sikh protest

ਅੰਮ੍ਰਿਤਸਰ : ਸ੍ਰੀ ਦਰਬਾਰ ਸਾਹਿਬ 'ਤੇ ਹਮਲੇ ਤੋਂ ਤੀਜੇ ਦਿਨ ਸਿੱਖਾਂ ਦਾ ਰੋਸ ਇੰਨਾ ਵਧ ਗਿਆ ਕਿ ਉਹ ਸੜਕਾਂ 'ਤੇ ਉਤਰਨੇ ਸ਼ੁਰੂ ਹੋ ਗਏ। ਆਖ਼ਰ ਕਿੰਨਾ ਚਿਰ ਅੱਗ ਨੂੰ ਕੱਖਾਂ ਹੇਠ ਲੁਕੋਇਆ ਜਾ ਸਕਦਾ ਸੀ। ਉਦੋਂ ਦੀ ਕਾਂਗਰਸ ਸਰਕਾਰ ਨੇ ਆਪ੍ਰੇਸ਼ਨ ਬਲਿਊ ਸਟਾਰ ਨੂੰ ਮੀਡੀਆ ਤੋਂ ਭਾਵੇਂ ਉਹਲੇ ਚਲਾਇਆ ਪਰ ਜਦੋਂ ਇਹ ਗੱਲ ਫੈਲੀ ਤਾਂ ਇਹ ਜੰਗਲ ਦੀ ਅੱਗ ਵਾਂਗ ਫੈਲਦੀ ਚਲੀ ਗਈ।

ਸਿੱਖਾਂ ਵਿਚ ਰੋਸ ਕਾਫ਼ੀ ਜ਼ਿਆਦਾ ਵਧ ਗਿਆ ਸੀ ਕਿਉਂਕਿ ਸ੍ਰੀ ਦਰਬਾਰ ਸਾਹਿਬ 'ਤੇ ਅਜਿਹੀ ਵਹਿਸ਼ੀਆਨਾ ਕਾਰਵਾਈ ਸਿੱਖ ਕਿਸੇ ਵੀ ਹਾਲਤ ਵਿਚ ਬਰਦਾਸ਼ਤ ਨਹੀਂ ਕਰ ਸਕਦੇ ਸਨ।

ਇਸ ਤੋਂ ਉਸ ਵੇਲੇ ਦੀ ਕੇਂਦਰ ਸਰਕਾਰ ਦੇ ਸਿੱਖਾਂ ਪ੍ਰਤੀ ਮਨਸੂਬਿਆਂ ਦਾ ਪਤਾ ਲੱਗਦਾ ਹੈ। ਮਿਲਟਰੀ ਮਾਹਿਰਾਂ ਅਨੁਸਾਰ ਜੇਕਰ ਸਿੱਖ ਰੈਜੀਮੈਂਟ ਪੰਜਾਬ ਵਿਚ ਹੁੰਦੀ ਤਾਂ ਇਸ ਹਮਲੇ ਦੇ ਸਮੀਕਰਨਾਂ ਵਿਚ ਬਹੁਤ ਵੱਡੇ ਬਦਲਾਅ ਹੋ ਸਕਦੇ ਸਨ।