Hen

ਅੰਮ੍ਰਿਤਸਰ: ਰਿੰਟੂ ਕਮਿਸ਼ਨਰ ਕੋਮਲ ਮਿੱਤਲ ਤੇ ਨਗਰ ਨਿਗਮ ਮੇਅਰ ਕਰਮਜੀਤ ਸਿੰਘ ਦੇ ਨਿਰਦੇਸ਼ਾਂ 'ਤੇ ਸਿਹਤ ਅਧਿਕਾਰੀ ਡਾ. ਅਜੇ ਕੰਵਰ ਨੇ ਆਪਣੀ ਟੀਮ ਸਮੇਤ ਮਿਸ਼ਨ ਤੰਦਰੁਸਤ ਪੰਜਾਬ ਤਹਿਤ ਚੈਕਿੰਗ ਮੁਹਿੰਮ ਚਲਾਈ ਤੇ ਰਾਏ ਚਿਕਨ ਹਾਊਸ ਦੀਆਂ ਬ੍ਰਾਂਚਾਂ 'ਚ ਗੰਦਗੀ ਦੇਖ ਕੇ ਚਲਾਨ ਕੱਟ ਕੇ ਕਿਹਾ ਕਿ ਉਹ ਨੋਟਿਸ ਦੇ ਕੇ 3 ਦਿਨਾਂ 'ਚ ਸੀਲਿੰਗ ਕਰਨਗੇ। ਉਕਤ ਰਾਏ ਚਿਕਨ ਦੀ ਬੱਸ ਸਟੈਂਡ ਵਾਲੀ ਬ੍ਰਾਂਚ 'ਚ ਇਕ ਮਜ਼ਦੂਰ ਦੇ ਹੱਥ ਜ਼ਖਮੀ ਸਨ, ਜੋ ਮੁਰਗਿਆਂ ਨੂੰ ਕੱਟ ਰਿਹਾ ਸੀ। ਮਜ਼ਦੂਰ ਮੀਟ 'ਤੇ ਜੁੱਤੀਆਂ ਪਾ ਕੇ ਘੁੰਮ ਰਹੇ ਸਨ।

ਇਸ ਦੌਰਾਨ ਡਾ. ਦਰਸ਼ਨ ਕਸ਼ਯਪ, ਚੀਫ ਸੈਨੇਟਰੀ ਇੰਸਪੈਕਟਰ ਮਨਿੰਦਰ ਬਾਬਾ ਤੇ ਵਿਜੇ ਗਿੱਲ ਸਮੇਤ ਪੁਲਸ ਫੋਰਸ ਮੌਜੂਦ ਸੀ। ਸਿਹਤ ਅਧਿਕਾਰੀ ਡਾ. ਕੰਵਰ ਨੇ ਟੀਮ ਸਮੇਤ ਪਹਿਲਾਂ ਚਮਰੰਗ ਰੋਡ 'ਤੇ ਛਾਪਾ ਮਾਰਿਆ, ਉਥੇ ਪਿਛਲੇ ਦਿਨ ਦਾ ਚਿਕਨ ਪਿਆ ਹੋਇਆ ਸੀ, ਪੈਰਾਂ ਹੇਠਾਂ ਫਰਸ਼ 'ਤੇ ਵੀ ਚਿਕਨ ਖਿਲਰਿਆ ਪਿਆ ਸੀ। ਡਾ. ਕਸ਼ਯਪ ਨੇ ਦੱਸਿਆ ਕਿ ਉਕਤ ਆਦਾਰਾ ਨੇ ਸਲਾਟਰਿੰਗ ਦੀ ਸਿਰਫ 10 ਹਜ਼ਾਰ ਦੀ ਰਸੀਦ ਕਟਵਾਈ ਜਾਂਦੀ ਸੀ, ਜਦਕਿ ਹਰ ਰੋਜ਼ ਜਿਥੇ 4 ਹਜ਼ਾਰ ਰੁਪਏ ਦੇ ਲਗਭਗ ਸਲਾਟਰਿੰਗ ਹੁੰਦੀ ਹੈ, ਜਿਸ ਨਾਲ ਹਰ ਮਹੀਨੇ ਲੱਖ ਰੁਪਏ ਦੀ ਸਲਾਟਰਿੰਗ ਫੀਸ 'ਚ ਨਿਗਮ ਪ੍ਰਸ਼ਾਸਨ ਦੀਆਂ ਅੱਖਾਂ 'ਚ ਧੂੜ ਪਾਈ ਜਾ ਰਹੀ ਸੀ।

