ਨਵੀਂ ਦਿੱਲੀ : ਅੰਡਰਵਰਲਡ ਡਾਨ ਦਾਊਦ ਇਬਰਾਹਿਮ ਦੇ ਇਕ ਕਰੀਬੀ ਸਹਿਯੋਗੀ ਜਬੀਰ ਮੋਤੀ ਨੂੰ ਲੰਡਨ ਤੋਂ ਹਿਰਾਸਤ 'ਚ ਲਿਆ ਗਿਆ ਹੈ। ਮਿਲੀ ਰੀਪੋਰਟ ਮੁਤਾਬਕ ਜਬੀਰ ਨੂੰ ਬ੍ਰਿਟੇਨ ਦੀਆਂ ਸੁਰਖਿਆ ਏਜੰਸੀਆਂ ਨੇ ਹਿਰਾਸਤ 'ਚ ਲਿਆ ਹੈ। ਜਬੀਰ ਦੀ ਗ੍ਰਿਫ਼ਤਾਰੀ ਭਾਰਤ ਲਈ ਵੱਡੀ ਕਾਮਯਾਬੀ ਹੈ। ਮੀਡੀਆ ਰੀਪੋਰਟਾਂ ਮੁਤਾਬਕ ਭਾਰਤ ਨੇ ਜਬੀਰ ਮੋਤੀ ਨੂੰ ਗ੍ਰਿਫ਼ਤਾਰ ਕੀਤੇ ਜਾਣ ਦੀ ਮੰਗ ਕੀਤੀ ਸੀ। ਜਬੀਰ ਮੋਤੀ ਪਾਕਿਸਤਾਨੀ ਨਾਗਰਿਕ ਹੈ ਅਤੇ ਉਹ ਡੀ-ਕੰਪਨੀ ਦੇ ਆਰਥਕ ਮਾਮਲਿਆਂ ਦਾ ਇੰਚਾਰਜ ਮੰਨਿਆ ਜਾਂਦਾ ਹੈ।

ਜਾਣਕਾਰੀ ਮੁਤਾਬਕ ਦਾਊਦ ਦੇ ਕਾਲੇ ਚਿੱਟੇ ਨੂੰ ਜਾਨਣ ਵਾਲੇ ਜਬੀਰ ਮੋਤੀ ਨੂੰ ਲੰਡਨ ਦੇ ਹਿਲਟਨ ਹੋਟਲ ਤੋਂ ਫੜਿਆ ਗਿਆ ਹੈ। ਪਾਕਿਸਤਾਨੀ ਨਾਗਰਿਕ ਅਤੇ 10 ਸਾਲ ਦੇ ਵੀਜਾ 'ਤੇ ਬ੍ਰਿਟੇਨ 'ਚ ਰਹਿ ਰਹੇ ਜਬੀਰ ਮੋਤੀ ਅਤੇ ਦਾਊਦੀ ਦੀ ਪਤਨੀ ਮਹਿਜਬੀਨ, ਬੇਟੀਮਹਿਰੀਨ ਅਤੇ ਦਾਮਾਦ ਜੁਨੈਦ (ਸਾਬਕਾ ਪਾਕਿਸਤਾਨੀ ਕ੍ਰਿਕਟਰ ਜਾਵੇਦ ਮਿਆਂਦਾਦ) ਦਰਮਿਆਨ ਵਿੱਤੀ ਲੈਣਦੇਣ ਦੀ ਜਾਂਚ ਤੋਂ ਬਾਅਦ ਜਬੀਰ ਨੂੰ ਹਿਰਾਸਤ 'ਚ ਲਿਆ ਗਿਆ ਹੈ। ਜਬੀਰ ਪਾਕਿਸਤਾਨ, ਮਿਡਲ ਈਸਟ, ਯੂਕੇ ਅਤੇ ਯੂਰਪ, ਅਫ਼ਰੀਕਾ ਅਤੇ ਦੱਖਣ ਪੂਰਬ ਏਸ਼ੀਆ ਦੇ ਦੇਸ਼ਾਂ 'ਚ ਦਾਊਦ ਦਾ ਕੰਮ ਦੇਖਦਾ ਹੈ।    (ਏਜੰਸੀ)