ਨਵੀਂ ਦਿੱਲੀ (ਭਾਸ਼ਾ):- ਓਡੀਸ਼ਾ ਵਿਚ ਇਕ ਵਿਆਹੁਤਾ ਔਰਤ ਨੇ ਸੋਂਦੇ ਸਮੇਂ ਆਪਣੇ ਬੁਆਏਫਰੈਂਡ ਦਾ ਗੁਪਤ ਅੰਗ ਹੀ ਧਾਰਦਾਰ ਹਥਿਆਰ ਨਾਲ ਕੱਟ ਦਿੱਤਾ। ਔਰਤ ਦੇ ਨੌਜਵਾਨ ਦੇ ਨਾਲ ਵਿਹਾਉਤਾ ਸਬੰਧ ਸਨ। ਘਟਨਾ ਓਡੀਸ਼ਾ ਦੇ ਕਯੋਂਝਰ ਜ਼ਿਲ੍ਹੇ ਵਿਚ ਮਹਿਲਾ ਦੇ ਘਰ ਵਿਚ ਬੁੱਧਵਾਰ ਨੂੰ ਹੋਈ।  ਉਸ ਦਾ ਘਰ ਕਯੋਂਝਰ ਜ਼ਿਲ੍ਹੇ ਦੇ ਬਦੌਆਗਾਂ ਵਿਚ ਪੈਂਦਾ ਹੈ।

ਇਹ ਜਾਣਕਾਰੀ ਡਿਪਟੀ ਐਸਪੀ ਜੇਮਸ ਟੋਪੋ ਨੇ ਦਿੱਤੀ। 25 ਸਾਲ ਦੇ ਪੀੜਿਤ ਰਾਜਿੰਦਰ ਨਾਇਕ ਦੇ ਪਰਵਾਰ ਦੀ ਸ਼ਿਕਾਇਤ ਉੱਤੇ ਆਰੋਪੀ 24 ਸਾਲ ਔਰਤ ਨੂੰ ਪੁਲਿਸ ਨੇ ਗ੍ਰਿਫ਼ਤਾਰ ਕਰ ਲਿਆ ਹੈ। ਉਸ ਨੇ ਪੁੱਛਗਿਛ ਵਿਚ ਆਪਣਾ ਇਲਜ਼ਾਮ ਸਵੀਕਾਰ ਕਰ ਲਿਆ ਹੈ। ਪੀੜਿਤ ਦਾ ਇਕ ਸਥਾਨਿਕ ਹਸਪਤਾਲ ਵਿਚ ਇਲਾਜ ਚੱਲ ਰਿਹਾ ਹੈ। ਪੁਲਿਸ ਨੇ ਗੁਪਤ ਅੰਗ ਕੱਟਣ ਵਿਚ ਇਸਤੇਮਾਲ ਹੋਏ ਧਾਰਦਾਰ ਹਥਿਆਰ ਨੂੰ ਬਰਾਮਦ ਕਰ ਲਿਆ ਹੈ। ਔਰਤ ਨੇ ਪੁੱਛਗਿਛ ਵਿਚ ਪੁਲਿਸ ਨੂੰ ਦੱਸਿਆ ਕਿ ਤਿੱਖੀ ਬਹਿਸ ਤੋਂ ਬਾਅਦ ਉਸ ਨੇ ਘਟਨਾ ਨੂੰ ਅੰਜਾਮ ਦਿੱਤਾ।   

ਪੀੜਿਤ ਰਾਜਿੰਦਰ ਨਾਇਕ ਝਾਰਬੇੜਾ ਪਿੰਡ ਦਾ ਰਹਿਣ ਵਾਲਾ ਹੈ। ਉਹ ਚੇਨਈ ਦੀ ਇਕ ਪ੍ਰਾਇਵੇਟ ਕੰਪਨੀ ਵਿਚ ਕੰਮ ਕਰਦਾ ਹੈ। ਉਹ ਕਾਫ਼ੀ ਸਮੇਂ ਤੋਂ ਵਿਆਹੁਤਾ ਔਰਤ ਦੇ ਨਾਲ ਰਿਸ਼ਤੇ ਵਿਚ ਸੀ। ਉਹ ਅਕਸਰ ਔਰਤ ਦੇ ਘਰ ਜਾਂਦਾ ਸੀ। ਨਾਇਕ ਜਦੋਂ ਵੀ ਚੇਨਈ ਤੋਂ ਪਰਤਦਾ ਸੀ ਉਹ ਕੋਂਝਰ ਆਉਣ 'ਤੇ ਔਰਤ ਦੇ ਘਰ ਜਾਂਦਾ ਸੀ। ਬੁੱਧਵਾਰ ਨੂੰ ਉਹ ਫਿਰ ਔਰਤ ਦੇ ਘਰ ਗਿਆ, ਜਿੱਥੇ ਦੋਨਾਂ ਦੇ ਵਿਚ ਬਹਿਸ ਹੋ ਗਈ।

ਇਸ ਦੌਰਾਨ ਨਾਇਕ ਨੇ ਕੁੱਝ ਅਜਿਹੀ ਗੱਲ ਕਹਿ ਦਿੱਤੀ ਕਿ ਔਰਤ ਭੜਕ ਗਈ ਅਤੇ ਉਸ ਨੇ ਧਾਰਦਾਰ ਹਥਿਆਰ ਨਾਲ ਪ੍ਰਾਈਵੇਟ ਪਾਰਟ ਕੱਟ ਦਿੱਤਾ, ਘਟਨਾ ਦੇ ਸਮੇਂ ਉਹ ਸੋ ਰਿਹਾ ਸੀ। ਪੁਲਿਸ ਨੇ ਇਹ ਦਾਅਵਾ ਔਰਤ ਦੇ ਬਿਆਨ ਦੇ ਆਧਾਰ 'ਤੇ ਕਿਹਾ। ਪਹਿਲਾਂ ਹਾਲਤ ਗੰਭੀਰ ਹੋਣ ਉੱਤੇ ਨਾਇਕ ਨੂੰ ਹਰਿਚੰਦਨਪੁਰ ਹਸਪਤਾਲ ਲੈ ਜਾਇਆ ਗਿਆ, ਫਿਰ ਉਸ ਨੂੰ ਕਯੋਂਝਰ ਜ਼ਿਲ੍ਹਾ ਹੈਡਕੁਆਰਟਰ ਦੇ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ। ਬਾਅਦ ਵਿਚ ਉਸ ਨੂੰ ਕਟਕ ਦੇ ਇਕ ਹੋਰ ਹਸਪਤਾਲ ਵਿਚ ਇਲਾਜ ਲਈ ਲੈ ਜਾਇਆ ਗਿਆ।