ਜਿਸ ਨੂੰ ਲੈ ਕੇ ਪਿਛਲੇ 3 ਸਾਲਾਂ ਦੇ ਪੈਸੇ ਉਨ੍ਹਾਂ ਨੂੰ ਦੇਣੇ ਪੈਣਗੇ। ਉਥੇ ਬੱਸ ਸਟੈਂਡ ਸਥਿਤ ਸ਼ਹੀਦ ਊਧਮ ਸਿੰਘ ਮਾਰਕੀਟ 'ਚ ਰਾਏ ਚਿਕਨ ਹਾਊਸ 'ਚ ਛਾਪੇਮਾਰੀ ਦੌਰਾਨ ਗੰਦਗੀ ਦਾ ਆਲਮ ਦੇਖਿਆ ਗਿਆ, ਉਥੇ ਕੁਝ ਮਰੇ ਹੋਏ ਮੁਰਗਿਆਂ ਦਾ ਮੀਟ ਵੀ ਬਰਾਮਦ ਹੋਇਆ, ਜਿਸ ਨਾਲ ਸਿਹਤ ਅਧਿਕਾਰੀ ਨੇ ਸਾਰੇ ਮੀਟ 'ਤੇ ਫਰਨੈਲ ਪਾ ਕੇ ਨਸ਼ਟ ਕਰਵਾਇਆ। ਮਹਾ ਸਿੰਘ ਗੇਟ ਚੌਕ 'ਤੇ ਏ. ਸੀ. ਚਿਕਨ ਹਾਊਸ ਅਤੇ ਗੋਲਡਨ ਫਰੈੱਸ਼ ਫੂਡ 'ਚ ਵੀ ਚੈਕਿੰਗ ਕੀਤੀ ਗਈ, ਜਿਸ ਵਿਚ ਉਨ੍ਹਾਂ ਪੁਰਾਣੇ ਚਿਕਨ 'ਤੇ ਫਰਨੈਲ ਪਾ ਕੇ ਨਸ਼ਟ ਕਰਵਾ ਦਿੱਤਾ।

ਉਥੇ ਹੀ ਉਨ੍ਹਾਂ ਨੇ ਪੰਜਾਂ ਸੰਸਥਾਵਾਂ ਦੇ ਚਲਾਨ ਕੱਟ ਦਿੱਤੇ ਅਤੇ ਟੀਮ ਨੂੰ ਨਿਰਦੇਸ਼ ਦਿੱਤੇ ਕਿ ਇਨ੍ਹਾਂ ਨੂੰ ਨੋਟਿਸ ਜਾਰੀ ਕੀਤੇ ਜਾਣ। ਰਾਏ ਚਿਕਨ, ਮਹਾ ਸਿੰਘ ਗੇਟ ਤੇ ਏ. ਸੀ. ਚਿਕਨ ਬਾਰ 'ਚ ਜਦੋਂ ਟੀਮ ਪਹੁੰਚੀ ਤਾਂ ਉਕਤ ਸੰਸਥਾਵਾਂ ਦੇ ਮਾਲਕਾਂ ਨੇ ਸਿਹਤ ਅਧਿਕਾਰੀ ਨਾਲ ਗੱਲ ਕਰਵਾਉਣੀ ਚਾਹੀ ਅਤੇ ਕਿਹਾ ਕਿ ਪ੍ਰਧਾਨ ਜੀ, ਤੁਹਾਡੇ ਹੈਲਥ ਡਿਪਾਰਟਮੈਂਟ ਵਾਲੇ ਆਏ ਨੇ, ਜ਼ਰਾ ਦੇਖੋ ਤੇ ਸਿਹਤ ਅਧਿਕਾਰੀ ਨੇ ਕਿਸੇ ਨਾਲ ਫੋਨ 'ਤੇ ਗੱਲ ਨਹੀਂ ਕੀਤੀ ਅਤੇ ਸਾਰਿਆਂ ਦੇ ਚਲਾਨ ਕੱਟ ਦਿੱਤੇ।