Sukhbir Singh Badal

ਗੁਰਦਾਸਪੁਰ : ਬੀਤੇ ਕੱਲ੍ਹ ਸ੍ਰੀ ਡੇਰਾ ਬਾਬਾ ਨਾਨਕ ਤੋਂ ਸ੍ਰੀ ਕਰਤਾਰਪੁਰ ਸਹਿਬ ਦੇ ਲਾਂਘੇ ਦੇ ਨੀਂਹ ਪੱਥਰ ਰੱਖਣ ਮੋਕੇ ਭਾਜਪਾ ਦੀ ਅਗਵਾਈ ਵਾਲੀ ਕੇਂਦਰੀ ਅਤੇ ਪੰਜਾਬ ਸਰਕਾਰ ਦੇ ਸਮਾਗਮ ਵਿਚ ਦਿੱਲੀ ਤੋਂ ਕੇਂਦਰੀ ਮੰਤਰੀ ਸ੍ਰੀ ਨਾਇਡੂ ਦੀਆਂ ਫੋੜੀਆਂ ਦੇ ਸਹਾਰੇ ਕੇਂਦਰੀ ਮੰਤਰੀ ਸ੍ਰੀ ਮਤੀ ਹਰਸਿਮਰਤ ਕੌਰ ਬਾਦਲ ਤੇ  ਕਾਫੀ ਸਾਰੇ ਸੀਨੀਅਰ ਅਕਾਲੀ ਆਗੂ ਪਹੁੰਚ ਤਾਂ  ਗਏ ਪਰ ਵਿਸ਼ਲੇਸ਼ਣ ਇਹ ਕਰਨਾ ਬਣਦਾ ਹੈ ਕਿ ਸੁਖਬੀਰ ਸਿੰਘ ਬਾਦਲ, ਮਨਜੀਤ ਸਿੰਘ ਜੀਕੇ, ਭਾਈ ਗੋਬਿੰਦ ਸਿੰਘ ਲੌਂਗੋਵਾਲ, ਬਿਕਰਮ ਮਜੀਠੀਆ ਅਤੇ ਬੀਬੀ ਜਗੀਰ ਕੌਰ ਦਾ ਸਮਾਗਮ ਦੇ ਕਰਤਾ ਧਰਤਾ ਕੈਪਟਨ ਸਰਕਾਰ ਨੇ ਕੋਈ ਨੋਟਿਸ ਲੈਣਾ ਵੀ ਜ਼ਰੂਰੀ ਨਾ ਸਮਝਿਆ।

ਵੈਸੇ ਤਾਂ ਸ੍ਰੀ ਮਤੀ ਬਾਦਲ ਨੇ ਵੀ ਇਸ ਸਮਾਗਮ ਵਿਚ ਪੁੱਜ ਕੇ ਆਪਣੀ ਹੋਏ ਹੋਏ ਹੀ ਕਰਾਈ  ਕਿਉਂਕਿ ਉਹਨਾਂ ਨੇ  ਆਪਣਾ ਭਾਸ਼ਣ ਬਾਰ ਬਾਰ ਸੰਤ ਸਮਾਜ ਅਤੇ ਲੋਕਾਂ ਵੱਲੋਂ ਕੀਤੀ ਜਾਂਦੀ ਹੂਟਿੰਗ ਸਮੇਂ ਵੀ ਜਾਰੀ ਰੱਖਿਆ। ਜਦੋਂ ਹੂਟਿੰਗ ਹੋ ਰਹੀ ਸੀ ਉਸ ਸਮੇਂ ਖਾਸ ਕਰਕੇ ਸੁਖਬੀਰ ਸਿੰਘ ਬਾਦਲ ਅਤੇ ਬਿਕਰਮਜੀਤ ਸਿੰਘ ਦੇ ਚਿਹਰੇ ਦੇਖਣ ਲਾਇਕ ਹੀ ਸਨ। ਬਹੁਤੇ ਰਾਜਸੀ ਮਾਹਿਰ ਤਾਂ ਇਹੋ ਕਹਿ ਰਹੇ ਸਨ ਕਿ ਭਾਵੇਂ ਦੇਸ਼ ਦੇ ਉਪ ਰਾਸ਼ਟਰੀ ਪਤੀ ਸ੍ਰੀ ਨਾਇਡੂ ਅਤੇ ਭਾਜਪਾ ਦੇ ਕੇਂਦਰੀ ਮੰਤਰੀ ਨਿਤਕਰ ਗਡਕਰੀ ਨੇ ਇੱਥੇ ਆਉਣਾ ਸੀ ਤਾਂ ਉਨ੍ਹਾਂ ਦੇ ਸਹਾਰੇ ਸ੍ਰੀਮਤੀ ਬਾਦਲ ਨੂੰ ਇਸ ਸਮਾਗਮ ਵਿਚ ਆਉਣਾ ਹੀ ਨਹੀਂ ਸੀ ਚਾਹੀਦਾ

