Minor Girl Patiala Family Child Custody High Court Decision Parents Punjab India

ਪਟਿਆਲਾ: ਸੋਸ਼ਲ ਮੀਡੀਆ ਤੇ ਇਕ ਵੀਡੀਓ ਵਿਚ ਬੱਚੀ ਦੇ ਰੋਣ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ ਹਨ ਜੋ ਕਿ ਪਟਿਆਲਾ ਦੇ ਪਿੰਡ ਜਲਾਲਪੁਰ ਦੀਆਂ ਹਨ ਜਿੱਥੇ ਕਿ ਕੋਰਟ ਦੇ ਫ਼ੈਸਲੇ ਤੋਂ ਬਾਅਦ ਇਸ ਪਰਿਵਾਰ ਅਤੇ ਮਾਸੂਮ 9 ਸਾਲਾ ਬੱਚੀ ਤੇ ਦੁੱਖਾਂ ਦਾ ਪਹਾੜ ਟੁੱਟ ਚੁੱਕਿਆ ਹੈ। ਦਰਸਅਲ ਵਿਚ ਬੱਚੀ ਦੇ ਮਾਤਾ ਪਿਤਾ ਸੁਨਾਮ ਦੇ ਰਹਿਣ ਵਾਲੇ ਹਨ।

ਮਾਂ ਦਾ ਤਲਾਕ ਹੋਣ ਤੋਂ ਬਾਅਦ ਬੱਚੀ ਪਿਤਾ ਦੇ ਹੀ ਕਿਸੇ ਰਿਸ਼ਤੇਦਾਰ ਕੋਲ ਰਹਿਣ ਲੱਗ ਗਈ ਤੇ ਬਹੁਤ ਹੀ ਛੋਟੀ ਉਮਰ ਵਿਚ ਇਹ ਬੱਚੀ ਅਪਣੇ ਮਾਤਾ-ਪਿਤਾ ਨੂੰ ਛੱਡ ਇਸ ਪਰਿਵਾਰ ਕੋਲ ਰਹਿੰਦੀ ਸੀ। ਪਰ ਹੁਣ ਬੱਚੀ ਦੇ ਅਸਲੀ ਪਿਤਾ ਜੋ ਕਿ ਫੌਜ ਵਿਚ ਭਰਤੀ ਹਨ ਉਹਨਾਂ ਨੂੰ ਬੱਚੀ ਦੀ ਯਾਦ ਆਈ ਤਾਂ ਉਹਨਾਂ ਨੇ ਕੋਰਟ ਤੋਂ ਬੱਚੀ ਨੂੰ ਵਾਪਸ ਲੈਣ ਲਈ ਅਪੀਲ ਵੀ ਪਾ ਦਿੱਤੀ।

ਆਖਿਰ ਪਿਤਾ ਤਾਂ ਪਿਤਾ ਹੀ ਹੁੰਦਾ ਹੈ ਇਸ ਨੂੰ ਮੰਨਦਿਆਂ ਹੋਇਆਂ ਕੋਰਟ ਨੇ ਪਿਤਾ ਦੇ ਹੱਕ ਵਿਚ ਫ਼ੈਸਲਾ ਸੁਣਾ ਦਿੱਤਾ ਤੇ ਬੱਚੀ ਨੂੰ ਹੁਣ ਪਿਤਾ ਕੋਲ ਛੱਡ ਦਿੱਤਾ ਗਿਆ। ਬੱਚੀ ਦੇ ਪਟਿਆਲਾ ਵਾਲੇ ਮਾਪਿਆਂ ਨਾਲ ਸਪੋਕਸਮੈਨ ਟੀਮ ਵੱਲੋਂ ਰਾਬਤਾ ਕਾਇਮ ਕੀਤਾ ਗਿਆ।

ਇਸ ਇੰਟਰਵਿਊ ਦੌਰਾਨ ਉਹਨਾਂ ਨੇ ਕਈ ਹੈਰਾਨੀਜਨਕ ਖੁਲਾਸੇ ਕੀਤੇ ਹਨ। ਬੱਚੀ ਦੇ ਪਿਤਾ ਨੇ ਦਸਿਆ ਕਿ ਇਹ ਬੱਚੀ ਉਹਨਾਂ ਦੇ ਸਾਂਢੂ ਦੀ ਪੋਤੀ ਹੈ। ਸਾਢੂ ਦੇ ਪੁੱਤ ਗੁਰਪ੍ਰੀਤ ਦੀ ਅਪਣੀ ਪਤਨੀ ਨਾਲ ਤਲਾਕ ਹੋਣ ਕਾਰਨ ਬੱਚੀ ਨੂੰ ਪਾਲਣ ਵਾਲਾ ਕੋਈ ਨਹੀਂ ਸੀ ਤੇ ਉਹਨਾਂ ਨੇ ਇਸ ਬੱਚੀ ਦਾ ਪਾਲਣ-ਪੋਸ਼ਣ ਕਰਨ ਦਾ ਫ਼ੈਸਲਾ ਲਿਆ ਸੀ। ਫਿਰ ਉਸ ਤੋਂ ਬਾਅਦ ਉਸ ਨੇ ਦੂਜਾ ਵਿਆਹ ਕਰਵਾ ਲਿਆ ਤੇ ਉਸ ਤੋਂ ਵੀ ਤਲਾਕ ਲੈ ਲਿਆ।

ਬੱਚੀ ਦੇ ਪਿਤਾ ਨੇ ਪਟਿਆਲੇ ਵਾਲੇ ਪਰਿਵਾਰ ਨੂੰ ਕਿਹਾ ਸੀ ਕਿ ਉਹ ਦੂਜੀ ਪਤਨੀ ਖਿਲਾਫ ਗਲਤ ਬਿਆਨ ਦੇਣ ਪਰ ਪਰਿਵਾਰ ਨੇ ਅਜਿਹਾ ਕਰਨ ਤੋਂ ਮਨ੍ਹਾਂ ਕਰ ਦਿੱਤਾ। ਇਸੇ ਗੱਲ ਨੂੰ ਲੈ ਕੇ ਉਸ ਨੇ ਇਸ ਦਾ ਬਦਲਾ ਦੀ ਸੋਚੀ ਤੇ ਅਪਣੀ ਬੱਚੀ ਵਾਪਸ ਲੈਣੀ ਚਾਹੀ। ਜਦੋਂ ਤੋਂ ਬੱਚੀ ਅਪਣੇ ਸੁਨਾਮ ਵਾਲੇ ਪਿਤਾ ਕੋਲ ਗਈ ਹੈ ਉਸ ਤੋਂ ਬਾਅਦ ਜਲਾਲਪੁਰ ਦੇ ਪਰਿਵਾਰ ਨਾਲ ਉਸ ਦੀ ਕੋਈ ਤਾਲਮੇਲ ਨਹੀਂ ਹੋਇਆ।

ਉਹਨਾਂ ਅੱਗੇ ਦਸਿਆ ਕਿ ਉਹਨਾਂ ਵੱਲੋਂ ਸੁਪਰੀਮ ਕੋਰਟ ਜਾਣ ਦੀ ਵੀ ਸਲਾਹ ਬਣਾਈ ਜਾ ਰਹੀ ਹੈ। ਹੁਣ ਸੁਪਰੀਮ ਕੋਰਟ ਇਸ ਮਾਮਲੇ ਤੇ ਕੀ ਫ਼ੈਸਲਾ ਲੈਂਦੀ ਹੈ ਇਸ ਬਾਰੇ ਤਾਂ ਆਉਣ ਵਾਲਾ ਸਮਾਂ ਹੀ ਦੱਸੇਗਾ।