ਨਵੀਂ ਦਿੱਲੀ (ਭਾਸ਼ਾ) : ਲੋਕ ਸਭਾ ਚੋਣ ਤੋਂ ਠੀਕ ਪਹਿਲਾਂ ਯੋਗ ਗੁਰੂ ਬਾਬਾ ਰਾਮਦੇਵ ਨੇ ਭਾਰਤੀ ਜਨਤਾ ਪਾਰਟੀ ਨੂੰ ਝੱਟਕਾ ਦੇ ਦਿਤਾ ਹੈ। ਰਾਮਦੇਵ ਨੇ ਕਿਹਾ ਕਿ ਉਹ ਲੋਕ ਸਭਾ ਚੋਣ ਵਿਚ ਕਿਸੇ ਵੀ ਪਾਰਟੀ ਦਾ ਪ੍ਰਚਾਰ ਨਹੀਂ ਕਰਨਗੇ। ਉਨ੍ਹਾਂ ਨੇ ਕਿਹਾ ਕਿ ਉਹ ਰਾਸ਼ਟਰਨਿਰਮਾਣ ਦੇ ਕੰਮ ਵਿਚ ਲੱਗੇ ਹਨ, ਇਸ ਲਈ ਉਹ ਨਰਦਲੀਏ ਵੀ ਹੈ ਅਤੇ ਸਰਵਦਲੀਏ ਵੀ। ਰਾਮਦੇਵ ਨੇ ਕਿਹਾ ਕਿ ਦੇਸ਼ ਵਿਚ ਚੰਗੀ ਲੀਡਰਸ਼ਿਪ ਵਾਲੀ ਸਰਕਾਰ ਹੋਣੀ ਚਾਹੀਦੀ ਹੈ ਪਰ

ਉਹ ਸਾਲ 2019 ਵਿਚ ਹੋਣ ਵਾਲੇ ਲੋਕ ਸਭਾ ਚੋਣ ਵਿਚ ਕਿਸੇ ਪਾਰਟੀ ਦਾ ਪ੍ਰਚਾਰ ਨਹੀਂ ਕਰਨਗੇ। ਅੱਜ ਮੇਰੇ ਕੋਲ 100 ਟਰੱਸਟ, ਸੋਸਾਇਟੀਆਂ ਅਤੇ ਕੰਪਨੀਆਂ ਹਨ। ਮੇਰਾ ਫਾਰਮੂਲਾ ਹੈ, ਜੋ ਪਾਓ ਉਸ ਨੂੰ ਭਾਰਤ ਮਾਤਾ ਦੇ ਹਿੱਤ ਵਿਚ ਲਗਾਓ। ਮੈਂ ਹੁਣ ਤੱਕ 11000 ਕਰੋੜ ਰੁਪਏ ਦੀ ਚੈਰਿਟੀ ਕੀਤੀ ਹੈ ਪਰ ਮੇਰੀ ਜੇਬ ਵਿਚ ਅੱਜ ਪੰਜ ਰੁਪਏ ਵੀ ਨਹੀਂ ਹਨ। ਨਾਲ ਹੀ ਰਾਹੁਲ ਗਾਂਧੀ ਉੱਤੇ ਕਮੇਂਟਸ ਕਰਦੇ ਹੋਏ ਕਿਹਾ ਕਿ ਨਾ ਤਾਂ ਮੈਂ ਪੱਪੂ ਹਾਂ ਅਤੇ ਨਾ ਹੀ ਗੱਪੂ ਹਾਂ। ਗੁਰੂਕੁਲ ਤੋਂ ਜਦੋਂ ਸਿੱਖਿਆ ਕਬੂਲ ਕਰ ਨਿਕਲਿਆ ਤਾਂ ਮੇਰੇ ਗੁਰੂ ਨੇ ਮੈਨੂੰ 500 ਰੁਪਏ ਦਿਤਾ ਸੀ। ਮੈਂ ਕਿਤੇ ਵੀ ਜਾਂਦਾ ਹਾਂ ਤਾਂ ਉਸ ਤੋਂ ਕੋਈ ਪੈਸਾ ਨਹੀਂ ਲੈਂਦਾ।

ਅੱਜ ਪਤੰਜਲੀ ਦੇ ਕੋਲ ਜੋ ਵੀ ਪੈਸਾ ਹੈ ਉਹ ਦੇਸ਼ ਵਿਚ ਹੀ ਰਹਿੰਦਾ ਹੈ। ਯਾਨੀ ਪਤੰਜਲੀ ਦਾ ਉਤਪਾਦਨ ਵੀ ਦੇਸ਼ੀ ਹੈ ਅਤੇ ਪੈਸਾ ਵੀ ਦੇਸ਼ੀ ਹੀ ਹੈ। ਇਸ ਗੱਲ ਦਾ ਦਾਅਵਾ ਹੈ ਕਿ ਪਤੰਜਲੀ ਦੇ ਕਾਰੋਬਾਰ ਨੂੰ 12000 ਕਰੋੜ ਤੋਂ ਵਧਾ ਕੇ 25000 ਕਰੋੜ ਰੁਪਏ ਜ਼ਰੂਰ ਕਰਾਂਗਾ। ਤਾਂਕਿ ਪੂਰਾ ਹਿੰਦੁਸਤਾਨ ਇਹ ਕਹੇਗਾ ਕਿ ਕੋਈ ਅਜਿਹਾ ਫਕੀਰ ਆਇਆ ਜੋ ਪੂਰੇ ਦੇਸ਼ ਲਈ ਕੰਮ ਕਰ ਰਿਹਾ ਹੈ। ਬਕੌਲ ਬਾਬਾ, ਮੇਰਾ ਸੁਫ਼ਨਾ ਹੈ ਕਿ ਜਾਣ ਤੋਂ ਪਹਿਲਾਂ ਇਕ ਲੱਖ ਕਰੋੜ ਰੁਪਏ ਦੀ ਚੈਰਿਟੀ ਭਾਰਤ ਮਾਤਾ ਲਈ ਕਰਾਂ। ਦੱਸ ਦਈਏ ਕਿ ਇਹ ਗੱਲਾਂ ਬਾਬਾ ਰਾਮਦੇਵ ਨੇ ਫਿੱਕੀ ਲੇਡੀਜ ਆਰਗਨਾਇਜੇਸ਼ਨ ਦੁਆਰਾ ਚਿੰਮਏ ਮਿਸ਼ਨ ਵਿਚ ਆਯੋਜਿਤ ਇਕ ਪ੍ਰੋਗਰਾਮ ਵਿਚ ਕਹੀ।