Mohammed Shami's wife Haseen Jahan, with the Congress,

ਨਵੀਂ ਦਿੱਲੀ (ਭਾਸ਼ਾ) : ਕ੍ਰਿਕੇਟਰ ਮੋਹੰਮਦ ਸ਼ਮੀ ਦੀ ਪਤਨੀ ਹਸੀਨ ਜਹਾਂ ਕਾਂਗਰਸ ਦੀ ਪਾਰਟੀ ਨਾਲ ਜੁੜ ਗਈ ਹੈ। ਹਸੀਨ ਨੇ ਮੁੰਬਈ ਵਿਚ ਪ੍ਰਦੇਸ਼ ਕਾਂਗਰਸ ਕਮੇਟੀ ਪ੍ਰਧਾਨ ਸੰਜੈ ਨਿਰੁਪਮ ਦੀ ਹਾਜ਼ਰੀ ਵਿਚ ਕਾਂਗਰਸ ਦੀ ਮੈਂਬਰੀ ਲਈ ਹੈ। ਕਿਹਾ ਜਾਂਦਾ ਹੈ ਕਿ ਉਹ ਭਵਿੱਖ ਵਿਚ ਕਾਂਗਰਸ ਦੀ ਟਿਕਟ ਉਤੇ ਚੋਣ ਵੀ ਲੜ ਸਕਦੀ ਹੈ। ਪੇਸ਼ੇ ਤੋਂ ਮਾਡਲ ਹਸੀਨ ਜਹਾਂ ਛੇ ਮਹੀਨੇ ਪਹਿਲਾਂ ਪਤੀ ਮੋਹੰਮਦ ਸ਼ਮੀ ਨਾਲ ਹੋਏ ਵਿਵਾਦ ਦੇ ਕਾਰਨ ਸੁਰਖੀਆਂ ਵਿਚ ਰਹੇ ਸਨ। ਉਨ੍ਹਾਂ ਨੇ ਮੋਹੰਮਦ ਸ਼ਮੀ ਅਤੇ ਉਨ੍ਹਾਂ ਦੇ ਪਰਿਵਾਰ ਖ਼ਿਲਾਫ਼ ਘਰੇਲੂ ਹਿੰਸਾ ਦਾ ਕੇਸ ਵੀ ਦਰਜ ਕਰਵਾਇਆ ਹੋਇਆ ਹੈ।

ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਮੀਡੀਆ ਨੂੰ ਇਹ ਗੱਲ ਦੱਸਦੇ ਹੋਏ ਕਿਹਾ ਸੀ, ‘ਮੈਨੂੰ ਕਿਸੇ ਤੋਂ ਵੀ ਮਦਦ ਨਹੀਂ ਮਿਲੀ ਤਾਂ ਮੈਂ ਫੇਸਬੁਕ ਦਾ ਸਹਾਰਾ ਲਿਆ ਸੀ, ਪਰ ਮੈਨੂੰ ਸਮਝ ਨਹੀਂ ਆ ਰਿਹਾ ਕਿ ਫੇਸਬੁਕ ਨੇ ਪੋਸਟ ਨੂੰ ਡਿਲੀਟ ਅਤੇ ਅਕਾਉਂਟ ਕਿਉਂ ਬਲਾਕ ਕਰ ਦਿਤਾ।’