ਕਿਉਂਕਿ ਉਹ ਇਹ ਤਾਂ ਜਾਣਦੇ ਹੀ ਹੋਣਗੇ ਕਿ ਸਮਾਗਮ ਦੀ ਸਾਰੀ ਵਾਗਡੋਰ ਕੈਪਟਨ ਸਰਕਾਰ ਦੇ ਹੱਥਾਂ ਵਿਚ ਹੀ ਹੋਵੇਗੀ। ਸ੍ਰੀ ਮਤੀ ਬਾਦਲ ਨੇ ਸਗੋਂ ਇੱਥੇ ਪੁੱਜ ਕੇ ਆਪਣੀ ਜੱਗ ਹਸਾਈ ਹੀ ਕਰਾਈ। ਇਹ ਤਾਂ ਰਹੀ ਸ੍ਰੀ ਮਤੀ ਬਾਦਲ ਦੀ ਗੱਲ। ਦੂਸਰੇ ਪਾਸੇ ਉਨ੍ਹਾਂ ਨੂੰ ਸਮਾਗਮ ਦੇ ਪੰਡਾਲ ਵਿਚ ਆਮ ਲੋਕਾਂ ਵਿਚ ਬੈਠਣ ਲਈ  ਮਜਬੂਰ  ਹੋਣਾ ਪਿਆ ਉਕਤ ਸੀਨੀਅਰ ਅਕਾਲੀ ਲੀਡਰਸ਼ਿਪ ਨੂੰ। ਇਹ ਅਕਾਲੀ ਆਗੂ ਪਤਾ ਨਹੀਂ ਇਸ ਸਮਾਗਮ ਵਿਚ ਕੀ ਸੋਚ ਕੇ ਆਏ ਸਨ। ਹੋਰ ਗੱਲ ਇਹ ਸਾਰੇ ਅਕਾਲੀ ਆਗੂ ਇੱਥੇ ਬਿਨ ਬੁਲਾਏ ਮਹਿਮਾਨ ਹੋਣ ਕਾਰਨ ਸ੍ਰੀ ਮਤੀ ਬਾਦਲ ਦੀ ਤਰਾਂ ਜੱਗ ਹਸਾਈ ਦਾ ਕਾਰਨ ਹੀ ਬਣੇ।

ਪਿੱਛੇ ਬੈਠੇ ਲੋਕ ਬੜੇ ਹੀ ਅਜੀਬ ਢੰਗ ਉਹਨਾਂ ਤੱਕ ਆਪਣੀਆਂ ਅਵਾਜ਼ਾਂ ਪਹੁੰਚਾ ਕੇ ਖਾਸ ਕਰਕੇ ਬਾਦਲ ਪਰਿਵਾਰ ਉਪਰ ਖੂਬ ਵਿਅੰਗ ਕਰ ਰਹੇ ਸਨ ਤਾਂ ਉਸ ਸਮੇਂ ਬੇਵੱਸ ਸਖਬੀਰ ਸਿੰਘ ਬਾਦਲ ਅਤੇ ਬਿਕਰਮਜੀਤ ਸਿੰਘ ਮਜੀਠੀਆ ਸ਼ਾਇਦ ਇੱਥੇ ਆ ਕੇ ਪਛਤਾ ਰਹੇ ਹੋਣ। ਲੋਕ ਉਚੀ ਉੱਚੀ ਅਵਾਜੇ ਕੱਸ ਰਹੇ ਸਨ, ਔਹ ਬੈਠੇ ਜੇ ਆਪਣੇ ਰਾਜ ਵਿਚ ਸ੍ਰੀ ਗੁਰੂ ਗਰੰਥ ਸਹਿਬ ਦੀ ਬੇਅਦਬੀ ਕਰਵਾਉਣ ਵਾਲੇ ਅਤੇ ਜਾਪ ਕਰ ਰਹੇ

ਲੋਕਾਂ ਉਪਰ ਗੋਲੀਆਂ ਚਲਾਉਣ ਦੇ ਹੁਕਮ ਦੇ ਕੇ ਦੋ ਸਿੱਖ ਨੌਜਵਾਨਾਂ ਨੂੰ ਸ਼ਹੀਦ ਕਰਨ ਲਈ ਜ਼ਿੰਮੇਵਾਰ।'' ਪਤਾ ਨਹੀ ਸ੍ਰੀਮਤੀ ਬਾਦਲ ਅਤੇ ਅਕਾਲੀ ਆਗੂਆਂ ਨੇ ਕੱਲ ਦੇ ਸਮਾਗਮ ਵਿਚੋਂ ਕੀ ਖੱਟਿਆ ਹੋਵੇਗਾ ਸਗੋਂ ਆਮ ਲੋਕਾਂ ਤੋਂ ਇਲਾਵਾ ਸਿਆਸੀ ਮਾਹਿਰਾਂ ਦੀ ਵੀ ਇਹੋ ਰਾਇ ਸੀ ਕਿ ਅਕਾਲੀ ਆਗੂਆਂ ਨੇ ਇਸ ਕਾਂਗਰਸ ਦੀ ਕਮਾਂਡ ਵਾਲੇ ਸਮਾਗਮ ਵਿਚ ਪੁੱਜ ਕੇ ਆਪਣੀ ਜੱਗ ਹਸਾਈ ਹੀ ਕਰਾਈ ਹੈ।