ਅਮਿਤ ਸ਼ਾਹ ਨੇ ਲਿੰਗਾਯਤ ਅਤੇ ਵੀਰਸ਼ੈਵ ਲਿੰਗਾਯਤ ਮੁੱਦੇ ਨੂੰ ਲੈ ਕੇ ਇਹ ਸਾਫ਼ ਕਰ ਦਿਤਾ ਹੈ ਕਿ ਉਨ੍ਹਾਂ ਨੂੰ ਵੱਖਰੇ ਧਰਮ ਦਾ ਦਰਜਾ ਕੇਂਦਰ ਸਰਕਾਰ ਨਹੀਂ ਦੇਣ ਵਾਲੀ ਹੈ।
ਨਵੀਂ ਦਿੱਲੀ : ਅਮਿਤ ਸ਼ਾਹ ਨੇ ਲਿੰਗਾਯਤ ਅਤੇ ਵੀਰਸ਼ੈਵ ਲਿੰਗਾਯਤ ਮੁੱਦੇ ਨੂੰ ਲੈ ਕੇ ਇਹ ਸਾਫ਼ ਕਰ ਦਿਤਾ ਹੈ ਕਿ ਉਨ੍ਹਾਂ ਨੂੰ ਵੱਖਰੇ ਧਰਮ ਦਾ ਦਰਜਾ ਕੇਂਦਰ ਸਰਕਾਰ ਨਹੀਂ ਦੇਣ ਵਾਲੀ ਹੈ। ਅਮਿਤ ਸ਼ਾਹ ਨੇ ਕਿਹਾ ਕਿ ਲਿੰਗਾਯਤ ਸਮਾਜ ਦੇ ਸਾਰੇ ਮਹੰਤਾਂ ਦਾ ਇਹ ਕਹਿਣਾ ਹੈ ਕਿ ਸਮਾਜ ਨੂੰ ਵੰਡਣ ਨਹੀਂ ਦੇਣਾ ਹੈ। ਉਨ੍ਹਾਂ ਆਖਿਆ ਕਿ ਮੈਂ ਇਸ ਗੱਲ ਦਾ ਭਰੋਸਾ ਦਿਵਾਉਂਦਾ ਹਾਂ ਕਿ ਅਜਿਹਾ ਨਹੀਂ ਹੋਇਆ। ਜਦੋਂ ਤਕ ਭਾਜਪਾ ਦੀ ਸਰਕਾਰ ਹੈ ਕਿਸੇ ਵੀ ਤਰ੍ਹਾਂ ਦਾ ਬਟਵਾਰ ਨਹੀਂ ਹੋਵੇਗਾ।
Lingayat Community will not give status Separate Religion : Amit Shah
ਉਨ੍ਹਾਂ ਨੇ ਇਸ ਨੂੰ ਬੀਐਸ ਯੇਦੀਯੁਰੱਪਾ ਨੂੰ ਕਰਨਾਟਕ ਦਾ ਅਗਲਾ ਮੁੱਖ ਮੰਤਰੀ ਬਣਨ ਤੋਂ ਰੋਕਣ ਦੀ ਸਾਜਿਸ਼ ਦਸਿਆ ਹੈ। ਦਸ ਦਈਏ ਕਿ ਰਾਜ ਵਿਚ 12 ਮਈ ਨੂੰ ਵਿਧਾਨ ਸਭਾ ਚੋਣਾਂ ਹਨ। ਨਤੀਜੇ 15 ਮਈ ਨੂੰ ਐਲਾਨ ਕੀਤੇ ਜਾਣਗੇ।
Lingayat Community will not give status Separate Religion : Amit Shah
ਅਮਿਤ ਸ਼ਾਹ ਨੇ ਵੀਰਸ਼ੈਵ ਲਿੰਗਾਯਤ ਦੇ ਮਹੰਤਾਂ ਨੂੰ ਕਿਹਾ ਕਿ ਲਿੰਗਾਯਤ ਸਮਾਜ ਨੂੰ ਧਾਰਮਿਕ ਘੱਟ ਗਿਣਤੀ ਦਾ ਦਰਜਾ ਦੇਣ ਦੀ ਰਾਜ ਸਰਕਾਰ ਦੀ ਸਿਫ਼ਾਰਸ਼ ਨੂੰ ਕੇਂਦਰ ਸਰਕਾਰ ਨਹੀਂ ਮੰਨੇਗੀ। ਉਥੇ ਭਾਜਪਾ ਰਾਸ਼ਟਰੀ ਪ੍ਰਧਾਨ ਅਮਿਤ ਸ਼ਾਹ ਨੇ ਲਿੰਗਾਯਤ ਨੂੰ ਵੱਖਰੇ ਧਰਮ ਦਾ ਦਰਜਾ ਦੇਣ ਦੇ ਸੁਝਾਅ ਨੂੰ ਸਿਧਰਮਈਆ ਸਰਕਾਰ ਦੀ ਮਨਜ਼ੂਰੀ 'ਤੇ ਕਿਹਾ ਕਿ ਇਹ ਯੇਦੀਯੁਰੱਪਾ ਨੂੰ ਕਰਨਾਟਕ ਦਾ ਮੁੱਖ ਮੰਤਰੀ ਬਣਨ ਤੋਂ ਰੋਕਣ ਦੀ ਰਣਨੀਤੀ ਹੈ। ਉਹ ਲਿੰਗਾਯਤ ਵੋਟਾਂ ਦਾ ਧਰੁਵੀਕਰਨ ਚਾਹੁੰਦੇ ਹਨ ਪਰ ਸਮਾਜ ਇਸ ਨੂੰ ਲੈ ਕੇ ਜਾਗਰੂਕ ਹੈ। ਚੋਣ ਤੋਂ ਬਾਅਦ ਭਾਜਪਾ ਅਪਣਾ ਰੁਖ਼ ਸਪੱਸ਼ਟ ਕਰੇਗੀ।
