ਚੰਡੀਗੜ੍ਹ : ਪੰਜਾਬ ਵਿਚ ਲੋਕਸਭਾ ਚੋਣ ਦੀ ਟਿਕਟ ਲਈ ਵਿਧਾਇਕਾਂ ਦੀ ਲਾਈਨ ਲੱਗੀ ਹੋਈ ਹੈ ਪਰ ਪਾਰਟੀ ਵਿਧਾਇਕਾਂ ਨੂੰ ਟਿਕਟ ਦੇਣ ਦੇ ਹੱਕ ਵਿਚ ਨਹੀਂ ਹੈ। ਪਾਰਟੀ ਜੇਕਰ ਬੇਹੱਦ ਜ਼ਰੂਰੀ ਹੈ ਤਾਂ ਹੀ ਕਿਸੇ ਵਿਧਾਇਕ ਨੂੰ ਲੋਕਸਭਾ ਚੋਣ ਵਿਚ ਟਿਕਟ ਦੇਣ ਦੇ ਪੱਖ ਵਿਚ ਹੈ। ਇਸ ਕਾਰਨ ਕੈਪਟਨ ਸਰਕਾਰ ਨੂੰ ਲੈ ਕੇ ਚਿੰਤਾ ਹੈ। ਉਹ ਨਹੀਂ ਚਾਹੁੰਦੀ ਹੈ ਕਿ ਕਿਸੇ ਵਿਧਾਇਕ ਦੀ ਸੀਟ ਉਤੇ ਉਪ ਚੁਣਾਅ ਦੀ ਨੌਬਤ ਆਏ।

ਪੰਜਾਬ ਵਿਚ ਲੋਕਸਭਾ ਦੀ ਟਿਕਟ ਲੈਣ ਦੀ ਦੌੜ ਵਿਚ ਕੈਬਨਿਟ ਮੰਤਰੀ ਰਾਣਾ ਗੁਰਮੀਤ ਸਿੰਘ ਸੋਢੀ ਸਮੇਤ ਸੱਤ ਵਿਧਾਇਕ ਸ਼ਾਮਿਲ ਹਨ। ਮਹੱਤਵਪੂਰਨ ਇਹ ਹੈ ਕਿ ਚਾਰ ਤਾਂ ਅਜਿਹੇ ਵਿਧਾਇਕ ਹਨ, ਜੋ ਪਹਿਲੀ ਵਾਰ ਚੋਣ ਜਿੱਤ ਕੇ ਵਿਧਾਨ ਸਭਾ ਪੁੱਜੇ ਹਨ। ਖੇਡ ਮੰਤਰੀ ਰਾਣਾ ਗੁਰਮੀਤ ਸਿੰਘ ਸੋਢੀ ਨੇ ਫਿਰੋਜ਼ਪੁਰ ਸੀਟ ਤੋਂ ਦਾਅਵੇਦਾਰੀ ਪੇਸ਼ ਕੀਤੀ ਹੈ। ਇਸ ਸੀਟ ਉਤੇ ਕਾਂਗਰਸ ਦੇ ਕੋਲ ਕੋਈ ਵੱਡਾ ਚਿਹਰਾ ਨਹੀਂ ਹੈ। 2014 ਦੀਆਂ ਲੋਕਸਭਾ ਚੋਣਾਂ ਵਿਚ ਇੱਥੋਂ ਸੁਨੀਲ ਜਾਖੜ ਚੋਣ ਲੜੇ ਸਨ ਅਤੇ ਜਾਖੜ ਹੁਣ ਗੁਰਦਾਸਪੁਰ ਤੋਂ ਸਾਂਸਦ ਹਨ।

ਅਜਿਹੇ ਵਿਚ ਫਿਰੋਜ਼ਪੁਰ ਸੀਟ ਖ਼ਾਲੀ ਵੇਖ ਰਾਣਾ ਗੁਰਮੀਤ ਸਿੰਘ ਸੋਢੀ ਨੇ ਅਪਣਾ ਦਾਅਵਾ ਜਤਾਇਆ ਹੈ। ਉਥੇ ਹੀ, ਜ਼ੀਰਾ ਦੇ ਵਿਧਾਇਕ ਕੁਲਬੀਰ ਸਿੰਘ ਜ਼ੀਰਾ ਨੇ ਖਡੂਰ ਸਾਹਿਬ ਤੋਂ ਟਿਕਟ ਦੀ ਮੰਗ ਕੀਤੀ ਹੈ। ਜਲੰਧਰ ਵੈਸਟ ਦੇ ਵਿਧਾਇਕ ਸੁਸ਼ੀਲ ਰਿੰਕੂ ਨੇ ਜਲੰਧਰ ਅਮਲੋਹ ਦੇ ਵਿਧਾਇਕ ਰਮਨਦੀਪ ਨਾਭਾ ਨੇ ਪਟਿਆਲਾ ਸੀਟ ਵਲੋਂ ਟਿਕਟ ਮੰਗਿਆ ਹੈ। ਡਾ. ਰਾਜਕੁਮਾਰ ਚੱਬੇਵਾਲ ਅਤੇ ਪਵਨ ਆਦਿਆ ਨੇ ਹੁਸ਼ਿਆਰਪੁਰ ਸੀਟ ਉਤੇ ਦਾਅਵੇਦਾਰੀ ਕੀਤੀ ਹੈ।

