ਨਵੀਂ ਦਿੱਲੀ (ਭਾਸ਼ਾ) : ਹਿੰਦੀ ਦੀ ਪ੍ਰਸਿੱਧ ਕਹਾਣੀਕਾਰ ਚਿਤਰਾ ਮੁਦਗਲ ਨੂੰ ਬੁੱਧਵਾਰ ਨੂੰ ਉਨ੍ਹਾਂ ਦੇ ਨਾਵਲ ਪੋਸਟ ਬਾਕਸ ਨੰ. 203- ਨਾਲਾ ਸੋਪਾਰਾ ਦੇ ਲਈ ਸਾਹਿਤ ਅਕਾਦਮੀ ਪੁਰਸਕਾਰ ਦੇਣ ਦਾ ਐਲਾਨ ਕੀਤਾ ਗਿਆ ਹੈ। ਅਕਾਦਮੀ ਵਲੋਂ ਇਸ ਵਾਰ ਸੱਤ ਕਵਿਤਾ ਸਮੂਹ, ਛੇ ਕਹਾਣੀ ਸਮੂਹ ਤਿੰਨ ਆਲੋਚਨਾ ਅਤੇ ਦੋ ਨਿਬੰਧ ਸਮੂਹ ਨੂੰ ਇਹ ਇਨਾਮ ਦਿਤਾ ਜਾਵੇਗਾ। ਉਰਦੂ ਭਾਸ਼ਾ ਵਿਚ ਇਹ ਪੁਰਸਕਾਰ ਰਹਿਮਾਨ ਅੱਬਾਸ ਅਤੇ ਅੰਗਰੇਜ਼ੀ ਵਿਚ ਅਨੀਸ ਸਲੀਮ ਨੂੰ ਦੇਣ ਦਾ ਐਲਾਨ ਕੀਤਾ ਗਿਆ ਹੈ।

ਅੰਦੋਲਨ ਵਿਕਸਿਤ ਕਰਨ ਵਾਲੇ ਸੰਗਠਨਾਂ ਨਾਲ ਇਨ੍ਹਾਂ ਦਾ ਡੂੰਘਾ ਰਿਸ਼ਤਾ ਹੈ। ਇਨ੍ਹਾਂ ਦਾ ਮੰਨਣਾ ਹੈ ਕਿ ਸਮਾਜਿਕ ਪਰਿਵਰਤਨਾਂ ਦੀ ਦਿਸ਼ਾ ਵਿਚ ਅੰਦੋਲਨ ਨਿਰਣਾਇਕ ਭੂਮਿਕਾ ਨਿਭਾਉਂਦੇ ਹਨ। ਇਹਨਾਂ ਦੀ ਕਹਾਣੀਆਂ ਉਤੇ ਕਈ ਰਚਨਾਵਾਂ ਦਾ ਨਿਰਮਾਣ ਹੋਇਆ ਹੈ। ਨਾਲ ਹੀ ਉਨ੍ਹਾਂ ਨੇ ਦੂਰਦਰਸ਼ਨ ਦੀ ਟੈਲੀਫਿਲਮ ‘ਵਾਰਿਸ’ ਦੀ ਉਸਾਰੀ ਵੀ ਕੀਤੀ ਹੈ। 

ਸਾਹਿਤ ਅਕਾਦਮੀ ਇਨਾਮ ਭਾਰਤ ਵਿਚ ਸਾਹਿਤ ਦੇ ਖੇਤਰ ਵਿਚ ਦਿਤਾ ਜਾਂਦਾ ਹੈ, ਜੋ ਸਾਹਿਤ ਅਕਾਦਮੀ ਹਰ ਸਾਲ ਉਨ੍ਹਾਂ ਵਲੋਂ ਮਾਨਤਾ ਪ੍ਰਾਪਤ 24 ਮੁੱਖ ਭਾਸ਼ਾਵਾਂ ਵਿਚੋਂ ਹਰ ਇਕ ਵਿਚ ਪ੍ਰਕਾਸ਼ਿਤ ਸਰਵਉੱਤਮ ਸਾਹਿਤਕਾਰਾਂ ਨੂੰ ਦਿਤਾ ਜਾਂਦਾ ਹੈ।