Motocycle looted while two students were going to the school

ਨਵਾਂ ਸ਼ਹਿਰ (ਸਸਸ) : ਰਾਹੋਂ ਰੋਡ ਉਤੇ ਪਿੰਡ ਬੇਗਮਪੁਰ ਦੇ ਕੋਲ ਸਥਿਤ ਪਟਰੌਲ ਪੰਪ ਤੋਂ ਕੁੱਝ ਹੀ ਦੂਰੀ ਉਤੇ ਸਕੂਲ ਜਾ ਰਹੇ ਦੋ ਵਿਦਿਆਰਥੀਆਂ ਤੋਂ ਮੋਟਰਸਾਈਕਲ ਸਵਾਰ ਤਿੰਨ ਲੁਟੇਰਿਆਂ ਨੇ ਤੇਜ਼ਧਾਰ ਹਥਿਆਰ ਅਤੇ ਪਿਸਤੌਲ ਵਿਖਾ ਕੇ ਮੋਟਰਸਾਈਕਲ ਖੋਹ ਲਿਆ। ਘਟਨਾ ਸਵੇਰੇ ਲਗਭੱਗ ਪੌਣੇ 9 ਵਜੇ ਕੀਤੀ ਹੈ। ਲੁਟੇਰਿਆਂ ਨੇ ਮੂੰਹ ਢੱਕੇ ਹੋਏ ਸਨ। ਨਵਾਂ ਸ਼ਹਿਰ ਦੇ ਦੋਆਬੇ ਆਰਿਆ ਸੀਨੀਅਰ ਸੈਕੰਡਰੀ ਸਕੂਲ ਵਿਚ ਗਿਆਰ੍ਹਵੀਂ ਵਿਚ ਪੜ੍ਹਦਾ ਪਿੰਡ ਕਾਹਲੋਂ ਦਾ ਰਹਿਣ ਵਾਲਾ ਮਨਕਰਣ ਸਿੰਘ ਮਨੀ ਨੇ ਪੁਲਿਸ ਨੂੰ ਦੱਸਿਆ

ਫਿਰ ਇਕ ਲੁਟੇਰੇ ਨੇ ਤੇਜ਼ਧਾਰ ਹਥਿਆਰ ਨਾਲ ਉਨ੍ਹਾਂ ਦੇ ਉਤੇ ਹਮਲਾ ਕਰ ਦਿਤਾ। ਚੰਗੀ ਕਿਸਮਤ ਦੇ ਚਲਦੇ ਉਹ ਬੱਚ ਗਏ। ਦੂਜੇ ਲੁਟੇਰੇ ਦੇ ਕੋਲ ਪਿਸਤੌਲਨੁਮਾ ਚੀਜ਼ ਸੀ। ਵਿਦਿਆਰਥੀ ਮਨਕਰਣ ਸਿੰਘ ਨੇ ਦੱਸਿਆ ਕਿ ਲੁਟੇਰਿਆਂ ਨੇ ਜਦੋਂ ਉਨ੍ਹਾਂ ਦੇ ਉਤੇ ਹਮਲਾ ਕੀਤਾ ਤਾਂ ਉਹ ਡਰ ਕੇ ਉਥੋਂ ਭੱਜ ਗਏ ਅਤੇ ਦੋਵੇਂ ਲੁਟੇਰੇ ਉਨ੍ਹਾਂ ਦਾ ਮੋਟਰਸਾਈਕਲ ਲੈ ਕੇ ਸ਼ਹਿਰ ਵੱਲ ਨੂੰ ਚਲੇ ਗਏ। ਪੁਲਿਸ ਨੇ ਅਣਪਛਾਤੇ ਲੁਟੇਰਿਆਂ ਦੇ ਖਿਲਾਫ਼ ਲੁੱਟ ਦਾ ਮਾਮਲਾ ਦਰਜ ਕਰ ਕੇ ਕਾਰਵਾਈ ਸ਼ੁਰੂ ਕਰ ਦਿਤੀ ਹੈ।

ਡੀਐਸਪੀ ਮੁਖਤਿਆਰ ਰਾਏ ਨੇ ਦੱਸਿਆ ਕਿ ਪੁਲਿਸ ਲੁਟੇਰਿਆਂ ਨੂੰ ਫੜਨ ਲਈ ਵੱਖ-ਵੱਖ ਟੀਮਾਂ ਬਣਾ ਕੇ ਉਨ੍ਹਾਂ ਦੀ ਭਾਲ ਕਰ ਰਹੀ ਹੈ। ਪੁਲਿਸ ਵਲੋਂ ਵਾਰਦਾਤ ਵਾਲੀ ਜਗ੍ਹਾ ਦੇ ਕੋਲ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਹਾਸਲ ਕਰ ਲਈ ਗਈ ਹੈ, ਜਿਸ ਤੋਂ ਨਾਲ ਪਤਾ ਲੱਗਦਾ ਹੈ ਕਿ ਜਿਸ ਸਮੇਂ 2 ਲੁਟੇਰਿਆਂ ਨੇ ਅਪਣੇ ਮੋਟਰਸਾਈਕਲ ਤੋਂ ਉਤਰ ਕੇ ਵਿਦਿਆਰਥੀਆਂ ਤੋਂ ਮੋਟਰਸਾਈਕਲ ਖੋਹਿਆ ਤਾਂ ਇਕ ਲੁਟੇਰੇ ਦੇ ਮੂੰਹ ਤੋਂ ਕੱਪੜਾ ਵੀ ਉਤਰ ਗਿਆ ਸੀ।

ਹਾਲਾਂਕਿ ਕੱਪੜਾ ਉਤਰਦੇ ਸਮੇਂ ਉਸ ਦਾ ਮੂੰਹ ਕੈਮਰੇਂ ਵੱਲ ਨਹੀਂ ਸੀ। ਪੁਲਿਸ ਲੁੱਟ ਦਾ ਸ਼ਿਕਾਰ ਹੋਏ ਵਿਦਿਆਰਥੀਆਂ ਦੁਆਰਾ ਦਿੱਤੀ ਜਾਣਕਾਰੀ ਦੇ ਆਧਾਰ ਉਤੇ ਲੁਟੇਰਿਆਂ ਦਾ ਸਕੈਚ ਤਿਆਰ ਕਰਵਾ ਰਹੀ ਹੈ।