ਛੇਵੀਂ ਵਾਰ ਦੇ ਵਿਧਾਇਕ ਰਾਕੇਸ਼ ਪਾਂਡੇ ਨੇ ਲੁਧਿਆਣਾ ਸੀਟ ਉਤੇ ਦਾਅਵੇਦਾਰੀ ਕੀਤੀ ਹੈ। ਫਿਰੋਜਪੁਰ ਦੇਹਾਤੀ ਦੀ ਵਿਧਾਇਕ ਸਤਕਾਰ ਕੌਰ ਨੇ ਫ਼ਰੀਦਕੋਟ ਤੋਂ ਟਿਕਟ ਦੀ ਮੰਗ ਕੀਤੀ ਹੈ। ਕੁਲਬੀਰ ਜ਼ੀਰਾ, ਪਵਨ ਆਦਿਆ,  ਡਾ. ਰਾਜਕੁਮਾਰ ਚੱਬੇਵਾਲ ਅਤੇ ਸੁਸ਼ੀਲ ਰਿੰਕੂ ਪਹਿਲੀ ਵਾਰ ਵਿਧਾਇਕ ਬਣੇ ਹਨ। ਜਾਣਕਾਰੀ ਦੇ ਮੁਤਾਬਕ,  ਕਾਂਗਰਸ ਦਾ ਸਾਫ਼ ਰੁਖ਼ ਹੈ ਕਿ ਜੇਕਰ ਕਿਸੇ ਵੀ ਸੀਟ ਉਤੇ ਬੇਹੱਦ ਮਜ਼ਬੂਰੀ ਨਾ ਹੋਈ ਤਾਂ ਕਿਸੇ ਵੀ ਵਿਧਾਇਕ ਨੂੰ ਚੋਣ ਮੈਦਾਨ ਵਿਚ ਨਹੀਂ ਉਤਾਰਿਆ ਜਾਵੇਗਾ।

ਇਹ ਫਾਰਮੂਲਾ ਖ਼ਾਸਤੌਰ ਉਤੇ ਉਨ੍ਹਾਂ ਰਾਜਾਂ ਵਿਚ ਲਾਗੂ ਕੀਤਾ ਜਾਵੇਗਾ, ਜਿੱਥੇ ਕਾਂਗਰਸ ਦੀ ਸਰਕਾਰ ਹੈ। ਪਾਰਟੀ ਦਾ ਮੰਨਣਾ ਹੈ ਕਿ ਵਿਧਾਇਕ ਦੇ ਚੋਣ ਲੜਨ ਅਤੇ ਉਸ ਦੇ ਜਿੱਤਣ ਤੋਂ ਬਾਅਦ ਵੀ ਰਾਜ ਵਿਚ ਲੋਕ ਸਭਾ ਚੋਣਾਂ ਹੋਣ ਨਾਲ ਉੱਥੇ ਦੀ ਰਾਜ‍ ਸਰਕਾਰ ਲਈ ਉਲਝਣ ਦੀ ਸ‍ਥਿਤੀ ਪੈਦਾ ਹੋ ਜਾਵੇਗੀ। ਉਪ ਚੋਣਾਂ ਦੀ ਵਜ੍ਹਾ ਕਰਕੇ ਸਰਕਾਰੀ ਕੰਮ ਧੰਦਾ ਪ੍ਰਭਾਵਿਤ ਹੁੰਦਾ ਹੈ। ਉਥੇ ਹੀ, ਸਰਕਾਰੀ ਤੰਤਰ ਉਪ ਚੋਣਾਂ ਵਿਚ ਉਲਝ ਜਾਂਦਾ ਹੈ। ਇਹੀ ਕਾਰਨ ਹੈ ਕਿ ਕਾਂਗਰਸ ਕਿਸੇ ਵੀ ਵਿਧਾਇਕ ਨੂੰ ਲੋਕ ਸਭਾ ਚੋਣ ਵਿਚ ਟਿਕਟ ਦੇਣ ਦੇ ਹੱਕ ਵਿਚ ਨਹੀਂ ਹੈ।