Twitter removes verification tick from RSS chief Mohan Bhagwat’s account

ਨਵੀਂ ਦਿੱਲੀ:  ਮਾਈਕ੍ਰੋਬਲਾਗਿੰਗ ਐਪ ਟਵਿਟਰ (Twitter) ਨੇ ਵੱਡੀ ਕਾਰਵਾਈ ਕਰਦੇ ਹੋਏ ਰਾਸ਼ਟਰੀ ਸਵੈਮਸੇਵਕ ਸੰਘ (RSS) ਦੇ ਮੁਖੀ ਮੋਹਨ ਭਾਗਵਤ (Mohan Bhagwat) ਦੇ ਨਿਜੀ ਟਵਿੱਟਰ ਹੈਂਡਲ ਤੋਂ ਨੀਲਾ ਟਿਕ ਹਟਾ ਦਿੱਤਾ ਹੈ। ਇਸ ਤੋਂ ਪਹਿਲਾਂ ਟਵਿਟਰ ਨੇ ਦੇਸ਼ ਦੇ ਉਪ ਰਾਸ਼ਟਰਪਤੀ ਵੈਂਕਈਆ ਨਾਇਡੂ (M. Venkaiah Naidu) ਅਤੇ ਆਰਐਸਐਸ ਦੇ ਕਈ ਨੇਤਾਵਾਂ ਦੇ ਨਿਜੀ ਟਵਿੱਟਰ ਹੈਂਡਲਜ਼ ਤੋਂ ਨੀਲੇ ਟਿਕ ਹਟਾ ਦਿੱਤੇ ਸਨ।

ਇਹ ਵੀ ਪੜ੍ਹੋ: Donald Trump ਖ਼ਿਲਾਫ਼ ਫੇਸਬੁੱਕ ਦੀ ਕਾਰਵਾਈ, ਦੋ ਸਾਲ ਲਈ ਸਸਪੈਂਡ ਕੀਤਾ ਅਕਾਊਂਟ

ਇਹਨਾਂ ਵਿਚ ਸੁਰੇਸ਼ ਸੋਨੀ, ਸੁਰੇਸ਼ ਜੋਸ਼ੀ ਅਤੇ ਅਰੁਣ ਕੁਮਾਰ ਵਰਗੇ ਕਈ ਆਗੂ ਸ਼ਾਮਲ ਹਨ। ਹਾਲਾਂਕਿ ਇਸ ਤੋਂ ਬਾਅਦ ਹੋਏ ਹੰਗਾਮੇ ਤੋਂ ਬਾਅਦ ਟਵਿਟਰ ਨੇ ਉਪ ਰਾਸ਼ਟਰਪਤੀ ਵੈਂਕਈਆ ਨਾਇਡੂ ਦੇ ਟਵਿਟਰ ਹੈਂਡਲ 'ਤੇ ਨੀਲਾ ਟਿਕ ਫਿਰ ਤੋਂ ਲਗਾ ਦਿੱਤਾ ਹੈ।

ਇਹ ਵੀ ਪੜ੍ਹੋ:  ਕੋਰੋਨਾ ਨੇ ਤਬਾਹ ਕੀਤੀਆਂ ਪਰਿਵਾਰ ਦੀਆਂ ਖੁਸ਼ੀਆਂ, ਇਕ ਸਾਲ ’ਚ ਹੀ ਵਿਧਵਾ ਹੋਈਆਂ ਸੱਸ-ਨੂੰਹ

ਵੈਂਕਈਆ ਨਾਇਡੂ ਦੇ ਟਵਿੱਟਰ ਅਕਾਊਂਟ ਤੋਂ ਵੈਰੀਫਿਕੇਸ਼ਨ ਹਟਾਉਣ ਤੋਂ ਨਾਰਾਜ਼ ਆਈਟੀ ਮੰਤਰਾਲੇ ਨੇ ਕਿਹਾ ਕਿ ਟਵਿਟਰ ਦਾ ਇਹ ਇਰਾਦਾ ਗਲਤ ਹੈ ਕਿ ਦੇਸ਼ ਦੀ ਨੰਬਰ-2 ਅਥਾਰਟੀ ਨਾਲ ਅਜਿਹਾ ਸਲੂਕ ਕੀਤਾ ਗਿਆ। ਉਪ ਰਾਸ਼ਟਰਪਤੀ ਰਾਜਨੀਤੀ ਤੋਂ ਉਪਰ ਹਨ। ਉਹ ਸੰਵਿਧਾਨਕ ਅਹੁਦੇ ਉੱਤੇ ਹਨ। ਕੀ ਟਵਿੱਟਰ ਅਮਰੀਕਾ ਦੇ ਸੰਵਿਧਾਨਕ ਅਹੁਦਿਆਂ 'ਤੇ ਲੋਕਾਂ ਨਾਲ ਦੁਰਵਿਵਹਾਰ ਕਰ ਸਕਦਾ ਹੈ? ਟਵਿੱਟਰ ਦੇਖਣਾ ਚਾਹੁੰਦਾ ਹੈ ਕਿ ਭਾਰਤ ਕਿਸ ਹੱਦ ਤਕ ਸਬਰ ਕਰਦਾ ਹੈ।

ਇਹ ਵੀ ਪੜ੍ਹੋ:  ਉਪ ਰਾਸ਼ਟਰਪਤੀ ਦੇ ਨਿੱਜੀ Twitter ਅਕਾਊਂਟ ’ਤੇ ਕੁਝ ਘੰਟਿਆਂ ਬਾਅਦ ਹੀ ਵਾਪਸ ਆਇਆ Blue Tick

ਦਰਅਸਲ ਟਵਿਟਰ ਨਿਯਮਾਂ ਅਨੁਸਾਰ ਪਿਛਲੇ 6 ਮਹੀਨਿਆਂ ਵਿਚ ਅਕਾਊਂਟ ਲਾਗਇੰਨ ਕਰਨਾ ਜ਼ਰੂਰੀ ਹੈ, ਤਾਂ ਹੀ ਇਸ ਨੂੰ ਐਕਟਿਵ ਅਕਾਊਂਟ ਮੰਨਿਆ ਜਾਵੇਗਾ। ਹਾਲਾਂਕਿ ਇਹ ਜ਼ਰੂਰੀ ਨਹੀਂ ਹੈ ਕਿ ਤੁਸੀਂ ਟਵੀਟ, ਰੀਵੀਟ, ਲਾਈਨ, ਫੋਲੋ, ਅਨਫੋਲੋ ਕਰੋ। ਪਰ ਅਕਾਊਂਟ ਨੂੰ ਐਕਟਿਵ ਰੱਖਣ ਲਈ 6 ਮਹੀਨਿਆਂ ਵਿਚ ਇਕ ਵਾਰ ਲਾਗਇੰਨ ਕਰਨਾ ਜ਼ਰੂਰੀ ਹੈ ਅਤੇ ਪ੍ਰੋਫਾਈਲ ਨੂੰ ਅਪਡੇਟ ਕਰਨਾ ਜ਼ਰੂਰੀ ਹੈ।