ਮਹਿਲਾ ਪੱਤਰਕਾਰ ਨੂੰ ਜ਼ਬਰਦਸਤੀ ਚੁੰਮ ਕੇ ਹੋਇਆ ਫਰਾਰ, ਸਕਾਈਪ 'ਤੇ ਮੰਗਣੀ ਪਈ ਮਾਫ਼ੀ
ਪੱਤਰਕਾਰੀ ਇਕ ਉਹ ਪੇਸ਼ਾ ਹੈ ਜੋ ਆਪਣੀ ਜਾਨ ਤਕ ਖ਼ਤਰੇ 'ਚ ਪਾ ਕੇ ਦੁਨੀਆ ਤਕ ਖ਼ਬਰਾਂ ਦੇ ਰੂਪ ਵਿਚ ਸੱਚ ਪਹੁੰਚਾਉਣ ਦੀ ਸਮਰੱਥਾ ਰੱਖਦਾ ਹੈ।
ਪੱਤਰਕਾਰੀ ਇਕ ਉਹ ਪੇਸ਼ਾ ਹੈ ਜੋ ਆਪਣੀ ਜਾਨ ਤਕ ਖ਼ਤਰੇ 'ਚ ਪਾ ਕੇ ਦੁਨੀਆ ਤਕ ਖ਼ਬਰਾਂ ਦੇ ਰੂਪ ਵਿਚ ਸੱਚ ਪਹੁੰਚਾਉਣ ਦੀ ਸਮਰੱਥਾ ਰੱਖਦਾ ਹੈ। ਪੱਤਰਕਰਾਂ ਨਾਲ ਕਈ ਵਾਰ ਲੋਕਾਂ ਵੱਲੋਂ ਮੰਦਾ ਵਰਤਾਓ ਕੀਤਾ ਜਾਂਦਾ ਹੈ ਫਿਰ ਚਾਹੇ ਔਰਤ ਹੋਵੇ ਜਾਂ ਮਰਦ। ਪਰ ਅਜਿਹੀਆਂ ਘਟਨਾਵਾਂ ਦੀਆਂ ਸ਼ਿਕਾਰ ਜ਼ਿਆਦਾਤਰ ਔਰਤਾਂ ਹੁੰਦੀਆਂ ਹਨ। ਅਜਿਹੀ ਹੀ ਇਕ ਸ਼ਰਮਨਾਕ ਘਟਨਾ ਰੂਸ ਵਿੱਚ ਚੱਲ ਰਹੇ ਫੁੱਟਬਾਲ ਵਿਸ਼ਵ ਕੱਪ ਦੀ ਰਿਪੋਰਟਿੰਗ ਦੌਰਾਨ ਸਾਹਮਣੇ ਆਈ ਹੈ।
https://twitter.com/dw_sports/status/1009348669718630400
ਡੌਏਚੇ ਵੇਲੇ ਨੇ ਇਸ ਘਟਨਾ ਦਾ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਸਾਂਝਾ ਕਰਦਿਆਂ ਇਸ ਨੂੰ 'ਹਮਲਾ' ਅਤੇ 'ਸ਼ਰੇਆਮ ਸ਼ੋਸ਼ਣ' ਦੱਸਿਆ ਹੈ। ਹਾਲਾਂਕਿ ਕਈ ਲੋਕਾਂ ਨੇ ਸੋਸ਼ਲ ਮੀਡੀਆ ਉੱਤੇ ਲਿਖਿਆ ਕਿ ਘਟਨਾ ਨੂੰ ਵਧਾ ਚੜ੍ਹਾ ਕੇ ਪੇਸ਼ ਕੀਤਾ ਜਾ ਰਿਹਾ ਹੈ। ਕਈਆਂ ਨੇ ਕਿਹਾ ਕਿ ਇਸ ਘਟਨਾ ਨੂੰ ਫੈਨਜ਼ ਵੱਲੋਂ ਕੀਤਾ ਜਾਣ ਵਾਲਾ 'ਸਵਾਗਤ' ਜਾਂ ਸਨਮਾਨ ਵਜੋਂ ਦੇਖਿਆ ਜਾਣਾ ਚਾਹੀਦਾ ਹੈ।
ਮਾਰਚ ਵਿਚ 52 ਬ੍ਰਾਜ਼ੀਲੀ ਪੱਤਰਕਾਰਾਂ ਨੇ ਇੱਕ ਮੁਹਿੰਮ ਸ਼ੁਰੂ ਕੀਤੀ ਸੀ, ਜਿਸ ਵਿਚ ਉਨ੍ਹਾਂ ਨੇ ਖਿਡਾਰੀਆਂ ਅਤੇ ਪ੍ਰਸ਼ੰਸਕਾਂ ਵੱਲੋਂ ਚੁੰਮੇ ਜਾਣ ਅਤੇ ਜ਼ਬਰਦਸਤੀ ਕਰਨ ਦੀਆਂ ਘਟਨਾਵਾਂ ਸਾਂਝੀਆਂ ਕੀਤੀਆਂ ਸਨ। ਵੀਡੀਓ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋਣ ਪਿੱਛੋਂ ਦੋਸ਼ੀ ਵਿਅਕਤੀ ਸਬੰਧਤ ਚੈਨਲ ਪਹੁੰਚਿਆ ਅਤੇ ਜੂਲਿਯਥ ਕੋਲੋਂ ਸਕਾਈਪ ਦੇ ਜ਼ਰੀਏ ਮਾਫੀ ਮੰਗੀ। ਦੋਸ਼ੀ ਨੇ ਅਪਣਾ ਨਾਮ ਰੁਸਲਾਨ ਦੱਸਿਆ ਅਤੇ ਕਿਹਾ ਉਹ ਜੂਲਿਯਥ ਨੂੰ ਗ਼ਲਤ ਤਰੀਕੇ ਨਾਲ ਛੋਹਣ ਨਹੀਂ ਸੀ ਆਇਆ।
ਦੱਸ ਦਈਏ ਕਿ ਰੁਸਲਾਨ ਨੇ ਆਪਣੇ ਇਕ ਦੋਸਤ ਨਾਲ ਇਸ ਸ਼ਰਾਰਤ ਦੀ ਸ਼ਰਤ ਲਗਾਈ ਸੀ। ਜ਼ਿਕਰਯੋਗ ਹੈ ਕਿ ਰੁਸਲਾਨ ਅਤੇ ਜੂਲਿਯਥ ਨੇ ਸਕਾਈਪ ਦੇ ਜ਼ਰੀਏ ਕਾਫੀ ਸਮੇਂ ਇਸ ਘਟਨਾ ਤੇ ਗੱਲਬਾਤ ਕੀਤੀ। ਰੁਸਲਾਨ ਵੱਲੋਂ ਅਪਣੀ ਗ਼ਲਤੀ ਕਬੂਲਣ 'ਤੇ ਜੂਲਿਯਥ ਨੇ ਇਸ ਨੂੰ ਇਕ ਚੰਗਾ ਕਦਮ ਦੱਸਿਆ।