ਗੁਰੂ ਹਰਿਕ੍ਰਿਸ਼ਨ ਮੈਡੀਕਲ ਟਰੱਸਟ ਦੀ ਬਹਾਲੀ ਬਾਦਲਾਂ ਦੀ ਹਾਰ: ਸਰਨਾ
ਗੁਰੂ ਹਰਿਕ੍ਰਿਸ਼ਨ ਮੈਡੀਕਲ ਟਰੱਸਟ ਦੀ ਬਹਾਲੀ ਬਾਦਲਾਂ ਦੀ ਹਾਰ: ਸਰਨਾ
Paramjit Sarna & Harwinder Sarna
ਨਵੀਂ ਦਿੱਲੀ, 7 ਜੂਨ (ਅਮਨਦੀਪ ਸਿੰਘ): ਵਿਵਾਦਾਂ ਵਿਚ ਘਿਰੇ ਰਹੇ ਗੁਰੂ ਹਰਿਕ੍ਰਿਸ਼ਨ ਹਸਪਤਾਲ, ਗੁਰਦਵਾਰਾ ਬਾਲਾ ਸਾਹਿਬ ਨੂੰ ਚਲਾਉਣ ਲਈ ਦਿੱਲੀ ਸਿੱਖ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਵਲੋਂ ਸਾਲ 2007 ਵਿਚ ਕਾਇਮ ਕੀਤੇ ਗਏ ਗੁਰੂ ਹਰਿਕ੍ਰਿਸ਼ਨ ਮੈਡੀਕਲ ਟਰੱਸਟ ਨੂੰ ਦਿੱਲੀ ਹਾਈ ਕੋਰਟ ਵਲੋਂ ਮੁੜ ਬਹਾਲ ਕਰਨ ਨੂੰ ਸ਼੍ਰੋਮਣੀ ਅਕਾਲੀ ਦਲ ਦਿੱਲੀ ਦੇ ਪ੍ਰਧਾਨ ਪਰਮਜੀਤ ਸਿੰਘ ਸਰਨਾ ਤੇ ਸਕੱਤਰ ਜਨਰਲ ਹਰਵਿੰਦਰ ਸਿੰਘ ਸਰਨਾ ਨੇ ਅਪਣੀ ਮਿਸਾਲੀ ਜਿੱਤ ਤੇ ਬਾਦਲਾਂ ਦੀ ਕਰਾਰੀ ਹਾਰ ਦਸਿਆ ਹੈ।
ਅੱਜ ਇਥੇ ਸਰਨਾ ਭਰਾਵਾਂ ਨੇ ਕਿਹਾ ਹੁਣ ਦਿੱਲੀ ਹਾਈ ਕੋਰਟ ਵਲੋਂ ਜੋ ਫ਼ੈਸਲਾ ਦਿਤਾ ਗਿਆ ਹੈ ਕਿ ਹਸਪਤਾਲ ਚਲਾਉਣ ਲਈ ਸਾਡੇ ਵਲੋਂ ਪਿਛੋਕੜ ਵਿਚ ਕਾਇਮ ਕੀਤਾ ਗਿਆ ਧਾਰਮਕ ਟਰੱਸਟ ਗ਼ੈਰ-ਕਾਨੂੰਨੀ ਨਹੀਂ ਸੀ, ਹੁਣ ਬਾਦਲ ਦਲ ਸੰਗਤ ਨੂੰ ਸਪੱਸ਼ਟ ਕਰੇ ਕਿ ਕਿਉਂ ਸਾਡੇ ਵਿਰੁਧ ਪਿਛਲੇ ਕਈ ਸਾਲਾਂ ਤੋਂ ਹਸਪਤਾਲ ਵੇਚਣ ਦਾ ਪ੍ਰਾਪੇਗੰਢਾ ਕੀਤਾ ਗਿਆ