Lingayat Community will not give status Separate Religion : Amit Shah
ਨਾਲ ਹੀ ਅਮਿਤ ਸ਼ਾਹ ਨੇ ਕਾਂਗਰਸ 'ਤੇ ਹਮਲਾ ਬੋਲਦੇ ਹੋਏ ਕਿਹਾ ਕਿ ਕਾਂਗਰਸ ਭ੍ਰਿਸ਼ਟਾਚਾਰ ਦਾ ਪ੍ਰਤੀਕ ਬਣ ਗਈ ਹੈ। ਦਸ ਦਈਏ ਕਿ ਕੱਲ੍ਹ ਅਪਣੀ ਯਾਤਰਾ ਦੇ ਪਹਿਲੇ ਦਿਨ ਉਨ੍ਹਾਂ ਨੇ ਲਿੰਗਾਯਤ ਮੱਠਾਂ ਦਾ ਦੌਰਾ ਕੀਤਾ ਅਤੇ ਨਾਲ ਹੀ ਚਿਤਰਦੁਰਗ਼ ਵਿਚ ਕਰੀਬ 43 ਮਿੰਟ ਤਕ ਪ੍ਰਭਾਵਸ਼ਾਲੀ ਦਲਿਤ ਮੱਠ ਸ਼ਰਨਾ ਮਧਰਾ ਗੁਰੂ ਪੀਠ ਦੇ ਮਹੰਤ ਮਧਰਾ ਚੇਨੈਈਆ ਸਵਾਮੀ ਨਾਲ ਮੁਲਾਕਾਤ ਕੀਤੀ ਸੀ।
Lingayat Community will not give status Separate Religion : Amit Shah
ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਅਤੇ ਭਾਜਪਾ ਦੇ ਰਾਸ਼ਟਰੀ ਪ੍ਰਧਾਨ ਅਮਿਤ ਸ਼ਾਹ ਦੇ ਵਿਸ਼ੇਸ਼ ਜਹਾਜ਼ਾਂ ਦੇ ਉੱਤਰ ਕਰਨਾਟਕ ਵਿਚ ਹੁਬਲੀ ਹਵਾਈ ਅੱਡੇ 'ਤੇ ਉਤਰਨ ਤੋਂ ਬਾਅਦ ਮੰਗਲਵਾਰ ਨੂੰ ਅਧਿਕਾਰੀਆਂ ਨੇ ਇਨ੍ਹਾਂ ਜਹਾਜ਼ਾਂ ਦੀ ਤਲਾਸ਼ੀ ਲਈ। ਕਰਨਾਟਕ ਵਿਚ 12 ਮਈ ਨੂੰ ਹੋਣ ਜਾ ਰਹੀਆਂ ਵਿਧਾਨ ਸਭਾ ਚੋਣਾਂ ਨੂੰ ਲੈ ਕੇ ਪ੍ਰਚਾਰ ਦੇ ਸਿਲਸਿਲੇ ਵਿਚ ਇਹ ਦੋਵੇਂ ਨੇਤਾ ਕਰਨਾਟਕ ਆਏ ਸਨ।
Lingayat Community will not give status Separate Religion : Amit Shah
ਤਲਾਸ਼ੀ ਮੁਹਿੰਮ ਵਿਚ ਜ਼ਿਲ੍ਹਾ ਪੱਧਰ ਦੇ ਤਿੰਨ ਅਧਿਕਾਰੀ ਸ਼ਾਮਲ ਸਨ। ਅਧਿਕਾਰੀਆਂ ਨੇ ਦਸਿਆ ਕਿ ਕਰਨਾਟਕ ਵਿਚ ਮੁਕਤ ਅਤੇ ਨਿਰਪੱਖ ਚੋਣ ਯਕੀਨੀ ਕਰਨ ਦੇ ਮੱਦੇਨਜ਼ਰ ਚੋਣ ਕਮਿਸ਼ਨ ਦੇ ਨਿਰਦੇਸ਼ ਅਨੁਸਾਰ ਇਹ ਮੁਹਿੰਮ ਚਲਾਈ ਗਈ। ਧਾਰਵਾੜ ਜ਼ਿਲ੍ਹੇ ਦੇ ਉਪ ਕਮਿਸ਼ਨਰ ਐਸ ਬੀ ਬੋਮੰਨਾਹੱਲੀ ਨੇ ਦਸਿਆ ਕਿ ਕਮਿਸ਼ਨ ਦੇ ਨੋਡਲ ਅਧਿਕਾਰੀ ਕਰਪਲੇ ਦੀ ਅਗਵਾਈ ਵਿਚ ਟੀਮ ਨੇ ਚੰਗੀ ਤਰ੍ਹਾਂ ਤਲਾਸ਼ੀ ਲਈ।
