Engineer Baldev Singh Sran

ਪਟਿਆਲਾ  :  ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਵਲੋਂ ਹਰ ਵਰਗ ਦੇ ਖਪਤਕਾਰਾਂ (ਸਿਵਾਏ ਏ.ਪੀ.) ਸਮੇਤ ਸਰਕਾਰੀ ਅਦਾਰੇ ਜਿਨ੍ਹਾਂ ਦੇ ਚਲਦੇ/ਕੱਟੇ ਜਾ ਚੁੱਕੇ ਕੁਨੈਕਸ਼ਨਾਂ ਦੇ ਬਿਲਾਂ ਦੀ ਬਕਾਇਆ ਕੁਤਾਹੀ ਰਕਮ ਖੜੀ ਹੈ, ਲਈ ਵਨ ਟਾਈਮ ਸਟੈਲਮੈਂਟ ਸਕੀਮ ਜਾਰੀ ਕੀਤੀ ਹੋਈ ਹੈ। ਇੰਜ. ਬਲਦੇਵ ਸਿੰਘ ਸਰਾਂ ਸੀ.ਐਮ.ਡੀ. ਪੀ.ਐਸ.ਪੀ.ਸੀ.ਐਲ. ਨੇ ਪੰਜਾਬ ਦੇ ਖਪਤਕਾਰਾਂ ਨੂੰ ਪੁਰਜ਼ੋਰ ਅਪੀਲ ਕੀਤੀ ਹੈ

ਕਿ ਉਹ ਇਸ ਸੁਨਹਿਰੀ ਸਕੀਮ ਦਾ ਫ਼ਾਇਦਾ ਉਠਾਉਣ, ਜਿਸ ਦੀ ਆਖਰੀ ਮਿਤੀ 23.08.2018 ਹੈ। ਇੰਜ. ਸਰਾਂ ਨੇ ਦਸਿਆ ਇਸ ਸਕੀਮ ਅਧੀਨ ਖਪਤਕਾਰਾਂ ਨੂੰ ਸਰਚਾਰਜ ਅਤੇ ਵਿਆਜ ਦੀ ਰਕਮ ਤੋਂ ਰਾਹਤ ਦਿਤੀ ਜਾਵੇਗੀ। ਇਸ ਸਕੀਮ ਦਾ ਲਾਭ ਲੈਣ ਲਈ ਖਪਤਕਾਰ ਸਬੰਧਤ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਦੇ ਉਪ ਮੰਡਲ ਦਫ਼ਤਰ ਵਿਚ ਅਪਲਾਈ ਕਰ ਸਕਦਾ ਹੈ।