜੀਲੈਂਡ ਦੇ ਬਰੇਂਡਨ ਮੱਕੁਲਮ 228 ਪਾਰੀਆਂ ਦੇ ਨਾਲ ਚੌਥੇ ਸਥਾਨ ‘ਤੇ ਹਨ।
Rohit Sharma in 5th ODIਜੇਕਰ 200 ਛੱਕੇ ਲਗਾਉਣ ਦੇ ਦੌਰਾਨ ਘੱਟ ਗੇਂਦਾਂ ਦਾ ਸਾਹਮਣਾ ਕਰਨ ਦੀ ਗੱਲ ਕੀਤੀ ਜਾਵੇ ਤਾਂ ਰੋਹਿਤ ਇਸ ਮਾਮਲੇ ਵਿਚ ਤੀਜੇ ਸਥਾਨ ‘ਤੇ ਹਨ। ਅਫ਼ਰੀਦੀ 4203 ਗੇਂਦਾਂ ਦਾ ਸਾਹਮਣਾ ਕਰ ਕੇ ਸਿਖਰ ‘ਤੇ ਹਨ ਜਦੋਂ ਕਿ ਮੱਕੁਲਮ 6308 ਗੇਂਦਾਂ ਦੇ ਨਾਲ ਦੂਜੇ ਅਤੇ ਰੋਹਿਤ 8387 ਗੇਂਦਾਂ ਦੇ ਨਾਲ ਤੀਜੇ ਕ੍ਰਮ ‘ਤੇ ਹਨ। ਜੇਕਰ ਇੰਟਰਨੈਸ਼ਨਲ ਵਨਡੇ ਕ੍ਰਿਕੇਟ ਵਿਚ ਛੱਕੇ ਲਗਾਉਣ ਦੀ ਗੱਲ ਕੀਤੀ ਜਾਵੇ ਤਾਂ ਮਹਿੰਦਰ ਸਿੰਘ ਧੋਨੀ 218 ਛੱਕਿਆਂ ਦੇ ਨਾਲ ਪਹਿਲੇ ਸਥਾਨ ‘ਤੇ ਹਨ।
ਰੋਹਿਤ 202 ਛੱਕੇ ਮਾਰ ਕੇ ਇਸ ਸੂਚੀ ਵਿਚ ਦੂਜੇ ਅਤੇ ਸਚਿਨ ਤੇਂਦੁਲਕਰ 195 ਛੱਕਿਆਂ ਦੇ ਨਾਲ ਤੀਜੇ ਕ੍ਰਮ ‘ਤੇ ਹਨ।
