ਇਕ ਹੁੰਦੇ ਹਿੱਟ ਤੇ ਇੱਕ ਹੁੰਦਾ ਸੁਪਰਹਿੱਟ.. ਪਰ ਉਸਤੋਂ ਵੀ ਉੱਪਰ ਯਾਨੀ ਸੁਪਰ ਦੁਪਰ ਹਿੱਟ ਹੋ ਗਿਆ ਹੈ ਜੀ 'ਮੇਡ ਇਨ ਇੰਡੀਆ' ਉਹ ਕੀ 'ਮੇਡ ਇਨ ਇੰਡੀਆ'...
ਇਕ ਹੁੰਦੇ ਹਿੱਟ ਤੇ ਇਕ ਹੁੰਦਾ ਸੁਪਰਹਿੱਟ.. ਪਰ ਉਸ ਤੋਂ ਵੀ ਉੱਪਰ ਯਾਨੀ ਸੁਪਰ ਡੁਪਰ ਹਿੱਟ ਹੋ ਗਿਆ ਹੈ ਜੀ 'ਮੇਡ ਇਨ ਇੰਡੀਆ' ਇਹ ਹੈ ਗੁਰੂ ਰੰਧਾਵਾ ਦਾ ਗੀਤ 'ਮੇਡ ਇਨ ਇੰਡੀਆ'। ਬਾਲੀਵੁੱਡ 'ਚ ਤਾਂ ਇਨ੍ਹਾਂ ਨੇ ਖਲਬਲੀ ਮਚਾ ਹੀ ਰੱਖੀ ਹੈ, ਨਾਲ ਹੀ ਆਪਣੀ ਰਿਕਾਰਡ ਤੋੜ ਪਰਫੋਰਮੈਂਸ ਗੀਤਾਂ ਨਾਲ ਪੂਰੇ ਵਿਸ਼ਵ ਵਿਚੋਂ ਵੀ ਪ੍ਰਸਿੱਧੀ ਬਟੋਰ ਰਹੇ ਹਨ। ਜੀ ਹਾਂ ਇਸੇ ਲਈ ਤਾਂ ਗੁਰੂ ਤੇ ਉਨ੍ਹਾਂ ਦੇ ਗੀਤ ਹਮੇਸ਼ਾ ਚਰਚਾ ਵਿਚ ਰਹਿੰਦੇ ਹਨ.. ਤੇ ਅੱਜਕਲ ਜਿਸ ਗੀਤ ਨੇ ਧੁੰਮਾਂ ਪਾਈਆਂ ਹੋਈਆਂ ਨੇ ਜੀ ਉਹ ਹੈ 'ਮੇਡ ਇਨ ਇੰਡੀਆ'।
ਇਕ ਤੋਂ ਬਾਅਦ ਇਕ ਸਾਰੇ ਰਿਕਾਰਡ ਤੋੜੀ ਜਾ ਰਿਹਾ ਹੈ ਗੁਰੂ ਰੰਧਾਵਾ ਦਾ ਇਹ ਗੀਤ। ਗੁਰੂ ਦਾ ਗੀਤ 'ਮੇਡ ਇਨ ਇੰਡੀਆ' ਐਸਾ ਪਹਿਲਾ ਭਾਰਤੀ ਗੀਤ ਬਣ ਗਿਆ ਸੀ, ਜਿਸ ਨੂੰ ਸਭ ਤੋਂ ਛੇਤੀ ਮਹਿਜ਼ 10 ਦਿਨਾਂ ਵਿਚ 50 ਮਿਲੀਅਨ ਤੋਂ ਵੱਧ ਵਿਊਜ਼ ਮਿਲੇ ਸਨ ਤੇ ਹੁਣ ਇਕ ਹੋਰ ਨਵਾਂ ਰਿਕਾਰਡ ਇਸ ਗੀਤ ਨੇ ਆਪਣੇ ਨਾਂ ਦਰਜ ਕਰ ਲਿਆ ਹੈ। ਜੀ ਹਾਂ ਭਾਰਤ ਨੂੰ ਬਿਲਬੋਰਡ ਯੂਟਿਊਬ ਸਟੈਟਸ ਤੇ ਪੇਸ਼ ਕਰਦਾ ਹੋਇਆ ਇਹ ਗੀਤ 11 ਨੰਬਰ 'ਤੇ ਆਪਣੀ ਜਗ੍ਹਾ ਬਣਾ ਚੁੱਕਿਆ ਹੈ।
