ਕਾਨਪੁਰ (ਭਾਸ਼ਾ) :- ਪੰਜ ਸਾਲ ਤੋਂ ਬੰਦ ਕਾਨਪੁਰ ਦੇ ਬਿਰਹਾਨਾ ਰੋਡ ਦੀ ਇਕ ਜਵੈਲਰੀ ਦੁਕਾਨ ਤੋਂ ਕਰੀਬ 1.40 ਅਰਬ ਰੁਪਏ ਦੇ ਗਹਿਣੇ ਅਤੇ ਰਤਨਾਂ ਦੀ ਚੋਰੀ ਦਾ ਮੁਕੱਦਮਾ ਦਰਜ ਕਰਾਇਆ ਗਿਆ ਹੈ। ਫਰਮ ਦੇ ਇਕ ਪਾਰਟਨਰ ਨੇ ਦੂਜੇ ਪਾਰਟਨਰ ਅਤੇ ਉਨ੍ਹਾਂ ਦੇ ਸਾਥੀਆਂ ਉੱਤੇ ਇਲਜ਼ਾਮ ਲਗਾਇਆ ਹੈ। ਫੀਲਖਾਨਾ ਪੁਲਿਸ ਆਲੇ ਦੁਆਲੇ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਨਿਕਲਵਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਸਵਰੂਪ ਨਗਰ ਨਿਵਾਸੀ ਸਰਾਫ ਨੇ ਦੱਸਿਆ ਕਿ ਬਿਰਹਾਨਾ ਰੋਡ ਸਥਿਤ ਜਵੈਲਰੀ ਦੁਕਾਨ ਦੇ ਉਹ ਬਰਾਬਰ ਦੇ ਪਾਰਟਨਰ ਹਨ।

30 ਮਈ 2013 ਨੂੰ ਵਿਵਾਦ ਹੋਣ ਉੱਤੇ ਦੁਕਾਨ 'ਤੇ ਜਿੰਦੇ ਲਗਾ ਦਿੱਤੇ ਗਏ ਸਨ ਅਤੇ ਅਦਾਲਤ ਤੋਂ ਆਦੇਸ਼ ਹੋਇਆ ਕਿ ਦੋਨਾਂ ਪੱਖਾਂ ਦੀ ਹਾਜ਼ਰੀ ਵਿਚ ਹੀ ਜਿੰਦੇ ਖੁੱਲਣਗੇ। ਉਸ ਸਮੇਂ ਦੁਕਾਨ ਵਿਚ ਕਰੀਬ 100 ਕਿੱਲੋਗ੍ਰਾਮ ਸੋਨਾ, 500 ਕਿੱਲੋਗ੍ਰਾਮ ਚਾਂਦੀ, 10 ਹਜ਼ਾਰ ਕੈਰੇਟ ਹੀਰਾ ਅਤੇ ਪੰਜ ਹਜ਼ਾਰ ਕੈਰੇਟ ਜਵਾਹਰਾਤ ਅਤੇ ਜਰੂਰੀ ਕਾਗਜਾਤ ਸਨ। 17 ਅਕਤੂਬਰ 2018 ਨੂੰ ਜਦੋਂ ਉਹ ਦੁਕਾਨ ਪਹੁੰਚੇ ਤਾਂ ਉੱਥੇ ਇਕ ਕੰਸਟਰਕਸ਼ਨ ਕੰਪਨੀ ਦਾ ਬੋਰਡ ਲਗਿਆ ਸੀ। ਇਲਜ਼ਾਮ ਹੈ ਕਿ ਜਾਣਕਾਰੀ ਉੱਤੇ ਉਨ੍ਹਾਂ ਨੂੰ ਪਤਾ ਲਗਿਆ ਕਿ ਦੂਜੇ ਪਾਰਟਨਰ ਨੇ ਆਪਣੇ ਸਟਾਫ ਅਤੇ ਸਾਥੀਆਂ ਦੀ ਮਦਦ ਨਾਲ ਪੂਰਾ ਸਾਮਾਨ ਅਤੇ ਕਾਗਜਾਤ ਗਾਇਬ ਕਰ ਦਿੱਤੇ ਹਨ।

ਪ੍ਰੇਸ਼ਾਨ ਹੋ ਕੇ ਸਰਾਫ ਨੇ ਪੁਲਿਸ ਅਧਿਕਾਰੀਆਂ ਨੂੰ ਗੁਹਾਰ ਲਗਾਈ, ਫਿਰ ਮੁਕੱਦਮਾ ਦਰਜ ਹੋਇਆ। ਐਸਪੀ ਪੂਰਵੀ ਰਾਜਕੁਮਾਰ ਅਗਰਵਾਲ ਨੇ ਦੱਸਿਆ ਕਿ ਦੋਨਾਂ ਪੱਖਾਂ ਦੇ ਵਿਚ ਪ੍ਰਾਪਰਟੀ ਦਾ ਵਿਵਾਦ ਹੈ। ਉਸੀ ਮਾਮਲੇ ਵਿਚ ਪੰਜ ਸਾਲ ਪਹਿਲਾਂ ਦੁਕਾਨ ਉੱਤੇ ਤਾਲੇ ਲਗਾਏ ਗਏ ਸਨ। ਸਰਾਫ ਨੇ ਚੋਰੀ ਦਾ ਮੁਕੱਦਮਾ ਦਰਜ ਕਰਾਇਆ ਹੈ। ਆਲੇ ਦੁਆਲੇ ਲੱਗੇ ਕੈਮਰਿਆਂ ਦੀ ਫੁਟੇਜ ਨਿਕਲਵਾਈ ਜਾ ਰਹੀ ਹੈ। ਜਾਂਚ ਤੋਂ ਬਾਅਦ ਕਾਰਵਾਈ ਹੋਵੇਗੀ।