ਨਵੀਂ ਦਿੱਲੀ : ਵੋਡਾਫ਼ੋਨ ਨੇ ਰਿਲਾਇੰਸ ਜੀਓ ਦੇ ਪਲਾਨ ਨੂੰ ਚੁਨੌਤੀ ਦੇਣ ਲਈ 47 ਰੁਪਏ ਦਾ ਨਵਾਂ ਪਲਾਨ ਲਾਂਚ ਕੀਤਾ ਹੈ। ਇਸ ਪਲਾਨ 'ਚ ਖ਼ਪਤਕਾਰਾਂ ਨੂੰ 28 ਦਿਨਾਂ ਤਕ ਮੁਫ਼ਤ ਕਾਲ ਤੋਂ ਲੈ ਕੇ ਐਸਐਮਐਸ ਅਤੇ ਡਾਟਾ ਦਾ ਵੀ ਮੁਫ਼ਤ ਲਾਭ ਦਿਤਾ ਜਾ ਰਿਹਾ ਹੈ। ਵੋਡਾਫ਼ੋਨ ਦਾ ਇਹ ਪਲਾਨ ਰਿਲਾਇੰਸ ਜੀਓ ਦੇ 49 ਰੁਪਏ ਵਾਲੇ ਪਲਾਨ ਦੇ ਮੁਕਾਬਲੇ 'ਚ ਉਤਾਰਿਆ ਗਿਆ ਹੈ। ਵੋਡਾਫ਼ੋਨ ਦੇ ਇਸ ਪਲਾਨ ਦੀ ਮਿਆਦ 28 ਦਿਨ ਹੈ, ਜਿਸ 'ਚ ਖ਼ਪਤਕਾਰਾਂ ਨੂੰ 7,500 ਸੈਕਿੰਡ ਦੀ ਮੁਫ਼ਤ ਕਾਲਿੰਗ ਸਹੂਲਤ ਮਿਲਦੀ ਹੈ।

ਯਾਨੀ ਕਿ ਯੂਜ਼ਰ ਇਸ ਪਲਾਨ ਤਹਿਤ 125 ਮਿੰਟ ਦੀ ਮੁਫ਼ਤ ਕਾਲਿੰਗ ਦੀ ਸਹੂਲਤ ਪ੍ਰਾਪਤ ਕਰਦੇ ਹਨ। ਇਸ ਤੋਂ ਇਲਾਵਾ ਇਸ ਪਲਾਨ 'ਚ ਯੂਜ਼ਰਸ ਨੂੰ 500 ਐਮਬੀ 2ਜੀ/3ਜੀ/4ਜੀ ਡਾਟਾਂ ਦਾ ਵੀ ਲਾਭ ਮਿਲੇਗਾ।  ਨਾਲ ਹੀ ਯੂਜ਼ਰਾਂ ਨੂੰ 50 ਮੁਫ਼ਤ ਐਸਐਮਐਸ ਵੀ ਦਿਤੇ ਜਾਣਗੇ। ਇਨ੍ਹਾਂ ਸੱਭ ਮੁਫ਼ਤ ਬੈਨੀਫ਼ਿਟਸ ਦਾ ਲਾਭ ਯੂਜ਼ਰ 28 ਦਿਨਾਂ ਤਕ ਉਠਾ ਸਕਦੇ ਹਨ।   (ਏਜੰਸੀ)