ਤੁਹਾਨੂੰ ਦਸ ਦਈਏ ਕਿ ਇਸਦੇ ਨਾਲ ਹੀ ਗੁਰੂ ਪਹਿਲੇ ਭਾਰਤੀ ਗਾਇਕ ਬਣ ਚੁੱਕੇ ਹਨ, ਜਿਨ੍ਹਾਂ ਦੇ ਗੀਤ ਦੋ ਵਾਰ ਬਿਲਬੋਰਡ ਯੂਟਿਊਬ ਸਟੇਟਸ 'ਤੇ ਭਾਰਤ ਨੂੰ ਰਿਪ੍ਰਜੈਂਟ ਕਰ ਚੁੱਕੇ ਹਨ। ਇਸ ਤੋਂ ਪਹਿਲਾਂ ਉਨ੍ਹਾਂ ਦੇ ਗੀਤ ਲਾਹੌਰ ਨੇ ਵੀ ਇਸੇ ਤਰ੍ਹਾਂ ਪ੍ਰਸਿੱਧੀ ਬਟੋਰੀ ਸੀ ਤੇ ਉਸਨੇ ਬਿਲਬੋਰਡ ਟਾਪ 25 'ਚੋਂ 21 ਵੇਂ ਨੰਬਰ 'ਤੇ ਆਪਣੀ ਜਗ੍ਹਾ ਬਣਾਈ ਸੀ। ਸਾਡੇ ਲਈ ਬੜੇ ਮਾਣ ਦੀ ਗੱਲ ਹੈ ਕਿ ਵਿਸ਼ਵ ਦੇ ਨਾਮੀ ਕਲਾਕਾਰਾਂ ਵਿਚ ਆਪਣਾ ਨਾਮ ਦਰਜ ਕਰਵਾ ਕੇ ਸਾਡੇ ਹਾਈ ਰਾਟੇਡ ਗੱਭਰੂ ਨੇ ਸਾਡੀ ਸ਼ਾਨ ਵਧਾਈ ਹੈ।
ਪੰਜਾਬੀ ਗੀਤਾਂ ਤੋਂ ਸ਼ੁਰੂ ਹੋਇਆ ਇਹ ਸਿਲਸਿਲਾ ਅੱਜ ਇੰਨਾ ਕੁ ਵੱਧ ਗਿਆ ਹੈ ਕਿ ਹੁਣ ਸਿਰਫ ਪੰਜਾਬ ਨਹੀਂ,ਭਾਰਤ ਨਹੀਂ ਸਗੋਂ ਪੂਰੇ ਵਿਸ਼ਵ ਵਿਚ ਇਨ੍ਹਾਂ ਦੇ ਗੀਤਾਂ ਦੀ ਤੂਤੀ ਬੋਲਦੀ ਹੈ। ਖੈਰ ਅਸੀਂ ਤਾਂ ਹੀ ਉਮੀਦ ਕਰਦੇ ਆਂ ਕਿ ਕਾਮਯਾਬੀ ਦਾ ਇਹ ਸਿਲਸਿਲਾ ਇਸੇ ਤਰ੍ਹਾਂ ਚਲਦਾ ਰਹੇ ਤੇ ਇਹ ਇਸੇ ਤਰ੍ਹਾਂ ਸਾਨੂ ਹੋਰ ਵਧੀਆ ਵਧੀਆ ਗੀਤ ਦੇਕੇ ਸਾਡੀ ਜ਼ਿੰਦਗੀ ਦੀ ਧੁਨ ਨੂੰ ਹੋਰ ਸੁਰੀਲਾ ਬਣਾਉਂਦੇ ਰਹਿਣ।