ਨਵੀਂ ਦਿੱਲੀ (ਭਾਸ਼ਾ) : ਮਿਤਾਲੀ ਰਾਜ ਨੂੰ ਮਹਿਲਾ ਵਰਲਡ ਟੀ-20 ਦੇ ਸੈਮੀਫਾਈਨਲ ਵਿਚ ਟੀਮ ਤੋਂ ਬਾਹਰ ਰੱਖਣ ‘ਤੇ ਹੋਇਆ ਵਿਵਾਦ ਹੁਣ ਭਾਰਤੀ ਕ੍ਰਿਕੇਟ ਕੰਟਰੋਲ ਬੋਰਡ (ਬੀਸੀਸੀਆਈ) ਤੱਕ ਪਹੁੰਚ ਗਿਆ ਹੈ। ਸੁਪਰੀਮ ਕੋਰਟ ਦੁਆਰਾ ਸੰਗਠਿਤ ਅਨੁਸ਼ਾਸਕਾਂ ਦੀ ਕਮੇਟੀ (ਸੀਓਏ) ਨੇ ਟੂਰਨਾਮੈਂਟ ਵਿਚ ਮਿਤਾਲੀ ਦੀ ਫਿਟਨੇਸ ਦੀ ਰਿਪੋਰਟ ਮੰਗੀ ਹੈ।  ਸੀਓਏ ਨੇ ਮੈਚ ਤੋਂ ਪਹਿਲਾਂ ਹੋਈ ਸੰਗਠਿਤ ਕਮੇਟੀ ਦੀ ਬੈਠਕ ਦੀ ਜਾਣਕਾਰੀ ਲੀਕ ਹੋਣ ‘ਤੇ ਚਿੰਤਾ ਜਤਾਈ।

ਭਾਰਤੀ ਮਹਿਲਾ ਕ੍ਰਿਕੇਟ ਟੀਮ ਦੇ ਮੁੱਖ ਕੋਚ ਰਮੇਸ਼ ਪਵਾਰ ਅਤੇ ਪ੍ਰਬੰਧਕ ਤ੍ਰਿਪਤੀ ਭੱਟਾਚਾਰਿਆ ਇਸ ਮਾਮਲੇ ਵਿਚ ਸੋਮਵਾਰ ਨੂੰ ਸੀਓਏ ਅਤੇ ਜੌਹਰੀ ਨਾਲ ਮੁਲਾਕਾਤ ਕਰ ਕੇ ਟੀ-20 ਵਰਲਡ ਕੱਪ ਵਿਚ ਭਾਰਤੀ ਟੀਮ ਦੇ ਪ੍ਰਦਰਸ਼ਨ ਦੀ ਰਿਪੋਰਟ ਵੀ ਦੇਣਗੇ। ਇਸ ਟੂਰਨਾਮੈਂਟ ਵਿਚ ਆਸਟਰੇਲੀਆ ਦੇ ਖਿਲਾਫ਼ ਗੋਡੇ ਦੀ ਸੱਟ ਦੇ ਕਾਰਨ ਮਿਤਾਲੀ ਮੈਚ ਤੋਂ ਬਾਹਰ ਸੀ ਪਰ ਉਸ ਤੋਂ ਪਹਿਲਾਂ ਖੇਡੇ ਗਏ ਦੋ ਮੈਚਾਂ ਵਿਚ ਉਨ੍ਹਾਂ ਨੇ ਲਗਾਤਾਰ ਅਰਧ ਸ਼ਤਕੀ ਪਾਰੀਆਂ ਖੇਡੀਆਂ ਸਨ।