ਜਸਵਿੰਦਰ ਭੱਲਾ ਦੀ ਸਰਕਾਰ ਨੂੰ ਚਿਤਾਵਨੀ,ਜੇ ਲੋਕ ਸਿੰਘਾਸਨ ਤੇ ਬਿਠਾ ਸਕਦੇ ਨੇ ਤਾਂ ਲਾਹ ਵੀ ਸਕਦੇ ਨੇ
ਭੱਲਾ ਨੇ ਕਿਹਾ ਕਿ ਜਿਹੜੇ ਕਲਾਕਾਰ ਗਾਇਕ ਸੱਚੇ ਦਿਲੋਂ ਕਿਸਾਨਾਂ ਨਾਲ ਜੁੜੇ ਹੋਏ ਹਨ, ਉਨ੍ਹਾਂ ਦੀ ਮੈਂ ਸ਼ਲਾਘਾ ਕਰਦਾ ਹਾਂ
Jaswinder Bhalla
ਨਵੀਂ ਦਿੱਲੀ (ਮਨੀਸ਼ਾ) : ਕਿਸਾਨ ਨਾ ਤਾਂ ਇੱਥੇ ਲੁੱਟਾਂ ਖੋਹਾਂ ਕਰਨ ਆਏ ਨੇ, ਨਾ ਹੀ ਦਿੱਲੀ ਕੋਈ ਮੇਲਾ ਹੈ, ਸਿਰਫ਼ ਖੇਤੀ ਬਿਲਾਂ ਦਾ ਰੋਸ ਹੈ ਹੋਰ ਨਾ ਕੋਈ ਸਾਨੂੰ ਝਮੇਲਾ ਹੈ, ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਪੌਲੀਵੁੱਡ ਸਟਾਰ ਅਤੇ ਕਾਮੇਡੀਅਨ ਜਸਵਿੰਦਰ ਭੱਲਾ ਨੇ ਸਪੋਕਸਮੈਨ ਨਾਲ ਵਿਸ਼ੇਸ਼ ਗੱਲਬਾਤ ਕਰਦਿਆਂ ਪ੍ਰਗਟ ਕੀਤੇ । ਉਨ੍ਹਾਂ ਕਿਹਾ ਕਿ ਜੇਕਰ ਯੂਨੀਵਰਸਿਟੀਆਂ ਦੇ ਵਾਈਸ ਚਾਂਸਲਰ ਇਕੌਨੋਮਿਸਟ , ਖੇਤੀਬਾੜੀ ਵਿਗਿਆਨੀ ਇਹ ਗੱਲ ਕਹਿੰਦੇ ਹਨ ਕਿ ਇਹ ਬਿੱਲ ਕਿਸਾਨਾਂ ਦੇ ਹਿੱਤ ਵਿੱਚ ਨਹੀਂ ਹਨ ਤਾਂ ਇਸ ਦਾ ਮਤਬਲ ਹੈ ਇਹ ਬਿੱਲ ਕਿਸਾਨਾਂ ਦੇ ਹਿੱਤ ਵਿੱਚ ਨਹੀਂ ਹਨ ।