Delhi gurdwara management committee

ਨਵੀਂ ਦਿੱਲੀ, 17 ਜੂਨ, ਇਤਿਹਾਸਿਕ ਬੰਗਲਾ ਸਾਹਿਬ ਗੁਰੂਦਵਾਰਾ ਸਮੇਤ ਰਾਸ਼ਟਰੀ ਰਾਜਧਾਨੀ ਵਿਚ ਦਸ ਗੁਰੂਦਵਾਰਿਆਂ ਨੇ ਭਾਰਤੀ ਫ਼ੂਡ ਸੇਫ਼ਟੀ ਅਤੇ ਪ੍ਰਮਾਣਿਕ ​​ਅਧਿਕਾਰ ਵਲੋ ਨਿਰਧਾਰਤ ਫ਼ੂਡ ਸੇਫ਼ਟੀ ਅਤੇ ਸਫਾਈ ਮਾਪਦੰਡ ਨੂੰ ਲਾਗੂ ਕੀਤਾ ਹੈ। ਦਿੱਲੀ ਸਿੱਖ ਗੁਰੂਦਵਾਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਮਨਜੀਤ ਸਿੰਘ ਜੀ ਕੇ ਨੇ ਕਿਹਾ ਕਿ ਫ਼ੂਡ ਸੇਫ਼ਟੀ ਅਤੇ ਸਫਾਈ ਮਾਪਦੰਡ ਨੂੰ ਸਾਰੇ 10 ਗੁਰੂਦਵਾਰਿਆਂ ਵਿਚ ਲਾਗੂ ਕੀਤਾ ਗਿਆ ਹੈ ਜਿੱਥੇ ਲੱਗਭਗ ਇੱਕ ਲੱਖ ਸੰਗਤ ਲੰਗਰ ਦਾ ਛਕਦੀ ਹੈ।

ਮਨਜੀਤ ਸਿੰਘ ਜੀ ਕੇ ਨੇ ਦਾਅਵਾ ਕੀਤਾ ਕਿ 'ਡੀਐਸਜੀਐਮਸੀ' ਨੇ 'ਐਫਐਸਐਸਏਆਈ' ਦੀ 'ਪ੍ਰੋਜੈਕਟ ਭੋਗ' ਦੇ ਤਹਿਤ ਕੇਂਦਰੀ ਸਿਹਤ ਮੰਤਰਾਲਾ ਦੁਆਰਾ ਨਿਰਧਾਰਤ ਟੀਚਿਆਂ ਨੂੰ ਪੂਰਾ ਕਰ ਲਿਆ ਹੈ ਤਾਂਕਿ ਇਹ ਨਿਸ਼ਚਿਤ ਕੀਤਾ ਜਾ ਸਕੇ ਕਿ ਸਿੱਖ ਸੰਗਤ ਆਉਣ ਵਾਲੇ ਸ਼ਰਧਾਲੂਆਂ ਨੂੰ ਰਾਸ਼ਟਰੀ ਰਾਜਧਾਨੀ ਵਿਚ ਸਥਿਤ ਦਸ ਇਤਿਹਾਸਿਕ ਗੁਰੂਦਵਾਰਿਆਂ ਵਿਚ ਸੁਰੱਖਿਅਤ, ਸਾਫ ਸੁਥਰਾ ਅਤੇ ਪੌਸ਼ਟਿਕ ਲੰਗਰ ਛਕਾਇਆ ਜਾ ਸਕੇ।